ديوان / الشاعر محمد سوعان الربيع

هـقوات نفسي فوق

هقوات نفسي فوق

	ان عـاش راسـي والسـنين امهـلني = نــذرً عـلـيّــا لاخــذ الـحـق,, مـدبـول دام الــركــايــب يــا فـهــد يـنـقـلـنـي = وما دام راسي حي والعمر مـمهـول ولابــد مـن صـعـبـاتـهـا يــســهـلـنّي = ولابــد ما يـُفـتح معـي كُـل مـقـفـول هـقـوات نفـسي فــوق مـا يـنــزلّـني = ولي شـوفةً تمتد بـالعـرض والـطول ولــو الحظـوظ الغــابــرات اخـذلـني = مالـدنـي عـن غــايـتي,, كـل عـاذول عـــزايــمي مـن قــوّهــن يـذهـلـني = وهـرجً بـلا بـرهـان ماهــوب مقـبـول يـا كشــرن غــبـر الســنين وبـلّـنـي = اصبـر وابـزبـن خالـقـي خيـر مسئول الــدّيــن والـعــادات مــا يـجـهـلّنّـي = احـظـابهـن والفـعـل يُـقـرن مع القـول اســعــا لـهـن بالـطـب لو يـعـتـلـني =يااخاب مسعى اللي عـن الطـيب مشلول دهـلـتهـن من مصغـري ,,وادهـلـني = ودرب السنع واضح ولاهوب مجهول صبـرت يـومــن الظــروف ابتـلـني = ويـالله عــساي بعـفـوك العـام مـشمول

محمد بن سوعان الربيّع

قبلة الاسلام

قبلة الاسلام

	يــاالـه الكــون يـارب,,,, العبــاد = ياعـظـيـــم. الشـان عـجّــل غـدّنـا ابعـد اهــل الشـرك عـنا والفسـاد = وردنـــا. للــديـن .. يــالله ردنـــا انـصراهل الحق في سـوح الجهاد = يــوم صـار الزيـف كـلــه ضـدّنا ذنـبـنـا اســلام وانـصـلي. هجـاد = وفـي بيــوت الله يـصــعـب عـدّنـا ننـصـر المظلوم في لـيـن وعناد = ومـن زبـنـا بـالـنـخــاوي شـــدنـا ننصـره بالحـق والباطــل ايـبــاد = يبـشـر بـفــزعـه ولااحــدً ,,قــدنـا مـا نحـب الظـلـم واطغـاته وكـاد = عـنـدنـا ايمـان عـنـّـه,,,, يـــردّنـا ما عـلى غـيـرك نـويـنا الاعتمـاد = يـالـهــي. وانــت جــاهــي مــدّنـا مـدّنـا فـي قــوة ايمـان ,,,وعتـاد = وادحــر الـبـاغـي وثـبـت.. نـدّنـا الـولا مـن يــوم حــنــا بالـمهــاد = نـرخــص الارواح دونـي حـــدّنـا العـهــد صنٌـاه فـي لـيـن وعنــاد = ولا يُـمـس اتـراب مـوطـن جــدٌنـا قـبـلـة الاســلام مامـثـلـها ابــلاد = وعــن غــلاها مـاش ,شــيً لـدنـا الـولا محـفـور في وسـط الفـؤاد = ويـا مـلـكــنـا ويــن ودك . ودّنـــا يا مـليـك الحــزم يا رمـز البــلاد = ســـيـدي ســلـمـان قـايــد جـنـدنـا وســيفه البـتّار فـ اليـمنى اسـناد = محـمـد السـلـمـان والـي عـهـدنـا مـدهـم يالله بنـصـرك والرشـــاد = وعـزهـم بالـديـن واحفـظ مجـدنا

محمد بن سوعان الربيّع

( الدايم الله والمخاليق تفـني )

الدايم الله والمخاليق تفني

	ابـي اعـتـذر مـن كـل شـخـصً ,عــرفـنـي = عــن كـل ذنــبَ او خـطـا ,,عــبــر الايـام ســامـحــت انــا اللـي بالاســـاءه قــذفــنـي = حـيـث الـتسامح مــن أدب ديـن الاسـلام دمــح الخـــطـا لـصحــابـنــا مــاكســـفـني = بـســـامــح اللـي بـالـقـفــــا كــان ,,نـمـام واثــق بنـفسـي والـوهــم مـاا ,,اخـطـفــني = وانــا مــن اول شـــوفـتـي دوم ,,قــــدام ســــيـل الـغــرور وقــوتــه مــا ,جــرفـني = ورضيــت بـالـقســـمـه ولانــيــب,, لـــوّام وشـعـاد لـو حــظ النــدامـه ,,,, نســــفني = عـلى فـجـــوجً غـربـلــت كــل مـــقــداااام رضـيـت باللـي فـي حــياتـي,,,,صـدفـنـي = خـيــره وشــــرّه والمســـرااات ,,,,وآلام على الشـــقـا لازلــت صــابــر, وشــفـنـي = وانــا احـمــد اللــي عــالــمً,مـا بالارحــام وابي اشـكر اللي عـن قنـاعـه,,,,نـصـفـنـي= في غـيبـتي واشــاد بـي ,,عـنــد الآنـااام اللـي بـذربـــات الــمعانــي,,,,,,,,وصفـني = شـــكـراً وانـا مديــون لــــه طـــول الايــام اللــي لــ مـجـمــوع النشـامــا ,,,اضــفـني = يجـــزاه رب الكــون جـــنـات,,,,, وانعـام الــدايــــم اللــه والمـخـالـيــق ,,,,تــفـنــي = وهـنـيـت انـا مــن كـان عــابـــد ,وصــوّام ســامـحـت انــا اللـي بالاســـاءه قـــذفــنـي = والعـفـوا عـنــد المـقــدره شـــيمة اكــرام

محمد بن سوعان الربيّع
__________________

كـريّم ،،، كريم النفس
ابيات رثاء في ابن العم كريّم بن ضياع النويديس الذي وافته المنيه
فجر الاثنين التاسع من شوال 1441 هجري
اثر عارض صحي مفاجئ : انا لله وانا اليه راجعون ولاحول ولاقة الا بالله .

كريّم ,,,, كريم النفس

	عـلـم لـفــا يانـاشــديـنـي مـهـو زيـن = ســاق الالـم ساق الاسى والمـغــثـه علـمً لـفـانـا وانـتشــر فـجـرالاثـنـيـن = عـبـر التـواصل والـرسـايـل، تـبـثـه القـلب يرجـف منـه ثـم تـدمع العـيـن = الـحــزن جــانـا كــن شــيً,,يـحـثـه ولا فيه اصعب من رحيل العـزيزيـن = مـا ينوصـف بلـسـان تحـويــه. لـثـه كـريّم كـريـم الذات ووفـا الـوفـييـن = ونـفـسه سـمت فـوق العـلوم المعـثه غـالي ومـن فـرقـاه . حـنـا حـزينيـن = ولـه منزله بـالـقلب مـاهـيب ( رثــه)1 مـرحـوم ياريـف الاقاصي والادنيـين = طـبع ً لابـوهـادي وسـلـمً ،،اوورثـه يـضحـك حجـاجـه يالـفـوه المحبـيـن = صـدره بـحـر مـا كــل شــيً ,,,يغـثـه شــفناه. مثـل الحـيد بـالعـسر واللين = قـول وفعـل ماهي سـوالـيف (هـثه)2 ولـيـا نخـيـتـه فـــز. ما قـال. بـعـديـن = ذيبً وانا اشهـد له مواقـيـف (شـثه)3 المـوت حـق وكـل نـفـسً لـهـا حـيـن = وآخـر. مطـاف المرء لو زاد ، جـثـه جعـل المزون اللي رجـوهـا البعـيدين = عـسى على قـبـره مطـرها،،،،تـدثـه طلـبـت انا اللي شـّرع الحـق بالـديـن = يجـزاه. جـنّه. فـيهـا الأثـمـار( كـثـه)4

محمد بن سـوعان الربيّع
يوم الاثنين
الوافق 9 شوال 1441 هجري
في 1 يونيو 2020 ميلادي

للتوضيح :
1- الرث الذي دون المستوى المطلوب
2-الهث الكذب والزيف
3- الشث الغزير أوالوافر من الشي
4-الكث الكثيف
حسب ما ورد في معاجم اللغه العربيه ,

واثـق الخطـوه حليفً للنجاح

واثق الخطوه حليفً للنجاح

	ما سمعـت ان العـواصـف والـرياح =هـزت من اطـويـقً لاجات حجـره والصحيح يصـح بنفـوس الصحاح = ثابـتً : والزيف مقـلاع اشـجـره الاســد ما يـزعـجــه كـثـر النـبـاح = والثـعـالـب عـرضــةً للـمـسـخـره الثعـالـب مـا حـظـــت بـالامـتـداح = خـاسـره لـو زاد حجــم الجـمهـره وواثــق الخطـوه حـليـفً للنـجـاح = ولوتطـول ايـام وقـتـه واشــهـره ولا يـقــوم الـمـجـد الا بـالـكـفـاح = ولا ايـتهـيـا للـذي يـديـر اظــهــره بالقلـم والجـود واطراف والرماح = والبـدايـل عـنـه وســط المـقـبـره ذي حقيـقـه مايجـي فيـهـا مــزاح = كالـنجـوم الـلـي يـســرك مظـهـره والتفاخـر شـي مـرغــوب ومبـاح = لـ ابتـنـا بالحـق والصـدق اغـمـره والغـرور الـيـوم للتـافــه اســلاح = والتـبـجـح زيـف مــا فـيـه اثـمـره والرجـل عـقـلـه امراتـه والـفـلاح = والتــواضع خـيـر للــي يـضـمره اللـقـافـــه والمـهـايـط والـصـيـاح = مـن سـببهـا كـم صـديـقً نخـسـره ولا يصح الا الصحـيح ولا يـزاح = والثـقــل للـمـرء عـــز ومـفـخــره الصحيح يصـح بنفـوس الصحاح = ثابـتً : والزيـف مـقـلاع اشـجـره

محمد بن سوعان الربيّع

ضاقت صدور الناس

ضاقت صدور الناس

	المصلحـه تـبـدي وتـطـغـى, عـلـيــنـا = ولـولا الهـــدف مـااحــدً يـكـرّم ,ضـيوفـه ذا واقــعً مـفــروض لـو مـا حكــيـنـا = واصبـح بنـون العــــين كلـن يـشـــوفـــه زاد الجـــفـا زاد الـحســـد وابـتـلـيـنـا = ووصـل الرحــم قـصـت حــبالـه اسـيوفـه قـلّ الصديق الصادق اللـي ,,,, يـبـيـنا = والخافـيـه,,,, مكشـوفـةً,,,, وامعــروفـه ضاقت صدور الناس والـوقـت شــيـنا = ويا مكـثـر اللي يشـــــتـكي مـن ظــروفـه اصبح فـقــيـر الحـال مـالـه مُـعـــيـنـا = ولا احـــدً درى عــن ما يـكـنّـه بـجــوفـه اصبح عـلى الهامش يجــر,,, الونـيـنا = مكسـور خـاطــــر والـليـالـي تـحـــوفــه مـع ذا عــزومـه قـاســـيـه مــا تـلـيـنـا = الـراس شــامخ والظـنـون : محــذوفــه مـا مـدّ لـعـفـــــون الــرجــال الــيـديـنـا = ولا شـكى عـوزه,, وغــبـنـه,,وخــوفــه .مـايــوم للنـفـس العـــزيـــزه يهـــيـنـا = واللـي بنـفـســـه تـرجـمـنه,,, احـروفــه بـيـنـه وبـيـن النفـس عـهــدً,,,,, مـتيـنـا = ودون العـهـود الروح مابـه حـسـوفــه قـناعـتـه غـطـت مســاحــات ســـــــيـنا = وعـلى.كـثيـر.مـن البـشـر فـيــه نــوفــه ما يسـجـد الا للــذي لـه ،،،،،،،رجــينـا = وكــلً رفــع لــه في خـشــوعً كـفــوفــه ســـبحان مـن نخـشــاه فـي كــل حـيـنـا = ولا نـرتجي مـن دون غـيره ,مــروفــه

محمد بن سوعان الربيّع .

في 25 شوال 14441 هــ
الموفق 17 يونيو 2020 مــ

خـذلك نصــيحـه

اهــداء الى احـد الاصــدقاء الاعــزاء الـذي احببتـه في لله
واحب لــه الخيــر كمــا احبـــه لنفســــي .

خذلك نصيحه

	ارفــع بنفســك والـنـــوايـــا مطــايـــا = واحـذر تجـي فـي كُــل الاوقــات مـزّاح المــزح لـــه حــــدً ووقــت ومــزايـــأ = وما كـل سـاعــه تاجـــد البــال مـنسـاح خــذلك نصيحــه مـن ســليــم النـوايـأ = صديـق لك صـادق بالاســــرار مــا بـاح بعـض الحكـي يجــلب عــناك وعـنـايــا = وتـــرا النـــدم يانـســل الاجــواد ذبّــاح نــاره تســــوّي بالضمـــايـــر ســــوايـا = ولا ظـنتـي عـقــب النـدامـات تـرتــاح حـاســب عـلــى نفـســك وخــلك معــايـا = عــن لا يشـيلنـك عــواصــيـف الاريــاح قبــلك تــرا دنيــاي زادت شـــــــــقايـا = ومنـهـا افــوادي يمتلــي هــم. واجـراح اصـبر وطـنش. ياشــريف,,, الســجـايـا = ولا تـعتـجـل بالــذم ، ولاّ..... بالامـداح تـرا التـجـارب ,,,,يـكشــفّـن الخــفـايــا = ومالاذ عٰـن شــوف المخـالـيـق ينــزاح ولانـي مــن اللي يـرغـبـون القــضـايـا = وامن التسامح شـلت انا اوسام ووشـاح ولا طــعـت فـي مبــداي ربـع الـوشــايـأ = ولا صـرت انـا لاهـل المهـازيـُر مـلـواح تـبـقــى عـلى الله تـكـلــتـي مــع رجـايــا = اللـي كـتـب رزقـي وعـمـري. بـالالـواح يـا جـعـلنــي احـظـــى بـعـفــوه عسـايـا = يـوم الحشــر حــزات يُســـألـن الارواح واقبــل ســلامـي مــع جــزيـل التحــايـأ = من قلـب لاهـل الطـيب شـــفه بالافــراح

محمد بن سوعان الربيّع

عـلى ضـفة امــل ميّـت؛

عـندما يفوح الألـم ويتمرد على قـوة الصبر
وتثور امواج الياس والاحباط
وتتقاذفها لحظات المد والجـرز ,,,
هنا يتعرى المخفي وتتلقفه صرخة الندم
هنا يتمرد البوح ويكسر جـدار الصمت
هنا تُحسم كل المواقف وتتكشف النوايا
وتبرز أوجه الحقائق وتـنتهي
رحـلـة الوهـم
والزيـف والاحـلام , المفترظه .,,,,,,,,,

على ضفة أمل ميّت

	وقـف قـلبي على شاطي بحــوره وارتبـك وارتـاب = وعـلى رغــم الكـلام اللي ســمعـتـه مـنه حـيـيـتـه عـلى ضفـة امـل.ميّت وقـفـت ابحث عـن الاسـباب = تحــرِيـت الجــواب اللـي لــو أدري : ما تـحـريـتـه عرفـت اني على الهامش واباري ظاعـن الأغراب = وعـزفـــت الحــان مـــوالً تـبــلاني ،،،,وغــنـيـتـه عـرفـت اني مع الصـدفـه / أغـرد خارج الأسـراب = وتقـفـيت السـراب اللـي خــدع نفــسـي,,,,ولبـيـتـه وعـلى صهوة جـوادً له / سـرابي حـلـمي الكــذاب = تمـادا حـلــمي الـوردي بـاكــاذيـبـه,,,,وجـــاريـتـه ورجـعـت اجـرر اذيـال الخسـاره والـنـدم باســراب = وكـتمـت الجـرح وآلامـه وســط قـلـبي وخشــيـتـه ل جـل ما يـفرح الشامت ل جـل ما يـدري المغـتاب = وتحمـلت العـذاب اللـي كسـر قـلبـي ,,, وظـفـيـتـه عـسى اللي قـد جـرا حـلـمً ,,, أو انـه قـصةً بـكتاب = يـمـر بخاطـري ذكـرى وجـع مــوجـع . وعـانـيـته حـقيـقه ضـيّـق انفاسـي وســبب لي قهــر واتعـاب = كمـا الكـابـوس مـرتـني مجـاهـيـمـه ,,,, ومـلـيـتـه

محمد بن سوعان الربيّع

الطيب يبقى .

الطيب يبقى

	الطـيـب يـبقى في دجـا الليـل نـبراس = وراعـيــه فـارس والشـهـامـه ,جــواده الطـيـب مع راعـيـه يـبـقـا كـالانـفـاس = ســلـم وطـبـيعــه وان وصفـنـاه عــاده يصعب على بعض الخلايق والاجناس = ولا كـل مـن مـيّـل عـقـالـــه,,, اجــاده راع الـوفـا مـرفـوع راسـه مع الـناس = قـالـوا نعــم ملـيــون ظـمـن الاشـــاده الطيب بيـن الناس,,,عـــزً ونـومـاس = صـبر وشـجـاعــه.واعـتـزاز,,, وإراده القـرم تـبـقــا سـيـرتــه تـرفـع الــراس = معهــا واخـذ. مـن كـل خـيّـر.شــهـاده امـا. الـردي. بيـن. الخـديعـه والافلاس = تقـضي حـياتـه بيـن يأس ,,, وقـراده بيـن الفـقـر والدْيـن,, .ومطالـب الناس = واعــزتي للي,,,,يــضــيّـع . رشــــاده عمـره قـضـا مابيـن خـوفً.وهـوجاس = ومـن شــين حـظه فـارقـتـه,, السـعاده مكـارم الاخـلاق خيـرً,,,,,, ونــوماس = زرعً يـسرك عـنـد موســم ,, حـصـاده

محمد بن سوعان الربيّع

الزعـيم القـيادي

أجــر وعافيه ان شاء الله... يابو فهد
مليكنا الغالي سلمان بن عبد العزيز حفظه الله ورعاه
الله لايخلينا منك,,,,
نسال الله ان يعجل بشفائك ويردك لابناء شعبك ومحبيك سالماً غانماً معافى

الزعيــم القيـادي

	يالله يا رحمـن،،،، يـارب الارباب = تشـــفي ملـكـنــا. ياإلــه العــبـادي يالله ياللي مــن تـرجــاك ماخـاب = تشـفي لـنا سـلـمان سـقـم الاعـادي ندعي بدعوة خير وافتح لها الباب = دعـوة محـبً للـزعيـم . القـيـادي ابو فهد عز الوطـن سـيد الاحباب = القـايـد الــوالـد ،زعــيم. المـبادي فخر العرب سلمان فكـاك الانشـاب = الحــاكـم العـادل رفـيـع المـــبـادي بقـلوبـنـا سـلمان يسـكن ولا غـاب = وبـعيـوننـا الثنتيـن يسـكن وكاادي شـعبه معـه بالليـن والاّ بالاصـعاب = شـعـب.السـعوديه طـيور الهـدادي دون الوطن والدين حزّات الاوجاب = بالـدم والـروح العـزيــزه يـفـادي ادعـوا معي امين ياجمع الاصحاب = بقلـوب يحـدوها الامـل والـودادي يالله اتحفظه من صواديف الاتعاب = واجـر وعـوافي كــل يـومً ايـزادي

محمد بن سوعان الربيّع