حنا يالسعودييين إعجوبه ماشاالله علينا !!!

هنا !! نشرة الأخبار السعودية ؟

السعودي فريد من نوعه
عنده أمنيات غريبة منها :

1) يبي ينجح بدون دراسة !! 😜
2) يبي راتب بدون شغل !! 😍
3) يبي وظيفة بدون دوام !! 🚶
4) يبي جسم حلو بدون تمرين !! 🏄
5) يبي زوجة حلوه 👰 وهو شين !! 👴

واخر شي ماشالله :
6) يبي يموت ساجد 🙇 وهو ما يصلي
هذا اللي عاد مايصير ... هههههه




7 ) فقط في مدارس السعودية وهذ واقعي :
دائماً يبداء حفل التخرج 🎉 قبل الإختبارات
النهائية ..
يعني أحفاد نيوتن واثقين من النجاح .


8 ) نفسي لو مرة وحده في حياتي
أشوف موظف سعودي يقوم الصباح بدري مثل الأفلام
يفطر ويشرب شاهي ويقرأ 📰 جرايد وبعدين يروح الدوام .

( دايم يقوم كنه أثيوبي مداهمينه الجوازات )😱




9 ) الياباني >> يتخرج من الثانوية حافظ ألفين حرف والطالب السعودي بعد الثانوية تقوله :
[ ظ ] يقولك : اللي فيها عصا ولا بدون عصا ؟

... يا جعل العصا يمحط ظهرك ...




10) في آلغرب >> : يسمون السندويتش اللي فيه أشياء مختلفة كلوب !! أسم رقيق على المعدة .

أما عندنا يسمونه : صبه .. وصاروخ .. وجامبو
ماهي معدة هذه قاعدة حربية .



11) ‏في اليابان >> :
يـُـتـرك الطلاب في قاعة الإمتحان لوحدهم ليعيشو أجواء الإختبار !!

في السعودية >> :

عليهم : [[[ 8 مراقبين 6 دوريات 14 قناص
9 مباحث ]]]

وتتم عملية الغش بنجاح يا إلهي هههههه


12) الطفل في أوروبا >> :

اذا صكته امه كف 😖
يتعالج عند الطبيب النفسي .


اما السعودي >> تضربه أمه بصينية
يركض وهو يضحك 😀😀
ويقول : اصلاً ما تعور .


وفاة 11 ألف شخص في > أوروبا بسبب ارتفاع
درجة الحراره إلى 36 😔😔
وفي > السعوديه درجه الحراره 56
ويشربون شاهي تحت الوايت
ويقولون : الحر اللي عليه العلم ماجاء
إلىٰ الحين
😝😡😡😃🤩
-------------
أتمنى ان هذا الموضوع ماهو مكرر هنا !!!
ما أدري هو صحيح حنا كذا ؟
______________________________
(هذا والسلاااام عليكم
ورحمة الله وبركاااته )




[ مما .. راق . لي .. بتصرف ]