افا يا حمدان أمك تناديك

هذه كلمات كتبتها الأم والتي تشتكي إلى الله حالها

بعد ان دخلها ابنها (دار العجزة) وهذا الفعل يبكي حتى القلب القاسي لمن له قلب حنون

وين انت يا حمدان امـك تناديـك = وراك مـا تسمـع شكايـا وندايـا
يا مسندي قلبي على الدوم يطريـك = ما غبت عن عيني وطيفك سمايـا
هذي ثلاث سنين والعيـن تبكيـك = ما شفت زولك زايـر يـا ضنايـا
تذكر حياتي يـوم اشيلـك واداريك = والاعبـك دايـم وتمشـي ورايـا
ترقد على صوتي وحضني يدفيـك = ما غيرك احدٍ ساكن فـي حشايـا
واليا مرضت اسهر بقربك واداريك = ما ذوق طعم النوم صبـح ومسايـا
ياما عطيتك من حنانـي وبعطيـك = تكبـر وتكبـر بالأمـل يـا منايـا
لكن خساره بعتني اليـوم وشفيـك = واخلصت للزوجه وانا لي شقايـا
انا ادري انها قاسيـه مـا تخليـك = قالت عجـوزك مـا ابيهـا معايـا
خليتني وسط المصحه وانا ارجيك = هذا جزا المعروف وهـذا جزايـا
يـا ليتنـي خدامـة بيـن اياديـك = من شان اشوفك كل يوم برضايـا
مشكور يا ولدي وتشكر مساعيـك = وادعـي لـك الله دايـم بالهدايـا
حمدان يا حمـدان امـك توصيـك = اخاف من تلحق تشـوف الوصايـا
اوصيت دكتور المصحه بيعطيـك = رسالتـي واحروفهـا مـن بكايـا
وان مت لا تبخل علـي بدعاويـك = واطلب لي الغفران وهـذا رجايـا
وامطر تراب القبر بدموع عينيـك = ما عـاد ينفعـك النـدم والنعايـا

حسبنا الله و نعم الوكيل

صح لسااااان القايل والناقل

لاهنت

لاحول ولاقوة

مشكور يامتعب ولاهنت

قصيدة حزينة جداً

لاتحرمنا جديدك المميز دائماً

تقبل فائق احترماتي

انا اشهد انه ماهو رجال
لكن الله يهدي شباب المسلمين
يعطيك العافية متعب الشوق

لاااااااااااااااااهنت " متعب الشوق "..

قصيدهـ تعور القلب..

اقتباس واليا مرضت اسهر بقربك واداريك ما ذوق طعم النوم صبح ومسايـا ياما عطيتك من حناني وبعطيـك تكبر وتكبـر بالأمـل يـا منايـا لكن خساره بعتني اليوم وشفيـك واخلصت للزوجه وانا لي شقايـا

قصيدة رائعة لاكن حسبي الله على الولد جحد أمه

تقبل خالص شكري

يعيك العافيه اخوي متعب على النقل الجيد

وهذا دليل لإحد عقوق الوالدين ويجب علينا أن نأخد العبره
.
.

أحتراماتي

,‘
‘,
,‘

ضاري

//
..
\\
..
//
..
\\