يُعطى العمى من يرخصك

((يعطى العمى من يرخصك))

على الوعــد ولاٌتغيــرت ياشــوق =قلي ان كان انك نويــت القطيـعه
فرقاك فجأه تاسم القلب بحروق=اعلــن بهـــا وخل الاوادم تذيعه
افديك انا ياشوق بالرمش والموق=غـالي ؟ عسى يفداك راع الخديعه
لرضاك اسوق العمر يا مهجتي سوق=وارخص لك اللي تطلبه واستطيعه
واجــب ولك عنـدي مشــاريه واحقوق=واللــي بمثــلك لاحشــى مـــا نبيــعـه
ياللي مكانك داخـــل القلــب مرموق=يــاغــايــة الخفـــاق وانتــي ربيعـه
حسبي على اللي صارلك بالزمن عوق=وزود عــذابــك بالهمـــوم الشـنيعه
لاشـك احبـك حــب ما هوب مسـبوق=رغــم الألــم واللـــي تــلاه وتبيـعـه

محمد بن سوعان الربيٌع

قلمك رنان
ابيات قمة الروعة


شكري وتقديري

شاعرنا القدير محمد بن سوعان الربيٌع
صح السانك مدد بلا عدد
خالص التحايا لسمو شخصك النبيل

الجزل ابن سوعان

صح لسانك وطاب فالك وعساك ماتنعمي يارب

اجزلت وابدعت وامتعت ايه الشاعر الفذ القدير

تقبل مني كل الود

الشاعر / محمد بن سوعان الربيٌع
صح لسانك يابعدي وبيض الله وجهك على هالأبيات الجميلة جــداً.
تقبل فائق أطيب التحايا والتقدير،،،

محمد ابن سوعان الربيع

صح لسانك قصيده قمه من الروعه شاعر جزل تقبل مروري

ابن سوعان
صح بوحك
وطابت روحك
دائما جزل يالغالي
دمت بخير

ماعليكم زود لاهنتم اخواني اخواتي الاكارم
انتم الروعه والابداع والجزاله ومنكم نستمد الهمم
تقبلوا خالص تقديري ووافر مودتي

بن ســــــــــــوعآآن

ابيآآت جيده جداً ... يسلم قلبك اخي ... وصح لسآآنك