28-05-2012 | #1 |
نائب المشرف العام
صفق الهواء
|
شفت الجميله وانا حساس
هذا يالربع عام 1409هـ كنا مسافرين للأحساء انا ومجموعه من الاخوان وكنا مع ولد العم دواس عسوج على سيارته (240 ال ) وطافنا راعي رنج معه اللي غدا علينا وكنا نهيجن بهذه الابيات في حينه تخبرون طيش الشباب تذكرتها وقلت اعرضها لكم هنا
اسقط على الرنج يادواس=ياشوق من نهدها نزي
القلب كنه على محماس=كنه على نويرة القزي قربني لازاهي اللالباس=في جانبه لزني لزي يوم التحظ كنه القرناس=عيون حرٍ ليا فزي شفت الجميله وانا حساس=وعزي لحالي وياعزي باسبابها صابني هوجاس=وراع الهوى ماله معزي اضحك واجامل جميع الناس=وغرامها هزني هزي |
|
28-05-2012 | #2 |
الإدارة
|
رد: شفت الجميله وانا حساس
جتكم سلامة يابو نمش
السواق دواس وله 24 سنه وعلى 240 ال قلوبكم خضراء يارجل على قولة ابو الفراس صح السانك |
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي |
28-05-2012 | #3 |
|
رد: شفت الجميله وانا حساس
انا لله وانا اليه راجعون هزت قلبك وهي ماغير لمحه
يابعدحيي شلون لو سولفت معك اكيد تسوي بها دواوين شعر صح بوحك وطابت روحك وذكرتني ب 240ال الله يرحم ايام زمان سلمت وغنمت يالعزوة |
|
28-05-2012 | #4 | |||||||||||||||||||||||
نائب المشرف العام
صفق الهواء
|
رد: شفت الجميله وانا حساس
اي والله يابو غازي له 23 او 24 سنه عز الشباب
عاد ابو تركي طفح بنا وطابقهم لين وصلنا محاسن وراحو الله يستر عليهم واحنا كملنا رحلتنا بربوع الاحساء شكراً لك على مرورك الجميل المشرف يالعزوه ولاهنت تقبل تحياتي |
|||||||||||||||||||||||
|
28-05-2012 | #6 | |||||||||||||||||||||||
نائب المشرف العام
صفق الهواء
|
رد: شفت الجميله وانا حساس
ايه ايه يابو محمد يقولون يامن الواحد خرف قام يجيب علومه ايام الجهل يتشبب ههه سلمت ودمت على جميل مرورك وشعورك النبيل يالعزوه ولاهنت صح بدنك والف شكر لك على الاطراء الراقي الغير مستغرب تقبل كل الود مني |
|||||||||||||||||||||||
|
28-05-2012 | #9 |
|
رد: شفت الجميله وانا حساس
ابونمش،، والله ماانتم هيّنين،، لحقتوا الرنج،، بس ماهو من سيارتكم، من شيٍّ بكم،، راح الرنج وراحت السنين، وبقت هالهجينيه خفيفة الظل،، لك تقديري.
|
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام