اصحا تقرب للحنش والحنش حي

بسم الله الرحمن الرحيم
الشاعر\مشعل عسام التريباني الشمري
((اصحا تقرب للحنش والحنش حي))في 15\7\1438هـ

خلو غراب البين ينعق ورى الري=وش عاد لو كثّر من الهــــرج هيهات
اللي يبي ياصف كرم حاتم الطـــي=يصعب عليه الوصف واتشـــح الابيات
والعازمي لو قال هـــرجه ولاشــي=محدن تسمّع فــي هـروج التفاهات
الريح ماهـــزت جبل والبحر مـي=ومــي البحــر مالح والانهار عـــذبات
يالي ياحكـــي الفراغات يالـــــي=يقضــي مع الايام طــيب الفـراغات
ياعابد الـــدرهم كليت اللحم نــي=وبانة عليك اعراض غي وسـفاهات
لبست ثوب الكذب والكـــبر والغـــي=وعرّضت نفســــك للبحـــور الغزيرات
ودخلت في دربن بعيدن عن الحــي=فــــي ســــكَتن كله ظـلام ومتاهــات
الظلم ياحامد ترا مســـــلكه ســـــي=عــــواقبه دايم تراهـــن وخـــيمات
حاتم كرم لوكان هــو مامعه شـــي=ذبح جــواده بالســنين الشـــــحيحات
ومحمد المكتوم يكـــرم ويعطــــي=من راس مالاٍ به تضيق الســــجلات
وانته نعرفك مهنتك دايمـن هــــي=عـــباد مــال وبايــعن للـــكـــرامات
ياجاك حاتم يطلبك تمــدحه عـــي=شـــــــرواك مدحهه عيب مهو مبرَات
وحاتم عطاه المصطفا تاج وحلــي=شـــــــــــهادتن فاقت جميع الشهادات
ياحامد الدعوى مهـي ضحك ياخــي=جنـَب طريق اهل الصخا ولبطـولات
اصـحا تمـر النار وجـــيوبك مــلــي=با الجــبخان وتحــــدث الانفــجارات
لاتحسب الدعوى سهالات وســعــي=ماتكرم الاحيا على حساب الاموات
احــذر تفكر هاكذى ماهـــي بهــي=تصـير عــــرضة كل حاســد وشمات
اصحا تقــرب للحنش والحنش حــي=سم الحنش يقضي على العمربسكات
خلك مؤادب والزم الصـمت ياصـبــي=لاتاكلك ســــــــــحم الذياب المجيعات

شاعرنا الكبير مقاماً القدير مشعل عسام التريباني
ابو عبدالرحمـــــــــن
صح السانك مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

صح بوح منطوقك ولسانك

ماعين خير هالرمه الشحاذ
الشاعر مشعل التريباني
صح لسانك وعلاء شانك يالنشمي
‘‘‘‘إإإإحترامي‘‘‘‘

مشرفنا العام ابوغازي
شكرالك على المرور والاطرى الله لايهينك يابوغازي

سراب الكحيله
شكرا لكي على المرور لاهنتي

راع الكتلي
شكرالك على المرور والاطرى الله لايهينك اخي

ابيات لكن فالحقيقه دعايات

ما احدً سبق فيما مضى حاتم الطـي = اللي وضـع للجـود صــكً واساسـات
مـن قبـل ابـن مكتـوم تختـاره ادبـي = ومـن قبـل زايـد لا ايحـكـم الامـارات
والنعـمً بـالمكـتــوم ما اظـن يـكفــي = غــنــيً عـن التعريف مـابـه متـاهات
لكــن فـرقـه فـرق عـن حاتـم الطي = مـثـل الكـواكـب بيـنهــنّ اخـتــلافــات
حاتـم تعـدا الميـت واللي بـعـد حـي = مثـلـه ابـد مــا ظــن يـاتــون هيـهـات
نـبـع الصخـا يـوم اللـيالي بـهـا لــيّ = يـوم الزمان اللي مضى فـيه ضيقـات
وش عـاد لـو بعض المخاليـق ينفـي = هـذي حقـيـقـة دونــت بـالـسـجـلات
لـكــن رداة النـفس احيـــان تـطـغـي = وتـرمي بصـاحبهـا افـبحـرالمتـاهات
وبعض البشر طبه على لسانه الكي = ليـن ايتجنـب زيـن بعـض المـطـبـات
حـظـه تعيس وســاقـه ابـليس للغـي = ومن لا حشـم نفســه تجيه الاهـانـات
ومن غـط حق الناس لاشك مخطي = الـلـي ظـلــم حـظـه لجــني الـريـالات
واليـوم مـن نـسـج الخـيـالات يـبـني = ابـيـات لـكـن فـالـحـقـيـقـه دعــايـات
ما احدً سبق فيما مضى حاتم الطـي = رمـز الكــرم عـلمه الى الآن ما مـات

محمد بن سوعان الربيّع

صح لسانك يامحمد وبيض الله وجهك

أأأأأأأأأأأأأأأأأأأأأأأأأأأأأأأأأأأأأأأأي هزلت ولاهي دا شحات يتجراء على من اكرمه الرسول حاتم الطي هزلت لكن يستحق ماجاه من اهانات
صحو قلبكم استاذ مشعل