ديوان / الشاعر معدي نشمي العتيبي

ملعـــــــون الصــلايب

	ياسعود القلب شبت به شبايب = وشبت النيران بضلوعن حنيه الهواء ياعم ذوقني عقايب = حبها والعشق خلاني ضحيه احترق قلب المعنى والسبايب = مهرتنً فيها غرام وجاذبيه ودعت بالقلب نيران ولهايب = وأن حضر طيفه صرفناله تحيه نعنبوك الحب ملعون الصلايب = تسقي العشاق كيسان المنيه عالمه ياعم وراني عجايب = باالضماير تشتعل نيران حيه ساهرين الليل نستنى الحبايب = والعيون الساهرة تصبح شقيه وحبها فالقلب متمكن وصايب = والضلوع تقول داخلها شظيه وعقبها بقول للعشاق تايب = تايبنً والله يرحمنا سويه

( أبيات في دحيم بن زيد العتيبي أستاذ التواضع وكبير إبناء العمومة رحمة الله واسكنة فسيح جناته )

مرثيه

	يا الشعر ما قلتك مدح فأهل البشوت = ولآني من اللي للدراهم يكتبون مقفـي ولاهــز المـشــاعر من يـفـوت = ولا ودي اجرح خاطر اللي غافلون وانا احسب حساب العواقب والوقوت = خل الوجيه اللي تستر بالدقون لكــن بهـذا اليـوم جــاني علــم مــوت = مرحوم ياعـودنً بكت منه العيــون دحيم ابومخلد ولو جريت صــــوت = راع الجنــاب الدمث يلي تعرفون أدعي عسى حظه من كبار البخوت = ويالله عسى الفردوس منزاله بهون امين لو الحزن شات القلب شوت = قـولوا معي آميــن ياللي تسعمون

كنــــق الطيـــب

	ياحزام العز سولف عن جديـدك = الســوالـف منــك لجـروحــي دواء انت كنـق الطيب والعليا تـريدك = يــوم تـرقـا للـعــلا غــيــرك دنـاء كـم جـزلـه تمتلكها فـي رصيـدك = يوم غيرك راحت أحــلامه ســداء وكل صعبـه حلهـا يا بـوي بيـدك = كم طـويل ذراع مـع دربـك فنــاء لاعقدت حجاج عينك مع ضديدك = مـات شيطـانه وعـود واهتــداء راح كسرت ملح ذابت مع وقيدك = كـم روسنً طأطـأت لك وتحــداء وانت ابويه ياعسى الخالق يزيدك = ونت أخوي وصاحبي وغلأ قرباء أرتوي بك فخر واشتاق لقصيدك = شرد بيـوتك كـويت أبهـا العــداء والمحبة من وريدي لا وريدك = ياعسى روحـي يا بـويه لك فـــداء

جعــلك مــاتطيب

	ياربعنا الشيبان في عقول الشباب = ماودي أجرح خاطر العود اللبيب والهرج ياالعقال لو ناش السحاب = مايقضي اللازم ولا يخلص طليب هاذي ثلاث شهور حاسبهنً حساب = على عقيد القوم والراس المهيب وانتم على الوتساب ياحي الجناب = تسرون مسرى الذيب والواقع كئيب سوالفنً منها تضيق أبها الرحاب = ويفرح بها الكذاب قدام الحريب وحنا مانقبل للخطاء فتاح باب = وشلون نرضاها تجينا من قريب واهل الدقون اللي من الواقع تهاب = منك الخلف يالله في اليوم العصيب منهم ابو ثنتين مايسوى الذباب = أمقطع اربع يفضحك قدم الغريب عند الدراهم تنحني منهم رقاب = والَدين ينسونه ماكن إلهم حسيب ويالله عسابه عاقلنً يقراء الكتاب = وجه الحكيم ابرك من الوجه الغضيب والراس ثابت بينكم مثل الهضاب = أيعلم المخطي ويحشم كل شيب لو القصيد احيان نوع من العتاب = أيعالج المرضان أخير من الطبيب وختامها لو قيل كثرت العتاب = الصدق لو يوجعك جعلك ما تطيب

رحيــق شــفـاك

	هيه ,, ياالمزيون ياسيد الغواني = يالجمال اللي ربا بأطراف جده لاتعاتبني على ماضي زماني = مامضى يازين لايمكن نرده مادعى أبن عون فالماضي دعاني = هاضت أفكاره طواريقنً تشده مع فتاة الوشم جزلات المعاني = خطها بحروف شعرنً مستجده آشكروه الناس قاصيهم وداني = وشكروها لجل طاروقنً تعده وانت ثارت غيرتك فأربع ثواني = جات يمي والغضب قامت تحده كيف ثارت وانت من حبه خذاني = ماخذناً قلبي وروحي مستعده أهـ ,, ياحبنً على غفله زواني = منه عيني فارقت نوم المخده العيون اللي كما رمح السناني = مابقى بالصدر شيئاً ماتقده في عيوني شي للبعد يحداني = وابك فرقا زولكم والله ماوده السموحه منك في زلت لساني = اللسان ايزل والعذر أستمده دام عدنان المسمى وقحطاني = يلتقون ابدمكم فخر الاشده احمد الله جل يومنه سقاني = من رحيق شفاك معسولنً تمده الختام الله يبلغك آرمضاني = يالجمال اللي ربا بأطراف جده

باب العيادة

	ماني (طبيب نً) للصدور المعله=اللي بها من غابر الوقت منوال باب العياده يا المزاور تدله=مالك على درب المقفين محوال لو انك المقصود قلنا لا بـ لله=لكن حايد وانتبه بعض الاحوال حنا ترانا كا الجبال المطله =ماهزنا كثر المتاعب والازوال نرقا سنود ولا رضينا المذله =سادات قوم ولاسمعنا للاقوال والعز ورث ،، جدودنا ما نمله =عز العمومه قابله صيت الاخوال

بكيت لين الدمع ضحك لي اعداي!!!

	بكيت لين الدمع ضحك لي اعداي=وضحكت لعيون .الزمان وبكتني وصديت لين الصد نادى خفاياي=وجاملت لعيون العرب وانهشتني وبليت فا.؟؟ الدينا على زود بلواي=وصبرت لظروف الدهر وفجعتني أشتلت حمل الناس واهملت دنياي=لكن حمولي والسنين!! اتعبتني!! لولا الامل سبحه،، وحطه في مخباي=ماسرجت خيل الشعر ياساحرتني ولولا الغلا ، والود ، وخيوط رجواي=كان الحنون.. آبنشوتي فاقدتني

يـا الشنفـرى

	ياالشنفرى كنت محتاجنً ..!!! لفـزعـاتك = في جيل الألفين محتاجك علانيه رغم أختلاف الزمن محتاج ,, وقفاتك = بلاش ها الجيل لابوها محنيه عز الله انك عدو , القوم لاجاتك = تعمي عيون العداء من غير ماويه تسعه وتسعين طاحوا ,, في سجلاتك = وصنفت يا الشنفرى من ظمن الإلفيه وأنا على الدرب .. تدفعني رواياتك = فيني جبروت,, والاحلام مرثيه لو الصناديد ماتاصل لهقواتك = سوات صنديد حرك كل مافيه يالشنفرى لو جينالك على ذاتك = الزين يا الشنفرى مادونها نيــه

الخوه اللي كنها سلعت السوق

	الخوه اللي كنها سلعت السوق = حتى ولو "جاملتـها" لجل أهلها مثل الجسد لا صار بالحبل مشنوق = وش الرجاء والروح تلفظ اجلها سود النوايا تنكشف عند منطوق = نفس الردي تشّعب ويشعب جملها اوجيه اهلها مثل عفاش محروق = وان طالت الخوه يبين فشلها ازوال ناس ولابهم دم وعروق = والاجر للي صابرن عن جهلها يبلا بقرب امثالهم لو به فروق = وش حيلت المبلي بناسنً بلتها وختامها ياخضير والصدر مفتوق = فتق الحزن والروح ما حدن سألها

هذا الصحيح وقلتها وسط بيتين

	يالايمي في شوفت اثنين والفين = اثنين من بد العرب و القرايب اقراب واغلاء من جميع القريبين = خلك معي لاتقول وش السبايب بعطيك نبذه واختصرها في بيتين = لو الشعر يعجز بوصف المصايب { محمد } ألحاله يبي له دواويين = من جامعة دنياه شاف العجايب عز الخوي ياقف مع العسر واللين = منصاك لا شفت الليالي شبايب بالعرف يحسب من رجالنً حكيمين = وسيفه لعدوانه عطيب الضرايب و{ فالح } ملاذگ لا حدوك المعاديين = يا حظ منهو يزبنه فـ النشايب هذا الصحيح وقلتها وسط بيتين = تاصلك بـ الجوال لو كنت غايب

( والمعذره اراسلكم من الجوال)