21-05-2006
|
#1 | |
|
البارحه مستريح القلب هالحزه
بسم الله الرحمن الرحيم
البارحه مستريح القلب هالحزه = والليلة القلب عذّبي ماهو لازي يومي كما ريشه صلف الهوى هزه = على الورق سدرةٍ شركه بقزازي يزوع لولا ضلوح العوج تحجزه = زوعه سراب زماء مع حزم نقازي قلبي به الهم والهاجوس يمتزه = مزه حمر دم عرق بخشم بروازي وعيني قزه عن لذيذ النوم وش مزه = سهر الشقا و الرهق بصبيه نحازي ودنيت بطل الصحاري طيب الفزه = أقبل يهقوي مع الطلعات فزازي أدعس على البنص لآخر قوته كزه = ياما يجيب الأنبير رقومه اجوازي لا فر ويله متين القاع به رزه = سكبر عجاجه و ولع شمعة الغازي بأرض عفاش خبير القار ما قزه = ما يقطعه ياكود لاندكروز ممتازي يا دش له رمله وشنابه اهتزه = يفوت بيعه و تصبر وأنت معتازي الله ينصر وكيل الجيب و يعزه= من طوكيا مورده بأرقام و رمازي لولا اشهب الجيب يشفي خاطري قزه = لا طق طقة قزاز عند قزازي على الذي مثل عود الموز ليا غتزه = تاقف كما الضابط اللي يعطي العازي ليا شفت زوله ثقيف الروح له فزه = فزه عضيض الغلاث بتيه برازي أبو نهيد غض الصدر مبرزه = يشكي رهيف الثياب نهيده النازي يشبه زبيديه صبح المطر لزه = أقبل على صيف التفاح ممتازي عندي قريب وعدك من وراء غزه = ومن دون وصلك مطبات ومقمازي للــشاعر / راضي بن فهد الربوض الشمري
|
|
|
|
21-05-2006
|
#2 | |
|
أدعس على البنص لآخر قوته كـزه
ياما يجيب الأنبير رقومه اجـوازي لا فر ويله متيـن القـاع بـه رزه سكبر عجاجه و ولع شمعة الغازي .. .. .. صح لسانك ولسان الشاعر قصيدة رائعة يامتعب كل الشكر لك واختيارك الجميل تقبل خالص واروع تحياتي |
|
  
|
|
24-05-2006
|
#9 | |
|
(( مغترب بالشمال ))
صــح بــدنــك و ننتظر قصيدة المجاراه شكراً على مرورك و تواجد و ردودك و تقبل مني خالص تحياتي و فائق أحترامي و جل تقديري |
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام
العرض العادي
