ديوان الشاعر / مشعل عسام التريباني

بسم الله الرحمن الرحيم
هذا واحد من زملانا كاتب 6ابيات يقول
كل هذا على شان اني قلت ابعد باصك عن مواقف سيارات خويانا الخاصه وقفه بالرصه وانا العام معي استراحه والشركه هي اللي مكلفتهم بالنقل مهو معروف
تذكرالعام يوم انك كســــــــــير العظام=باصاتنا لاجلكم قامو يردونها
مار انت مثل البعير اللي ضربه الهيام=حفظ الجمالات توجدعند مامونها

وهذا مردي عليه
الشاعر\مشعل عسام التريباني الشمري
((اثر صديقي وسط))في16\1\1438هـ

اثر صديقي وسط

	اثر صديقي وسط وانا احسب انه تمام=الظيفة اللـــــــــــي عملهالوّث اصحونها عوّد يكسّر حســابه فــــي بنوك الكرام=يذكر معاريفه اللـــــي ضاقت احصونها العام يوم ان رجلي صار فيها انصرام=معــــــــي استراحه ترا وانتم تخبرونها وانته وحنا ســـوى با الشغل والالتزام=والعين ماعمرها تعلو علـــــــى جفونها المـن للخالق المحيــــي رمـيم العـظـام=ما احتجت للّقمة اللــــــــي انتم تمدونها وتراك مانته وكيل ادم عليه الســــــلام=وبيبان الارزاق مــانت بواقفــن دونها طيب الفراغات يقضي عند شـــدالحزام=ياكشّـــــرة قســـوة الايام بســــــنونها تطلع فــعول الرجال اللــــي تفك الجهام=وتنشف رسوس الموارد مايزورونها زين الجماله مع اللي يكرمون الحشــــام=ومداتهم عــــن عيون الناس يخفونها واللي يحسّــــب معاريفه كســــاه الملام=والناس بالناس والله كافلن شــــونها وانا تراني عليكم ماســــحبت الحســــام= وانتم عليّه حرايبكم تشـــــــــــنونها خــلاص منكم خلصـــنا ياعـزيــز المقام=ماودي ان النفوس يبيح مكــــنونها ماني مثل ماذكرت اللـــــي ضربه الهيام=نحفظ حقوق الرجال ولانجي دونها

بسم الله الرحمن الرحيم
(اشوف القعود اقبل)في 8\3\1438هـ
الشاعر\مشعل عسام التريباني الشمري

(اشوف القعود اقبل)في 8\3\1438هـ

	اشوف القعود اقبل وحمله مهــو مـوزون=يشــــــــــــيل الحــموله مـــايله مايعدلها يجرالحموله والبلا داخل المشـــــــحـــون=علامه يجــــي فــي حــيّة الغار شـايلها واشـــوف البواخر قادها واحـــدن مجنون=يقــود الــبواخـر وازرق الموج يحملها واشــــوف العما يقتاد واحد بصــير عيون=يبلحق عيونه واســـــــود الحقد كاحلها واشوف الثعل يفرس وشبل الاسد مسجون=واشـــــوف الذيابه يثقل الجوع كاهلها دنيا تقلـــّب كل ســــــــــــاعــه تجيك بلون=تــزيّن لناســــــــــــن فعلها مايـوهلها صبرك على بعض البشـــــر يرفع الغولون=ناســـــــن كبود اهـل المعاريف تدبلها مانـــي علـــى فــرقا خبــيث اللغا محــزون=ناســـــن ســــــواد القلب يملا محاثلها تحمّلـت عــــوج الخلـــق والناس مــايدرون=والعوج منهم بااجمل الصــبر اجندلها واليوم زاد الكـيل مــن فايــض المخــزون=طفح كيل صبري مار خذها وزهملها صبرت لكن فاض صبري علـــى الماعون=النفــس زايد نغــمة الحســـــــد مللها بعض الاوادم هــــرجـته تظهــر المكـــنون=واليا تحـمّلــــته تمـادى وطـــــــوّلها ناســــــن علــــى نفوس الاوادم تحط طعون=لا واللـه عطها الصاخنه لاتجاملها امجــامل الــــرديان غــبّه مهــو مــامـون=عبات شــــــرن طول عمرك تجللها خلك قـــــوي الباس لــوحمّلــوك طـــنون=والنفس فــــي خيمة هلا العز ظللها

بسم الله الرحمن الرحيم
ابيات تشرفت في المشاركه بها في حفل المفضل بمناسبة ترقية الشيخ عماش بن سحيم المفضلي الشمري للمرتبه الحادية عشر
الشاعر\مشعل بن عسام التريباني الشمري
((انا حضرت))في 2\2\1438هـ

((انا حضرت))في 2\2\1438هـ

	انا حضرت وياحضرت اتحف سموع السامعين=اجيد نظم الشعربالحكمه واجــــيد المفردات سلام ياالفضلان ياهل المرجله حــــبس الكــمين=سلام ياروس الرجال اهل الفعول الماضيات سلامن احلا مــن عبير المســـــك والعود الثمين=والذ من ماحطه الله فــــــــي فروع الباسقات ســـــلام نشمل به هلا المحفل وكل الحاضـــرين=الذ واحلا من طعم مي المطرفوق الصفات جينا على حفل الدويله مـــروية حــــــد الســــنين=الله يجمّلنا نجيب مــــن البحـــــور النادرات مبروك يابن ســـــحيم تستاهل من العلم السـمين=حرٍعلى العليا رقيت وطلت عرش المعجزات قال المثل علم الحــيا يظهـــر وعلــم الغانمـــين=وانا عــــــرفتك با العلوم اللي تداولها الروات علمك يســــــر الاصدقا ويغيض كل المبغضين=نجمن لمع ضوك على كبد الســــما بالطايلات نجمن شعاعه بالســـــما يبهج صدور الناضرين=تبهج صــدور الاصدقا واتبين وقت اللازمات اصعد علــــى القمه يالين اتطـــول حد الفرقدين=الفح بجنحان السعد والطم خشـوم المغريات من خاض غبات البحريجمع من الغوص اللجين=ومن هاب غبات البحرعوّد يدينه فاضــيات وانته من اللـــي بالمراجل كل يومـن حاضــرين=نوادرن من روس شــمر والفعول مجربات تستاهل المنصب كفاك الله عيون الحاســـــــدين=لانك كفوواحشود شمرجوك من كل الجهات مــــن روس ربعن بالمـــــلاقا يلطمون المعتدين=يوم المعارك ياعتلو قب المهار المسـرجات قلته وانا شـــــــــاعرظمن شـــعارحامين العرين=اولادعلــي مجند لين الضد عطبين الهوات

بسم الله الرحمن الرحيم
ابيات ردعلى الاخ طلاع الزميلي

((مرحبا با الرساله كل ماحان ليل))في24\1\1438هـ
الشاعر\مشعل عسام التريباني الشمري

((مرحبا با الرساله كل ماحان ليل))في24\1\1438هـ

	مــرحبا باالرســــــاله كل ماحان ليل=وكل ما ادبرظلام الليل واسفرضـــوى الــرســــــــاله هلابه عد طلع النخيل=ومرحبا با الرسـول اعداد نجمن هوى ومرحبا با الجواب اللي كما لسلسبيل=من مشــــاعـــرحكيمن للجزايل حوى خــذ جـــوابن بريــح الكاد والزنجبيل=وفـــيه للمســـــتمع من كل دائن دوى لومشـــــا كل جانــــي في جنازة قتيل=لاتغارب كـــبــيره مــن لعــين الثوى الزمن ياالزميلــــــــي فيه شـــيّن مهيل=ماش شــبعه تدوم ولايدوم الروى ولاتــدوم الــغنات لكل جلفــن بخـــيل=ولاتحفظ قشـــرة القطمير حب النوى لاتغبط الغنـــــــي الكان دينه ظئيل=شوف مال الاكابر وين راح ودوى مال قارون زجه فــــي عذابن طــويل=وكبر فرعون بعده با الجحيم انشوى والبقا ياصــــديقــــــي للقـدير الجليل=(والْاوادم) رمادن مقتفيه الهـوى

بسم الله الرحمن الرحيم
الشاعر\مشعل عسام التريباني الشمري
((سلام الله على فيصل مطرماهب ريح النود))في8\2\1438هـ

((سلام الله على فيصل مطرماهب ريح النود))في8\2\1438هـ

	سلام الله علـــى فيصل مطر ماهب ريح النود=ســلامن صادقن يرسل لشـبلن بانة افعاله سلامن صافين يمزج بريح المســـك والكمبود=ســـلامن فــي عبيرالمســك والكمبود يهداله سلام الله علـــى شبلن تسلسل من عرين اســود=عددنبت الشــــــــجرواعدادرمل القاع وجباله اصيلن مــن اصيلن باالعلوم الغانمــه معهـــود=جرد ســـيف المــراجــل والعلــوم الغانمة طاله شهرزبن المراجل واشتـــهر باالجهد والمجهود=ولطم خشم المصاعب وارتكا للحمل واشتاله كفخ فرخ الحراروتل ســــــبقه فزعة المضهود=وهوى بالمخلب اللي من صقربه ينشرح باله عسا الله يحفظه ويمدعمره فــــي رغدواســـعود=وعســــــا الله يرزقه رب الملا وايحقق اماله اسدمن روس ربعي درع جنبـي من عيال العود=هلا الفـــزعات وقــت الضـيق للامجاد خياله فزعلــــــي فزعتن فيها توســـع خاطـرن ملهود=برز بالفعل واجهــد والمــراجـــل كلهاناله بذل جهده لنا واصخــرونال الجـــود والمقصود=جعل عمره طويل وجعل ربـــي يكثر امثاله

بسم الله الرحمن الرحيم
الشاعر\مشعل عسام التريباني الشمري
((والله وعشر انعام تضرب بمليون))في 10\4\1438هـ

((والله وعشر انعام تضرب بمليون))في 10\4\1438هـ

	والله وعشـــر انعام تضـــرب بمليون=يســــتاهــله شـــــــــبل الضـياغم بليهان ياللي على حلو المجالس تحرصـــون=روحــو لمجلس عيلمن عالــي الشــــان تلقون ابو متعــب علـــــى مــاتحـبون=اللـــي شــهر با المرجله طــــير حوران طلق اليمين ومـــن رجالن يعوضــون=ســـــــمح الحجاج محـمد بن ســــــميان تلقا الـوقاروحشــــــمة اللــي يمــرون=وهرجن كما البارد على كبد عطــــشان وفنجال كيفن با ازرق الهيل مشــحون=يقعد خوى راسن علـى الكيف ضرمان وســـــــــوالفن تبعدحزن كل محـــزون=نفــــح العـبير وبلســـم الروح لاهان فـــــــي مجلســـه تلقا النشــاما يحلون= مبرهجــن للضــيف فــي كل الاحيان يســـــــــتقبل اللـــــي يم بيته يروحون=با الابتســـــامه والتواضع والاحسـان يمشي مع اللــي مـن محـله يقـومون=يما يودّعهم ســــــــــــــلايل كحيلان مــركا الرجال اللـــي علــيـــه يتراكون=ركـنن منـيعن ثابتن ظـــمن الاركـان مـن روس ربعـن باللـــوازم يـبـيـنــون=يتمان يامنّه غشـــــــــــا الجو دخان افعالهم فـيها الاعـــادي يشـــــــــــيدون=حصــنن تروّي باالوغا شذرة الزان روسن تروس الروس وبلـيس ملعـــون=ســـــــــلّم عليهم قبل الادنين راكان افعــالهم فـيها المخـالــيق يـــــــدرون=يشــهد لهم قصر الاعيرف وبرزان

بسم الله الرحمن الرحيم
الشاعر\مشعل عسام التريباني الشمري
((نبي نسيّر يم راع الحميّه))في10\2\1438هـ

((نبي نسيّر يم راع الحميّه))في10\2\1438هـ

	نبـــي نســــــــــيّريم راع الحميّه=مدهال عصمان الشـــوارب كحيلان الاســـــــــلمي راع اليدين النديّه=لي الشـــــــرف يارحت لــبو ثنيان راعـــي كفوفـن باالصخا حاتميّه=يضحك حجاجه يالفا البيت ضــيفان له مجلسن به ريحة الشـــــــاذليّه=يفوح فيه الهـــيل بدلال رســـــــلان ومن مصنع الكمبود ريحن شذيه=تنعــــــش روايح بنــّته غال الاثمان يفرح الياجـيته وانا ارغـب مجيّه=ويفــزياشـــــــاف المســـــيّر بليهان من لابتن فيها الشـهامة ســـــجيّه=هلا اللحيســــــــــه فعلهم للمــلا بان واهل الجــوار وفزعة الشـــمريّه=يازغرتن البيض في عصر الاكوان فـــزعــاتهم بـيـن القــبايل جلـــيّه=من عهد ضــــاري ماتخفو اليا الان وهلا الكـــرم يوم الليالــي قصيّه=يوم ان ذيب الجوع كشّــر بالاسنان الاسلمي معروف نفســـه صخيّه=وفيه الحميّه والتواضع والاحســان وانته يابن شـــــلهوب حقك عليّه=ورد الثنا واجب على نســـل دهمان جدك علـــى الطولات به غايريّه=ورّث لكم فعلن على طـول الازمان وراع الحساني مايجازى بســــيّه=من قدّم الحسنات يجزى بالاحسـان والخاتمه مني ســــــــــلام وتحيّه=تهدى لكم يامروّيت شـــذرت الزان والكان فــــي ماقلت نقصـن عليّه=ابي الســموحه منك ياطير حوران

بسم الله الرحمن الرحيم
الشاعر\مشعل عسام التريباني الشمري
((يا الله تنصر هلا السنه))في 21\3\1438هـ

((يا الله تنصر هلا السنه))في 21\3\1438هـ

	يالله تنصرهلا السنه علـى اهل اضلال=واتــبــيد جــيش النصـارى والخباث المجـوس اللي علـــــــى المسلمين ينوعون القتال=جـــرّو علــــى المسلمين اشدحربن ضــروس احتلو الشرق الاوسط بالحروب احتلال=تكا تفـــو بين جـيش الفـــرس وجـيوش روس راحت حلب والعراق بدون شك وجدال=واســـــــتفحل الشـــر بيدين الخــباث النجوس يارب ســـــــلط عليهم ياعــزيز الجـلال=يا عالمن بالبــيان ومـــاتكـــن الــنفـــــوس سلّط على مجمع الاعـدى شــــديد النكال=واجعل عليهم نهارن قمطــــريرن عبوس ياكافل الــرزق ياســـــامع دبـيـب النمال=ياجــاعل البذر للْا رض الشــــــــحيبه لبوس يامن هزمت ابرهه فـي طـيرذات النبال=وانجيت موســــــــى بتابوته وازلت النحوس يارب من للضعيف اللــــــــي دهته الليال=ومـــن للكــبير الفقـــير اللـي وطوه النجوس الا انت يارب يا محصـــي صعيد الرمال=انزل علــى المشــركين اقسا عذاب النفوس

بسم الله الرحمن الرحيم
الشاعر\مشعل عسام التريباني الشمري
((يارب حنا لك عبيدن مماليك))في 10\5\1438هـ

((يارب حنا لك عبيدن مماليك))

	يارب حــنا لك عبــيدن مــمـالـيك=ونفوســنا عن غير رحمتك شـــــامن نرفع لك كفوف التضـرع وندعيك=تــغــفــرخطـا عــبدن ذنــوبه تنامــن ماخاب مــن يرفع كفوفــه يناجـيك=يوم العــيون بغــيهــب اللــيل نامــن عســــــا يدينــي مايفكن عــراويك=واجعل لنا مــن واهــج النار مـامــن ربي ومعبودي وانا جيت ناصــيك=وانت الكريم اللـــي للارزاق ضــامن ياكافل الارزاق مــنج المــداريـــك=رازق طيورن في فضى الجو حامــن نرجيك وانت اللي تفك الشــــرابيك=وانت الذي فيك النفوس اســــتقامن ياما رفعت من الضعوف الصعاليك=وياما سـلبت عروش ظلمن تسـامـن وانا رفعت امري لوجهك واراجـيك=واللــي رفع شــــكواه لك يرقد امن انت العظيم ولابه احـدن يضـاهـيك=ونفوســـــنا عن غير مدتك صامن