[أنت] الزين ماهو من شروط الرجوله..

السلام عليكم ورحمه الله وبركاته
هذه قصيده حلوه وارجو ان تنال اعجابكم



الزين ماهو من شروط الرجوله

قالت ترى منت بحلو قلت رجال=والزين ماهو من شروط الرجوله
الزين يلقى عند لباست الشال=والرجل زين كان زانت فعوله
قالت علامك تلبس شماغ وعقال=انت بدوي قلت بدوي من حموله
مالبس بناطيل لها الوان واشكال=ومتر الشارع بعرضه وطوله
قالت اجل راعي معاميل ودلال=شرب القهاوي تحسبونه بطوله
قلت اسمعيني وافهمي كل الاقوال=تمعني في كل حرف أقوله
كيفي يابنت الحضر بالله فنجال=وحليب خلفه بالمراح معقوله
حب الكرم والجود وعلوم الابطال=مغروز فينا من زمان الطفوله
قالت ترى بنت البدو حضها مال=قلت 'اعقبي.حذراك تكوني جهوله
بنت البدو يابنت مضرب للأمثال=غير الجمال وطاعت الله خجوله
زينه على كل المزايين تختال=مثل القمر ينشاف محد يطوله
ماحطت اصباغ ولاحطت ظلال=ولاسيرت في السوق سير مهبوله
ماتنخدع بكل ماكر ومحتال=اللي لهم في السوق صوله وجوله
تحمى شرفها خوفت القيل والقال=درب الدنس والشين ماهي بحوله
ريميت ٍ ماصادها كل ختال=حتي من نسيم الهبايب جفوله
هي مهره تصعب على كل خيال=وانتي ومثلك عسفهن بالسهوله
قالت تغزلبي شف حبت الخال=ناظر عيوني والرموش الكسوله
وانظر جديل فوق الامتان ميال=ومبسمآ يعجبك تنظيم لوله
قلت العفو مايستوي زين وهبال=والي تبينه شي يصعب حصوله
قلتي وقلت وكلمه الصدق تنقال=والزين ماهو من شروط الرجوله

عزالله قصيده جامده

وصف روعه امتعتنا يالطيب عجب

تشكر ياعزيزي

الغالي عجب

صح السانك والسان شاعرها

ابيات قمة الجمال والروعه


تقديري لك

أأخوي عجب تشكر على النقل الرائع صح السانك والسان شاعرها
قصيدة رووعه

قصيدة رررررووووعه صح السانك

قصيده جميله ومعبره
يسلموا على هالابيات الجميله

صح السانك والسان شاعرها

ابيات قمة الجمال والروعه


تقديري لك

اقتباس ماحطت اصباغ ولاحطت ظلال،،

ايه كثر منها هههههههههه

قصيدـه ممتعه مااقول الا لحبتك عيني ماضامك الدهر


وتسلم اخوي عجب

اخي الكريم عجب

تسلم يامال العافيه على النقل الجميل والراقي
قصيده رائعه جداً وانت احسنت الأختيار لاهنت
والظاهر انه لشاعر أسمه مرزوق السلمي

واسمحلي منت عليك ونسقت القصيده

تقبل تحياتي

الأخ القدير / عجب
صح لسان شاعرها
وصح لسانك وذوقك الجميل وفقك الله
لك فائق تحياتي،،،