ديوان / الشاعر محمد سوعان الربيع

هم الاسى والمعاناة

هم الاسى والمعاناه

هم الأسى والمعاناة ,,,,؟؟؟ !!!

	وش فيك ياهم الاسى والمعاناة = ياشين وش بك ناويً تبتليني اضيعه . ثم حظي الشين يلقاه= لاشك يحده من بعيد ويجيني ابعدت انا ابغي ياهل العرف فرقاه = مـابيـه لكن عـن قنـاعه يبيني ارسـل منـاديبه ونـــوٌخ مـطـايـاه = والظـاهــر انـه نـاويً يكتـويني ناويً يثبث بوسط الجاش مرساه=عامد على ذبحي ولا من معيني نشدت انا محتـاربه ويش دعـواه= وعيًــا معـي رغـم التصبر يليني والذنب مالي به مبيعه ومشراه= ســـوقً وتجــار البــلا تحتـريني تـدفقـت مـن كل صـوبً شغاياه= مصبـها فـي حوض قلبً حـزيني وجرح الزمن رافق خفوقي وخاواه= ومبطي ..مواجيع الألم تحتويني طلبت انا اللي نـزُل الغيث ينحـاه= عني؟ وانا وضعي بليٌـا مشيني لاشـك ابصبـر واتبـصـر بـمجـراه= بعـزيمةً وايمـان عنـدي متينـي عـل وعسى ربــي يرًده وينهاه= وتنعـادلي بسـمة مـضايا سنيني

محمد بن سوعان الربيًــــــع

ســهوم المنـايــا

سـهــــــــوم المنــايــــا,,,,؟؟؟ !!!

	يالله ياعالم خفا النفس والسـرٌ = طالبك انا نفسي تخفف ضررها وطيت جمره حـاميه حـرها حـرٌ = وانا الذي وسط الضماير سترها جمره لظاها داخل القلب يسعرٌ = مصيبـةً صــوٌب افــوادي قـــدرها أصـابني بالقلـب واسقاني المرٌ = سهـم المنايا ذات روحي عصرها لاشك اخذ قطعه من القلب وادبرٌ = مني اخذ خـالد ونفسـي شطرها وكسر الخواطـر صعـب ما ينتجبرٌ = كسر القـزازه بيد طفلً كسـرها اللــي فــراقه مـا بعـد مثـله يمـرٌ = وعقبه حياتي غاب عنها قمرها وشعاد لو دمعي على الخد حدٌر = والعيـن طـوٌل بالليالي سـهرها ولاتنفع الفزعات والمـال الاحمـرٌ = سهـوم المنايا ماش من يقتدرها امرً من الخالق على الخلق يفترٌ= والمــوت آيـــه كـلنــا نعتبـــرها امـرُ جرى واجتـاحنـي ثـم تقــررٌ = ولا فيه نفس كود يقطف ثمرها آمنـت باللـي بيـده النفـع والضـرٌ = نفسي رضت باللي مصابه غمرها اللـه عطـانـا واجـزل الخيـر والبـرٌ = وليٌـا اخـذ هيهـات ينفـع حـذرها يا من قسم بالتين والطور والعصرٌ = آوامــرك يـاللــه مـــا نـعتـذرهـا وشـــلون ابنسى واحتمل واتصبرٌ = وقلبي نـزف والعيـن قفٌـا نـظـرها اشـوفها ظلمـا ولانـورهـا اســفـرٌ = من يوم راح اللي وجوده سـفرها ويـاللــه تـرحـم مـا فقــدنـا وتغفـرٌ = كل سـيٌه يــالله يــوم امحشـرها عسـاه يـحظـى بالرضا ثم ينـظـٌر = لوجهــك بنظـره يـامـكوٌن بشـرهـا عســى مـكانــه بالنعيـــم يتـقـررٌ = ومــن حــدرها يالله يجــري نهـرها ذي طلبـتي يالله يـــاعـالـم الســـرٌ= وانــا الـــذي نفسي تعاني كدرهـا مـن قلـب والــد يــالهــي يتـفجــرٌ = حـزن واسى واليـوم كبدي فطرها يــالله اتصبرني وتـكفيـنـي الشـرٌ = دعـوات مســـلم هقوتـه ما قصـرها

محمد بن سوعان الربيٌع

الحب ما يحتاج شرح وتعـاليــم

الحب ما يحتاج شرح وتعاليم؟؟؟ !!!

	الحب واقع والخجل له مفاهيم =اهداف تسمو والمعاني نبيله وصف العرب يحتاربه وانت ياريم = يحتاربك عقل الاديب ويهيله مايلام شاعر لو يصوغ الترانيم =ولو جـر ونـه بالضماير طـويله يقنب قنيب الذيب لامسه الظيم= يبغى العشـا ميـر الفلاسه حصيله واللي من اول صيدته قايد الريم = اليــوم حظــه طـيحــه بــالهــزيـلـه والحب مـا يحتاج شرح وتعـاليم= يخلق مع الانسان مع خلـق جيــلـه احدً يعيش الحــب أزمه وتأزيم =واحــدً تمـــر ايــام حبـــه جميــله احدً حظيظه بالهوى ميت او نيم = واحــدً تعــلا فـوق راس الطـويـله صحيح دنيانا حظـوظ ومقاسيم= والجهــد للانســـان يبقى وســـيله لاشــك واقع والخجل له مفاهيم=جاكم هدف هرجي وجاكم صـميله

محمد بن سوعان الربيًع

عـــزي لمــن مثلـــــــي ............

عزي لمن مثلي ...... ؟؟؟ !!!

	يـالجتــي لجــة صــويــب الذيابــه =يوم المسلح باشهب الملــح يرميه عــزي لمــن مثلـي زمـانـه رمــابـه=واصبح اعزوبي ما لقى مـن يعشيه والجوع حــدٌه والاكـل مـا حظـابــه=والشاي الاسود مالقى من يســـويه والعيشـه اللــي بالمطـاعــم معـابه=مــليـت انــا ياناس ماني مــدانيــه وغسل الملابس ما حسبنا احســابه =الثوب مـادري كيف انا اليوم بكويه والبيــت مــوحش تكتنـفـه الكـآبــــه =ولولا الحيٌـــا لاهـــج عنٌـــه واخـليــه من يوم غاب اللي خفوقي ســـرابـه=البيــت مــاله قبـلـةً عقـــب راعيــــه كنـــي خــلاوي عايشً وسـط غـابـه=وان مــا اكلني ذيب طحـت بحصانيـه كنــي علـى جمـر الغظـا واللتهـــابه=فــرقا الاهـل يجرح فـوادي ويكـويـه يـاشـــين فــــرقـا لابتــي والقــرابــه=مثـل الـذي يشـرب غثا الســـمٌ بيديـه هــذا العـزوبـي وان شرح ما جرابـه=مــايلام لـو يبـدي على الناس خافيـه

‏الشاعر محمد سوعان الربيع‏

((يعطى العمى من يرخصك))

يُعطى العمى من يرخصك ؟؟؟ !!!

	على الوعــد ولاٌتغيــرت ياشــوق =قلي ان كان انك نويــت القطيـعه فرقاك فجأه تاسم القلب بحروق=اعلــن بهـــا وخل الاوادم تذيعه افديك انا ياشوق بالرمش والموق=غـالي ؟ عسى يفداك راع الخديعه لرضاك اسوق العمر يا مهجتي سوق=وارخص لك اللي تطلبه واستطيعه واجــب ولك عنـدي مشــاريه واحقوق=واللــي بمثــلك لاحشــى مـــا نبيــعـه ياللي مكانك داخـــل القلــب مرموق=يــاغــايــة الخفـــاق وانتــي ربيعـه حسبي على اللي صارلك بالزمن عوق=وزود عــذابــك بالهمـــوم الشـنيعه لاشـك احبـك حــب ما هوب مسـبوق=رغــم الألــم واللـــي تــلاه وتبيـعـه

محمد بن سوعان الربيٌع

اللاش عندي حضرته مثل فرقاه

اللاش عندي حضرته مثل فرقاه ؟؟؟ !!!

	من لافقدني ما افقده لو يشـدي = وعســى تعجـــل في رحيله مطــاياه ليـامنــه اقفــى مـا بغيتـه يـردي = اللاش عنـدي حضـرته مثـل فـــرقاه اللي بدون اســباب عني يصدي = خلـوه جعله هفـت امقيــط وارشــــاه انا احســـبنه لي صـديقً امـودٌي = واثـــره منـافـق شـوفته عند ما طاه فجـأه تغيٌر واصبـح اليـوم ضــدي = صــد وعطـاني تـايـه الراي علبــاه تبــدلـــت مـــذاهبه واســتبدي = وشــانت معــي يا اهل المعـرفه نواياه وانـا فـلا سـويــت ذنــبً يُـعــدي = راجعــت نفسـي والسـبب ماعرفناه لاشـك مــا نـي خـابـرً مـا يأدي = للصــدٌ واســــباب الجفــا والمعــاداه وليته نشدني وارتوى من مردي = امــا اقتنــع ولاٌ دوى فيـــه مســـــراه وان كـان صدٌه يــوم قفٌـا تحـدٌي = مـــا ســلت عنـه وحـق ربً عبــدنـاه مـانـي بحــاله والتحـــٌدي بردٌي = وودي بـعـلـــمً يــاصـــله ويـتـعـــــداه وان كـان مــاله من دليلً يقدي = بـعطيــه علـــمً يـرشـــده كان هـو تاه وان كان علمي له يفيد ويسدٌي = ابي اكتفي واصبر على شـين جزواه وهو عارفً قصدي وانا ويش ودي = وان حــدٌني للناس بكشــف خفــايـاه حيثــه تجـاوز بالخطـا كل حـدٌي = والظـاهـر انــه طـاوع ابليس واغــواه وحكـم القدر ماهـوب يده ويدٌي = بيـــدين ربً تســـــجد الناس لرضــاه والعمـر بيــده والليـالي اتعـدٌي =واللــي قسـم للعبــد يجـري ابدنيـاه واللي زعل من دون سبه وصـٌدي = واللــه مــااتبـع سـاقتـه واترضـاه لا والذي يعلـم خفـا كــل سدٌي = مـا آتيـه لو عمــري ورزقـي ابيمناااه والبعــد ليـتـه بيـنـنـا مجرهـدٌي = وذا شــــف روحـي وارغبــه واتمنـاه وعن شــوفته ياكن شيً يلـدٌي = ولــو يقتـرب لـي ودي البُعـد ينحـــاه وشـعاد لـو جــدٌه شقيقً لجدي = اللاش لاش ولا على الاش مشــفاه اوجـزت انـا مغـزاي والجـرح يـدٌي = وابـديـت ً موضـوعً تحيًرت باسـماه

محمد بن سوعان الربيٌع

العمر رحله والليالي مجاديف

العمر رحله والليالي مجاديف؟؟؟ !!!

	هات القلم واكتب بالاوراق يامنيف = من فيض جاشي والضماير رساله رســالةً تسـمو من الكـذب والزيف = ابـديتهـــا مــن قلــب زاد انـفعـالــه هاض القريــح وهيضتـه الصـواديـف = وامـــور بقعـا مــا عليـها كــفالــه جتنـي تطـارد من من بعيدً مراديف = واصبحت انا ارزح تحت نير احتـلاله من شينهـا ما تنوصـف بالتـواصيف = ضاق الفضا بي من جنوب وشماله حاولت اخفف لوعة القلب تخفيف = ميــر البـــلا شــيً تعـــدا مجــــاله والصبـر عــدا عاليــات المشـاريف = وازريــت اواكــب مـيلتــه واعتــداله واصبحـت انـا والهـم ربـع ومواليف = وزودً علـى خيلــه ركبلــي اجمـاله البعض منها شيف والزود ما شيف = والعالـم اللــــه فـي خوافـي ليالـه وافقـت امـورً تخرع القلب واتخيـف = ولا طنتــي يا منيــف ياتـي بـدالــه حكم القوي يلوي ارقاب الضواعيف = بـوقــتً بــه المنعـور تـردي حــواله مير الله اللي ياخـذ الحق وايضيـف = سـبحاله اللي ما عليـه اســتحاله مابين كاف ونــون وامـره ابتصـريف = والــــرزق بيــده والاجـــل والازالـــه تدري وانا ادري واكثر الناس ياحيف = غــرٌه زمــانـــه والكبـــر والظـــــلاله افخت ســنعها واخدعوه الملاقيف = واصبح كما الملواح من جاه شـاله والنوخـذه لاصــار ما هـوب حـرٌيف = وفيه الاخـلاق الساميـه والعـــداله تلعبـه امــواج الزمـن والعـواصيــف = وبحــريتـــه مــا فيهـــم اللـي وفاله يطبع به المركب ولا ياصل السيف = ويتـعـب وينـــدم ويتـعـجـــل زوالــــه لابــد مـن دفـع الثمـن والتكاليـف = وليت الخســــــاير من صناديق ماله مهما عطت دنياه يبقى بهــا ظيـف = والظيـف لابــد مــا يـــدني ارحــاله والعمـر لحظــه والليــالي مجاديف = وكــم واحــدً حـاول وقصــرت احباله ومن طوٌف المعروف بالعمر تطويف = مــا تـنفعــه افعــــال عمــه وخــاله مثل الربيع يسـابقه لاهـب الصيف = يحــرق نـواويــره ويتـلـــف جــماله والعاقـل اللـي يتـعض بالمـواقيـف = ويـاخـذ مـن اللـي فات عبره لحـاله والطيب لاهل الطيب مهنه وتشريف = وشــتان بيــن المعــرفه والجهاله احــدً يبـي علـمً وشـرحً وتعـريـف = واحـــدً تــرزه بـالتـــوارخ افـعـــالـه والفرق بين الناس من مبطيً شيف = ولا تنتـواسـى روســـها بالحثـاله لاشــك زمــان اليـوم خوان يا منيف = خـل السفيه يقـول وش مـاطرالـه مشكاي انا للي يغيـث الملاهيــف = هو حسبي المعبود والملتجى له

محمد بن سوعان الربيٌع

القلب ملعب والحبايب جماهير

القلب ملعب والحبايب جماهير


((بالدردشه راحت اتسولف مع الغير /// وانت اعتبرها زي ما تعتبرها ))

بيت يتيم صادفته على صفحة احد الاصدقاء دون لايذكر اسم الشاعر
ولروعة هذا البيت وقوة معناه اعجبني وكتبت هذه
المجاراة والتي لم اقصد احد من الناس من خلال مجاراتي .
هاضت قريحتي وكتبت ارجو ان تحوز على اعجابكم
الابيات التاليه

القلب ملعب والجبايب جماهير ؟؟؟ !!!

	قبلك وبعدك ربعها صاروا اكثير = واكثر ترا ياصاحبي من شعرها قالت انا عليا وهو سالم الزير = والزيف والتضليل اعمى بصرها ما عاد تفرق ربحها والمخاسير=وكثر الزبايـن يانديمـي دمـرها حبايبه من كل ديــره طـوابير=وكلــن يــردد بالقـــوافي خبرها ثلثين منهم حب كاذب وتزوير= والثلــث الاخـر رفــقـةً تعتبرها وكم واحدن تاخذ بحبه مشاوير= وصارت حبيبه وانخدع وافتكرها ما يدري ان الصاحبه حبها غير =حــبً مـؤقـت مع نهـاية شهرها زبون ياتي صبح والآخر اعصير=غيرالـذي ياصل معــاهم سهـرها القلب ملعب والحبايب جماهير=جمهــور كـل مــا زاد تعلـن فخـرها

محمد بن سوعان الربيٌع

‏الشاعر محمد سوعان الربيع‏


الحكــي اخـــذ وعطــا ؟؟؟؟

الحكي اخذ وعطا ؟؟؟؟؟؟؟ !!!

	وش نهاية حبنا ممكن تكون = خـبرينـي والحكــي اخـذ وعطــا والغرام احيان يوصل للجنون= والخطـــا مــا ينتـعالــج بـالخطـا قلتها من قلب تدميه الطعون= والسبب حبك على قلبي سطا ولاتظن ولا تخالجك الظنون = انقـض الميثــاق لـو طـال البطـا وعاذلي يابنت يتعب ما يمون= كالــذي بالحلــم يقنص لـه قطا الوفــا اعظـم وانبل ما يكـون= والخيــانه والخــديعــه بالــوطـا والجهل بعقول ناسً يجهلون= رغـم عصـر العلم حثوا له خطا وطيٌب الاخلاق ما يأتي زبون= للــذي لبليس خــاوى وامتـطا يومها ما تفبد دمعات العيون= وللنـــدم خــيبه تغطيـه ابغطـا وش مصير اللي تعمدها ويخون= عنــد من بيـده مداخيل العطـا

بقلمي ............اليك

ماهمها اصلً وفصل ورصيده ؟؟؟؟

ماهمها اصلً وفصل ورصيده ؟؟؟؟؟؟؟ !!!

	قالـــت لي اكتــــب يامحمــــد قصيــــــده=يا شاعــــــرَ تدخـــل معَ كل معبــار قلــت الهــدف قولـــي وخليـــك ســــيده=ابي السبب من شان تنظيم الاشعار قالـــــت حبيبــــي فــي ديـــارً بــعيــــــده=من دون حده حال خمس من الاقطار كـــويت وقطـــر واديــار صنعــا السعيـــــده=والمملكـــة ديــرة هـل المجــد والكـار والاردن اللــــي للــــمعـــادي عـنـيـــــــــده=بصحــــــراء سـينـــــــا يســـــكن بهــــــاك الاديــــار ابغــــي تسطـــــرلـــه ابيــــــوتً فـريـــــده=وابغـــــى اترجملـــــه شعـــــوري والاسـرار ابغـــــى كـــــلام يهـــز نابــض وريــــــــــده=ابغـــــــاه يــاتينـــــي ولا يهـــــــاب الاخطـــــار تكفـــى يابـــن سوعـــان قلبـــي يــريـــده=قبــــل ان ياتـــي يـــــوم قصـــــاف الاعمــار قلـــت اسمعـــي والظاهــر انــك بليــــده=وياعــــل مثــــلك يحـــرقــــه لاهــب النـــار شــــلي لســـينا وصـــــلك يالـزهيــــــده=وشلـــــون تمــت بينكـــم هـــاك الاخبـــار قالـــت علـى هــالفيس جـــاني بريــــده=تمــــت محبتـــنا وصــــار الــــــذي صــــار قالـــــت سحرنـــي بالكــــلام ومـزيــــده=مثــــل العســل واجمــل من الـورد وازهـار نشـــدتهـــــــا مـــن اي قـــوم وبـديــــده=حبيبـــك اللـــــي تفتــدينــــه بالاعمــــــار تقـــــــول مــادري ميــر روحــي ابئيــــده=احلــــــم بشــــوفه واحتفـــظ لـه ابتـذكار مـــــاهـمني اصـــلً وفصـل ورصيــــده=وادري فـــــلا يملك من المــال دينــار قلـــت اعقـلــــي ياتــافــــهه يامـــريــــده=ياعــــل ربـــي ياخـــذك اخـــذ الاشرار قالـــت تمـــون وبـس اكــتب قصيــــــده=قلــــه تحبــــك مــوت يانـــور الابصــار قلـــت اذلفـــي عســاني اكتـب فقيده=علــــى اثــــر حـــادث اتعجلـه الاقــدار وانهيـــت معهـــا الهـــرج وادري عنيـده=هـاك الغشيمــةً ما مشت معها الاشــوار

محمد بن سوعان الربيع