ديوان الشاعر / عيد بجاد بن شده

يانفسي اللي من التفكير محزونه

يا نفسي اللي من التفكير محزونه

	يانفسـي الـلـي مــن التفكـيـر محـزونـه=احـيـان فيـهـا حــزن وحـيــان طفـشـانـه مــاودي اذكــر كــلامً ضــاع مضـمـونـه=كــلام نـــاس عـــن الـتـاويـل عـجـزانـه نـاسً مـن الحـقـد والحـقـران مشحـونـه=وقلوبهـم مــن زمــان(ن) فــات مرضـانـه اطيبهـم الـلـي يجـيـب الشـيـن بـردونـه=نفـسـه رديــه لـسـب الـنــاس عطـشـانـه يشتـم قصـيـره ويـبـدي كــل مكنـونـه=وان جـاه محتـاج قفـى ماقضـى شـانـه يـاعـنـك مـايـفـرح الـمـحـتـاج قـانـونــه=مافـيـه ليـلـن دعـــاء لاالـطـيـب جـيـرانـه دايـــم عـلــى عشـقـتـه طـيــارأ عـيـونـه=وان ضافـه الضيـف عـقـد كــل حجـانـه واحالـي اللـي مــن الهـجـران مرهـونـه=كني سجين(ن) مريض(ن) طال وجدانه والحـكـم دسـتـور والاحــزاب ملـعـونـه=والـدولـه الـلـي تـديـر الحـكـم خربـانـه مـن دونـه القفـل والقضـبـان مــن دونــه=وامسـا وحيـد وبعـيـد وفــارق اوطـانـه ينـتـابـه الـهــم والــعــدوان يـدعـونه=مــن دونــه السـجـن صـكـو كــل بيبـانـه وانــا مــن الـهـم قـلـبـي زادت شـطـونـه=ونفسـي عليلـه وطـول الوقـت تعبانـه كـنـي غـريـب(ن) معـازيـبـه يحـقـرونـه=شـاف الجفـى والبـلأ والعـيـن سهـرانـه بــان الخـلـل فـيـه والاخـصـام يبغـونـه=ويـمـنـاه بـالــدم يـامـنـصـور غـرقـانــه ماهـوب ناسـي وربعـه كيـف ينسونـه=والـثـار مطـلـوب مـنـه ولاقـضـى شـانـه ابـديت رمز(ن) ثقيل(ن) ماتعرفونه=يخصني في تفاسيره وميزانه

الشاعر عيد بجاد بن شده

خل الرديف يشوف غاية رديفه
ترى مشاوير الزمان اخذلتني

جربتها مرّ الحياه الكليفه
ياهل ترى غبر الليالي وطتني

وشلون تحرق حلم بااول مصيفه
قبل الربيع وقبل حتنه وحتني

لايمكن آقف ْ وانقطع فالنصيفه
دام الاماني في طريقك رمتني

أبااعشقك قصة غرام(ن) امخيفه
أمّا عطتني منك والا خذتني

عشق(ن)عمْا مابه عيون(ن)كفيفه
حشمه لْخرس(ن)بالنظرصوبتني

يكفيك جرحك طاب باول نزيفه
وانا تباشير البروق اجرحتني

كلي اجروح الاّ مواقع خفيفه
وآخطر جروحي من ضلوعي لمتني

صوبتني بالقلب اصابه عنيفه
قبل الحياه ابموتتي هددتني

أول جمال الحور وانتي وصيفه
مشاعري عن مركزك علمتني

لوتختفي صم الجبال المنيفه
صورتك للعلم الصحيح اجبرتني

تجملي يام الضلوع النحيفه
ترى مسافات العطش قدمشتني

واستقبلي هيض النفوس العفيفه
وانا أغلي الحاجه أذا ناسبتني

سلم الشرف واهل النفوس الشريفه
سلمي وسلم الديره اللي ربتني

في هاجسي مزن(ن)تزاحم رفيفه
سحابة(ن)من غيثها ماسقتني

سلمان عزيز الحافي
؟؟؟؟؟؟؟؟؟

العود ياسلمان يذكر وليفه

	العود ياسلمان يذكر وليفه=وخبارها وعلومها مالفتني ياما سرينا مع رمال وحتيفه=افهودها وسباعها قاومتني والبحر ياسلمان طبيت سيفه=حتى مجاديف الغرام اغرقتني ركبت بين النوخذه والخليفه=وانا حمولي مايله فوق متني يامل قلبٍ هيض البين طيفه=والذكرياتٍ الماضيه هيضتني زاورتها بين الحفيف وحفيفه=والقلب هاويها وهي هاويتني جتني قبل نعرف سلوم الوظيفه=قالت هلا وشجونها صافحتني واقفيت عن دار الهنوف الضريفه=اللي برمش عيونها وادعتني واقفى جديد والود واقبل نكيفه=وعن شوفها صعب الموافق حدتني يكفيك عن كثر الكلام تعريفه=ورموز ذربين العرب ماخفتني ادلجت مع بعض البيوت الكثيفه=فرايدٍ بالحونها شوقتني من شاعرٍ يلعب على كيف كيفه=يرسم على طرسه بنودٍ فحتني قرمٍ يضيّف ضيف جاره وضيّفه=يطرب لشيخان العرب كل حتني طرايفه في كل نظمه طريفه=وهجوس فكري يابن مروي كوتني

عيد بجاد بن شده

يامل قلبٍ هيض الشعر طيفه

	يامل قلبٍ هيض الشعر طيفه=فرايدٍ من شاعرٍ هيضتني ذكرني العساس فوق العسيفه=وادلجت في بعض الديار وشعتني غنابها بحلى اللحون الطريفه=وسجيت معها ياملاء واعجبتني كن الزباد بخنته واتعريفه=في جوفها لو العواذل نهتني قلبي تزايد يامحمد رفيفه=ومن حب خلي كل غالي شمتني احب انا ذيك الفتاه المنيفه=اللي بصعب سلومها فاحيتني جواهرٍ مثل العقود النضيفه=برموزها يابو حمد بهذلتني عسى السحاب اللي مزونه كثيفه=يمطر عليها ياحمد كل حتني يمطر على دارٍ رعت به شريفه=الجادل اللي بالشرف ماجفتني عفيفةٍ من ساس ناسٍ عفيفه=مجنون ليلى في غرامه رمتني

عيد بجاد بن شده

قصيده موجهه لهل القروب الخاص بنا

قصيده موجهه لهل القروب الخاص بنا

	ياهل قروب اولاد روق الميامين=واصحابكم واربوعكم واخوياكم ياللابه اللي تلطمون المعادين=ياسعد عين المنتخي لانخاكم صلفين عجلينٍ زحولٍ شجيعين=على مماشيكم طوالٍ خطاكم في كل قانون الرياجيل ذربين=وعلى معاديكم صعيبٍ لقاكم فيكم ثلاثن فارهه يالمسمين=كرم وفزعه للوفي لانصاكم والثالثه في كل الافعال جزلين=جزلين بالمده وحلون نباكم مني تحيه عد وبل الودادين=تحيةٍ من عيد في منتداكم

عيد بجاد بن شده

؟؟؟؟؟؟؟مجاراه عبدالله الذيابي ؟؟؟؟؟؟؟؟؟؟

يامرحبا بك ياحفيد السلاطين=الله يسعد يابن شده مسأكم
انته عزيز ومن رجالٍ عزيزين=والطيب والمعروف دايم مناكم
ياطيبكم يامحقين المخلين=على عداكم كم دارت رحاكم
الكم على سلم الرجوله قوانين=وفعولكم ياعيد تطلق لحاكم
حبيت اجاري ملحمتكم ببيتين=لو كان ماتاصل الي مستواكم
وقبل تحياتي تراكم كريمين=وإلي الشرف لن كان حازت رضاكم

عبدالله الذيابي

سلط على بعض الرياجيل مرداه

	سلط على بعض الرياجيل مرداه=ماله ورا روس الحمايل لزومي ياكثر ضعف قليل العرف كثراه=فكره تجاهل دار روق القرومي ينشر هزيل الهرج من كبر عجفاه=والدار دونه متعبين القحومي دونه مطانيخٍ لهم بالعرب جاه=وصكاتهم ترعب قلوب الخصومي لا زعزعت روق العصاه المسماه=ضاعت علوم مجمعين العلومي اللابه اللي في نهار الملاقاه=طير الخضيراء فوقها مايحومي في نجد حلت يوم وقت المزاباه=واليوم كلٍ بالبلاد محكومي في حكم ابو متعب ورايه ومبداه=ودستورنا القُران لماء لمومي

عيد بن شده المرشدي

يقول عيد بجاد خلوني ارتاح=من فضلكم ياهل العلوم اتركوني
لاتجرحون الشعر بعلوم(ن)شحاح=وتغربلون الشعر وتزعلوني
لاحد يقول الشعر لوكان مزاح=الاالذي يتقن جميع اللحوني
الشعر له معنا وميزان ياصاح=وكرامته عند العرب ماتهوني

الشاعر عيد ابن شده

؟؟؟؟؟؟؟؟- ------- -؟؟؟؟؟؟؟؟؟

ياعيد برقك في سماء المعرفه لاح=وعن مزن غيثك ماتمل العيوني
والشعر مثل الطير له خف وجناح=ياقع على راس الجبل والغصوني
ويمكن يحب اللي يحبون الارباح=اللي يعشقون الطرب والفنوني
ويمكن يحب اللي يحبون الإصلاح=اللي على فعل الوفاء يحرصوني
وانا لقيت من الشواعير سداح=هذاك شاعر معتبر مايهوني

عبدالله الذيابي

جتني تخطى يابدر كلها غي

	جتني تخطى يابدر كلها غي=وازريت اميز كفها من ذهبها على القليب اللي نواعيرها طي=دار الشيوخ اللي عريبٍ نسبها قالت سلام وركزت بالنظر في=واسترسلت بالسالفه في طلبها متحشمه من جسمها ماطلع شي=تضفي على كل المحاسن سلبها بين الورود وقصدها تنجح الكي=بنجل العيون اللي كثيفٍ هدبها قالت ضيوف بداركم يابعد حي=يالابه اللي تجزع اللي حربها وفزيت مثل اللي عن الدرب مخطي=وادرك غلط نفسه وشاطه غضبها

عيد بجاد بن شده العتيبي

يامكرم الضيفان همي له النواع

	يامكرم الضيفان همي له النواع=وانته تعرف اسباب همي ونوعه ان كان خمني فيك ياصاح ماضاع=ارسم لي التفصيل واذكر فروعه انته تكيل المد والعدل والصاع=وبنود فكرك صاطعاتٍ شموعه ويش الذي تعشق شريفين الاطباع =وان زارها المعتوه دايم جزوعه منها الشهد للبوم ياصاح ماماع=ماهيب في كل المواقف خنوعه تحب خرماسٍ مع الليل بتاع=اللي مراميس الخلاء ماتروعه ياخذ بها في فنتق العز مرماع=وتصبح مع الطحطوح ياشعيل طوعه

عيد بن شده

ابَى المعلم ثم ابَى

	ابَى المعلم ثم ابَى=يشرح على بعض الدروس في مهجته علمه لزاء=مشغول باليوم العبوس ماهوب شايف بالدجاء=يحط لك رقم الجلوس يسج مع حلو النباء=يرسم على صدر العروس من حبها طاح وحباء=يسكن بها ظل الغروس يحب ذعذاع الصباء=بالخرمسيس الديدنوس لا حان له فرصه جباء=ويشجع البنت العنوس دايم يطبطب طبطباء=ويجهم على الدين الغموس يبيع في سوق الرباء=ويرقص مع الناس الهيوس ينهج مناهيج الشقاء=ويرغب ملايين الفلوس والعندليب ام الخباء=تهوس مياسه تهوس تهوس مع ريم الظباء=والها ترانيم وطقوس والعطر جابه من سباء=من حبها زار المجوس شيخ(ن) يصلي ويحداء=وعنده مفاتيح الحبوس جمره بضوّه ماخباء=ماحط بالبيداء كبوس لكن شرواه ايهباء=معدود من ضمن التيوس

الشاعر عيد بجاد بن شده العتيبي

البارحه مع هجعت الناس سجيت

	البارحه مع هجعت الناس سجيت=سجت سجينٍ من همومه سهريا وادلجت في بعض المعاني وغنيت=لوكان مالي بالمعاني نظريا بلاي من بعض الضعوف الشماميت=اهل العقول الغاطسه باللجهليا اللي سوالفهم بليا تثابيت=شذابة المقفي بكذب وبطريا عن قربهم في كل الاحوال صديت=صديت مالي بالكرى والسمريا اللي ضمايرهم ضماير سرابيت:=وافكارهم من جملة العرف عريا عنهم يابو خالد من العام قفيت:=ونصيت قرم بالمكارم ندريا: حفيد ربعن بالقدايم لهم صيت:=ريف الضعوف اللي من الفقر زريا قرم يرحب ويتحفوى اليا جيت:=أخير من ناس من الكبر زريا ناس تمثل دور عفاس وبخيت=واجدادهم يوم الاكاوين هريا

الشاعر:عيد ابن شده