09-05-2006
|
#1 | ||||||||||
 
|
فتاه غلطانه برقمي
|
||||||||||
|
|
09-05-2006
|
#3 | |
|
كلّ البشر فـي الاتصـالات يخطـون ** يخطون واخطي.. عذرنا هاتف فلان؟؟
ومن عادتـي ماهتـمّ باللـي يقولـون ** من غلط في رقمي .لقى الردّ غلطـان الين جـاء فـي يـوم ..دق ّ التلفـون ** شفت الرقم.. لقيتـه اشكـال والـوان فتحت جوّالـي ابعـرف مـن يكـون ** سمعـت صـوتٍ فيـه بحّـه وفتّـان قالت لي: انت سعود؟ قلت: ايه بالعون. ** لعيونك.. اسمي سعود لو كان ضيـدان قالت :اتظنّي مخطئه. قلت :وشلـون؟؟ ** قلبـي توقّـف مانبـض فيـه شريـان بالهـون يابنـت الاجاويـد بالـهـون ** من عـادة الانسـان يرتـاح لانسـان تسمّعـي يابنـت وابلـيـس ملـعـون ** اخذي كلام ٍ مصدره صـدق وجـدان ماني بقايل لك: انـا انسـان مزيـون ** اطرق ولاله شبه في الانـس والجـان انا محمّـد.. وافـي الهـرج مـوزون ** اوزن كلامي.. قبـل اقولـه بميـزان وانا الّـذي لاحـبّ ..لايمكـن يخـون ** مخلص مدامه حيّ .ويمـوت ماخـان وانـا اذا حبّيـت .. حبّيـت بجـنـون ** حبّـي يفجـر داخلـي الـف بركـان وانا الّذي ماطـرد ورى مـن يقفّـون ** من صدّ عنّي عمد.. بجزيـه حقـران هذي وصوفي .واكثرالنّاس يشـرون ** وانتي عليـك اليـوم تقديـر الاثمـان قالت :اشوفك قمـت يامحمـد تمـون ** تضحـك وضحكتهـا تقاسيـم فـنّـان قلت :الميانه.. ماهي بضحكـة سنـون ** احيـان ماتلقينهـا بـيـن الاخــوان ترى الميانه شـيّ واضـح ومضمـون ** اذا اجتمع شخصين.. في قلب ولسـان قالت :كلامك وافـي ٍ يابـن خلـدون ** احيان احسّ ان جلستـك بيـن شيبـان يامحمد .اسمع كلمة البنـت ميسـون ** اسلوبك ووقتك.. مضت دونها ازمـان هـذا زمـن قدواتـه افـلام كرتـون ** وهذا زمان ارجالـه اجسـاد وابـدان قالت.. وغنّت لي على وقتـي لحـون ** قلت: اسكتي من بعد ماخاطري شـان انا ادري ان الوقت.. من دون في دون ** لكن فمـان الله وانـس ِ اللـذي كـان قلته وانا صامل.. وهـي عندهـا آذون ** لكنّـهـا ماصـدّقـت سـمـع الاذان ضاقت ...وخلـق الله دايـم يضيقـون ** وانا قفلـت الخطّ..ضايـق وزعـلان ونسيت.. والاجواد في الوقت ينسـون ** ماسـمّـي الانـسـان الاّ بنـسـيـان المشكله..بـنـات حــوّا مايسـلـون ** دقّت علـي وانـا لهـا شبـه شفقـان قبل آآتكلّم.. قالـت: اسمـع ولاتهـون ** اسمي مهو ميسون.. حان الصدق حان الاسم عمشاء وآخـر الجـدّ مصيـون ** مهـره ولا طوّعـت بلجـام وعنـان قلت: ارحبي مليون تضـرب بمليـون ** اقولهـا مليـون مـن قلـب ولسـان قلت: ارحبي في العين ..ولحافك جفون ** وظلالك من الشمس باهـداب الاعيـان ياعيـن حـر ٍ بالمطالـيـع مفـتـون ** حر ٍ شـراه مولّـع الصيـد طربـان هذه القصيده كما هي ولا ادري ليه غيرت بعض كلماتها على العموم صح لسانك ولسان الشاعر والقصيده منقوله ومكانها الشعر المنقول وليس الفصيح وتسلم على هالنقل الذي ان دل يدل على ذوقك الشعري |
|
|
|
|
10-05-2006
|
#5 | |
|
البشر فـي الاتصـالات يخطـون
يخطون واخطي.. عذرنا هاتف فلان؟؟ الين جـااء فـي يـوم ..دق ّ التلفـون شفت الرقم.. لقيتـه اشكـال والـوان ابو عماد هذه قصيده والا عصيده هيضتني ياشين تناقزن دموعي معنا تناقزن / أي أنبجن تقل خرز معنا انبجن/ أي طلعن |
|
|
|
|
10-05-2006
|
#6 | |
|
قصيده موووفقه
صح الله لسانك اخي ابــوعمــاد ويعطيك العافيه لطرحك الجميل ... اطيب الامنيات ريم الفلا |
|
مجتمع يرفض الطب ! و يسيء الظن في الطبيبات !! وحين تلد النساء ، يبحث عن " طبيبه " !! مجتمع متناقض  !
|
|
25-05-2006
|
#9 | |
|
صح لسانك ابو عماد
عاد انا اسمي سعود ما يمشي الحال هههههههههههه |
|
|
اللهم ارفع الحصار و أقر عيون الأبرار و ارفع الذل عن أمة المختار صلى الله عليه و سلم
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام
العرض العادي
