عملاقه للشاعر الشيخ /مسعد راس البعيرموجهها للعلم فيصل الرياحي

اتشرف ان انقل لكم هذه العملاقه
للشيخ والشاعر العلم *مسعد راس البعير السناني الجهني موجهها للعلم فيصل الرياحي البقمي
وهي القصيده التي اعتذر عن الرد عليها الشاعر العلم *فيصل الرياحي

مايتفق بالكون عاقل ومطفوق=وحنا من العلم الصحيح اقترحنا
نسرح ونضوي لاسرح كل هذلوق=واليا ضوى بالعلم الاشدق سرحنا
نقصر أخطانا مانجي كل صلفوق=اليا تبعنا طايح الهرج طحنا
نرفع نظرنا عن نظر راعي البوق=نتبع نصيحة جدنا اللي نصحنا
جعنا ونبغا درتن من لبن نوق=أنياق شاوي لو ظفرنا ذبحنا
جينا خفا بالليل عن كل محموق=وكلب الشواوي في نبيحه فضحنا
نبح ونشقته من الملح مسحوق=وطرّح يديه وبعدها مانبحنا
نمسح ديوس خيارة الهدل وتفوق=وفاقت ومنها ماملينا قدحنا
اغنى تجار السوق ابو راس محلوق=زنده قصير وشوف عينه طفحنا
راكب شبح ويكايد الناس بالسوق=وحنا رفيعات المعاني شبحنا
ورحنا البقوم اللي من ايمن بني روق=وعن العطيف وحزم ركبه شطحنا
سارين لاما شعشع الصبح بشروق=وبزكا وجيه من الرجال اصطبحنا
ابو بدر فيصل وناصر ومرزوق=ولبو بدر في خافي السر بحنا
عزيز قوم وحر بالعلم ماثوق=وان ماصلح مقصودنا ماصلحنا
يحمل صفات ترجح الوزن وتشوق=صفات صدق بنشرها مامزحنا
هيبه وجاه وطيب مع حسن منطوق=علمه يداوي جرحنا ماجرحنا
والليل عسعس واصبح الخط مفروق=وحنا حجزنا بالسفينه ورحنا
داخل بحر كل الخطر فيه مرفوق=لو تستريح اقدامنا ماسترحنا
يصفق بنا من موج الابحار صافوق=واليا صفقنا عن سناالدرب زحنا
وخيلّ خيال وبه عواصيف وبروق=وموجن تقفانا وموجن نطحنا
والباخره راحت تقل حجم زاروق=وفكيت بيبان النجاه وطبحنا
الما دخلها مع طرف لوح مشقوق=ماخشها مع بابها اللي فتحنا
نبغى السلامه مانبي مال وحقوق=اما غطانا الموج واللا سبحنا
وارواحنا سلمت ولا جالها عوق=والباخره بأنقاذها مانجحنا
وفرح الحزين اللي من الهم محروق=وحنا زعلنا في ليالي فرحنا
احداث منها يدهش الفكر ويفوق=وحنا اليا خسرو أعدانا ربحنا
اول لنا في خزنة المال صندوق=والمدح كلاً في وسامه منحنا
كلاً مدحنا في سوالف لها ذوق=وضاع الرصيد وسبنا اللي مدحنا
كتبت قصة حب عاشق لمعشوق=والحب رمز وعن رموزه شرحنا
وراحت سوالف بين سارق ومسروق=واللي كتبنا من كتابه مسحنا
ياساعي الاخبار مانته بمطلوق=اجلس بالامر وجانح اللي جنحنا
اوقف وقوف أحصان بأصطبل مزنوق=وغادر حدود الدار لنا سمحنا

مع فائق احترامي للجميع

لعيون شاعرها مسعد راس البعير السناني ولكونها قصيده تستحق

ان تنقل للطيبين شرواكم انا اشوف انه من حقها التميز

والتقييم

الله يطيب حضك يابو يوسف ويبيض وجهك ع الاختيار االرااقي والنقل الجميل

صح لسسسان الشاعر وسلمت يد الناقل

لك اجل واعذب التحايا

والله يابو يوسف اني قريته اكثر من مررره
وعدت لها اكثر من مره يالله اسمع يقال عن فلان بحر اشهد ان هذا هو البحر
ماشاءالله عليه

والله انك اهديتنا اجمل هديه لله درك يابو يوسف

دمت باتم حال

اقتباس المشاركة الأصلية كتبت بواسطة محمد الذرفي الله يطيب حضك يابو يوسف ويبيض وجهك ع الاختيار االرااقي والنقل الجميل صح لسسسان الشاعر وسلمت يد الناقل لك اجل واعذب التحايا

ويطيب فالك يابو سند ويرفع من مقدارك ووجهك ابيض يالغالي

وصحت ابدانك واعتلا شانك ويسلم لي راسك

كل التقدير والاحترام يالذرفي

اقتباس المشاركة الأصلية كتبت بواسطة محمد الذرفي والله يابو يوسف اني قريته اكثر من مررره وعدت لها اكثر من مره يالله اسمع يقال عن فلان بحر اشهد ان هذا هو البحر ماشاءالله عليه والله انك اهديتنا اجمل هديه لله درك يابو يوسف دمت باتم حال

هههههههههههههههههههههههههههه

الله يسعد لي هالخشم الطيب هذا والله من زود عرفك ورجاحة فكرك الراهي

والشاعر يكون كسبان اليا لقاء لو واحد يثمن كلامه والشعر -- دم راس

ماهو دم ضرس يالذرفي وانت ادرى بهالعلوم ولكن عند اللي يثمنه شرواك

وعلى شان كذاء انا نزلتها وانا ميزتها لآنها حرام تجلس حافه من غير تميز
ههههههههههههههه

وهذا مسعد راس البعير من شيوخ سنان من جهينه وشاعر لايشق له غبار
ومن ربع محمد السناني
جلست معه كم مره والله يابو سند تتعب وانت تقول شاعر

الف شكر والف تحيه والف بيض الله وجهك يابعد راسي

صح لسان الشيخ والشاعر: مسعد راس البعير السناني الجهني واعتلا بالمعرفه شانه
وكفو والله ويستاهل الممدوح
ونعم بالمادح والممدوح
قصيده جزله غنيه بالمعاني الجزله والهادفه وتستحق التميز
تقبلوا خالص مودتي واعجابي .

اقتباس المشاركة الأصلية كتبت بواسطة محمد سوعان الربيع صح لسانك واعتلا بالمعرفه شانك وكفو والله ويستاهل الطيب ونعم بالمادح والممدوح قصيده جزله غنيه بالمعاني الجزله والهادفه وتستحق التميز تقبلوا خالص مودتي واعجابي .

ياهلابك اخوي محمد سوعان وصحت ابدانك يالغالي والله لايهينك وكفوك الطيب

ولاعليك زود والجزاله نايلاً نصيبك منها يابن سوعان لاهنت لاهنت يالطيب

كل التقدير والاحترام لك يالعزيز