ديوان / الشاعر محمد سوعان الربيع

((حييت ياضيفً عزيزً وله شان))

بمناسـبة حـلول شـهر رمضان المبارك اعـاده الله
على الامتين العربيه والاسـلاميه بالخيـر واليمن والبركات وكل عـام والجميع بخيـر وصحه وسلامه

حييت ياضيفً عزيزً ولـه شان

	حييت ياضيــــفً عـــزيـــزً ولــــه شــــان =ضـيـفً عـلى كل المسلمــيـن غـالي فــــي مـقـدمـه كلن يبــارك وفرحـان =من اقصى جـنوب الأرض حـتى الشمالي بالشرق واللــي يســـكن بغــرب الاوطـان = كلُ تحـرا مـقــدمــه ,بــاحـتـفـالي شــهـر رمضــان اللـــي نـــزل فيــه قـــرآن = فـيه الـهُدى للناس والاكتـمـالـي أمـــة مــحــمـــد تحتـفـل فـيــه وكـــــدان =وكـلن يـبـشر صـاحـبـه بالـهــلالي فيــــه الـتــواصــل والتســامـح والاحســان= وتـقبل بـه الاعـمال أول وتـــالــي وبـــه لـيـلــةً مــامثــلـهـا صــــار أو كـــان = ليـله عـظـيـمه غـير كــل الليــالي ومــن لا عـمـل بــه خــير نـادم وخسران = سـاعات من لا قـامـهــا ما يبـــالي شـــــهـر الصيــام ايــام تمضــي كالازمان = ولا يغـتـنـمهـا كـود مسلم مثـالي يـبــذل بــــه المـجـــهـود واالبـــر بايمــان = ومن لا صبـر هـيهات يـرقا المـعالي شــهـر الـكـرم : والخيــر يكثــر بـه ألـوان = والـشح بــابـه يـنـغـلق بـانـقفالي وفـيــه ايـتـربـّـط كل فـاسق وشـيطـان =بسلاسل الــرحـمــن رب الجــــلالي بــه رحــمــةً للـنـاس مـن عنـد رحمـن = هـذي حـقــايـق مـا نـقول احـتـمالي والثـانـيـــه للـي يـبـــي فيـــه غـفــران =يـجـهــد ويتـرك عـنــه قيــلً وقـــالي والـثـالـثـه يُعـتــق مـن احــرور نـيـران = ويـنـجـي من اللي نـارها باشـتعـالي يحـظـى بعــفـوه مـن نهض حـظه وزان = ولامـن جـوابً كـود قــبـلــه سـؤالي وابـي الـسموحـه يا سـليميـن الاذهـان =ما غير أذكٌر يـوم جـــــالـه مــجــالي صـــفـوا نـواياـكــم عـلى صـدق الايمـان = وزيــدوا بـتـقوى اللـه رب الجــلالي ومـن يــدي الطـاعـات مـن دون نقـصـان =يـبـشـر بـفـوز وجـنــةً لــه اظــلالي وبـرالاهـل كالفـرض فـي كـل الاحيــان = واهـمـهــا حـشـمـة اثـنـيـنً غــوالي بادر لـهـم بالطـيـب والعطف بــإذعــان = وللـوالديـن احـقــوق كـبــر الجــبـالي طعهـم ونـفـــذ شـورهـم دون حـقـران = واجـعـل رضــاهــم غــايــه ولا اتبـالي وصـل الرحـم مطلـوب مـابين الاخوان = ويـاجـب انــواصـل كـل عــمً وخــالـي وخـلك مشارك فـي فـرحهـم والاحزان = وابعــد عن التـعـصـيب والانـفـعــالي ويا المـرء تكفـى حــط للسانك اعنـان = عن لا تـطيـح ابمشكله وانـت سـالي لاشك ان نشـوء المشكله زلـة إلسان =تـبعـدك عـن قــرب الـرفيـق المـوالـي يـاجـب تـجـاوز عـن خطـا كل غـلطان = حـيـث التسـامـح مـن اشيٌم الرجـالي واتعـب على شـوف الجماعه امسـيان = كـلن عـلى الثـاني عــزيـزً وغـــالي عــقب العـبـاده نـلتـقي وســط ديـوان = وهنيت قلب اللي من الغـش خالي فـي مجلـسً مـــابــه حــقــودً وفـتٌــان = ولا فـيـهـم اللـي للـرذالات ,,مـالـي واعـلــوم ربـــعً تـشـدي الـــدر والـدان = تـسـفـي أكبــودً تمـتـلي باعـتـلالي هـذي طـراة العـمـر مـن قبــل الاكفان = والعـمــر لـحـظــه وآخـــره للـزوالـي ولـيـا تـجــمـعـنـا علـى خـيـر الاديـــان = فـــزنـــــا وصــــرنا قـــدوةً للجــيــالي وبين الصحيح ومحتـوى الزيـف شتــان = ومـا بـيــن الاول والاخـيــــر اخـتـلالي وتمت وصلى اللـه علـى خيـر إنسـان = نـبـيـنـا المخـتـار بـــاتــلـى المـجـالي

أخوكـم : محمد بـن سـوعان الربيٌع

نسل الفـهود الطنـايـا

اهـــداء متـواضع الى الشـــيخ حـاكــم خـلــف الدليــان العـيــاده الشـــمري

شــدني منظر الصـور حيث كان ابو نواف في رحلة صيد وجذبني منظر الطير الذي كان يحمله
على كفه والذي وصفته بالزير سالم راق لي منظر البر والطبيعة
والنشاما اخوياه اللي معه هيضني هذا المنظر الجميل وكتبت هذه الابيات
المتواضعه والبسيطه كـــ إهداء متواضع وهو يستاهل اكثر اتمنى ان تحوز على اعجــابكـــم واعجـــاب الشــيخ ابــو نـــواف .

نسل الفهود الطنايا

	ســلام يانســل الشيوخ المنــاعــير = حـاكــم خلف نسل الفهــود الطنـايـا مـن ساس قــومً بالمـلاقـا مـغـاويــر = شــمـر هل الطــولات ســتر الصبـايـا علمــك يابــو نــواف كـلً لــه ايشـير = عـلـمـك لقـيـتـه فـي جميع النـحايـا هيضتــبي ياشــيخ جــزل التعـابيـر = مـن قـلــب يضمـر ,,صافــيـات النـوايـا هاض القريــح ,,,وهيضـته التصاويـر = مــع اشـقـرً ياشــيخ يـجــذب هـوايـا اشقر عليه الوصـف من سالم الزيـر = ‎نـــادر ولابــه يـا نــديـمـي ,,تـهــايـا تستاهله حيث انت من ينقل الطـير = يزهي على كـفـك عـطـيب الهـوايـا تسـتاهـلــه يامنبـع الطيـب والخيــر = وعـســاه يســلمـلك وهـــذا مُـنـايـا واقبـل ســـلامـي والمـوده وتقـديـر = وقـافً كـتبته مـن صميـم الخــفــايـا تسـتاهـل الاطــراء والمـدح ,,يامـيـر = وانتـم هل الشيمات واهـل العـطـايـا مــا قلتهــا لــي غــايــةً بالتعــابيـر = إلا مـــوده تـحــــتــويـهــا ,,,النــوايـا والله يجـيرك مـن صـدوف المخـاطير = ومـن كـل حـاسـد يا رفيــع الـمــزايـا وصـــــلاة ربـي عــد نبـت الـنـواويـر = ومــا غـرد القـمــري بـروس الـعـلايــا على الذي يهدي اتبـاعـه الى الخـير = نبـيـنـا المخـــتــار خيـــر البـــــرايـــا

محـمد بن سـوعان الـربيّع

أرض الطهـاره والهُـدى

ارض الطهاره

	والله لا الحــوثــي ولا انذال ايـــران = وكـلاب حـزب الــلاة واللــي وراهــا ما ظـنتي ينالـون مـن خـيـر الاوطـان = ذرةً بسيطـه مـن صــحــاري ثــراهـا ارض الطهاره والهُدى.ارض الايمان = للـدّين عــز ومفـخـره - لــ قـصـراهـا وشــعـاد لوغــارت صـواريـخ طهران = قـدامـهـا - جيـشً بـشـوق احـتـراهـا مصـيرهـا الـتدميـر وشهودهـا. اعيان = وكـم. سـروّةً خـاب الذي قـد سـراهـا ودفـاع جٰــو ايدار بـيـديـن شـِجـعـان = ضـبــاطـهـا. وافــرادهـا ,,وأخـبــراهــا يـرصـد سـما البـاحه و جـدّه. ونـجران = بخبــره وحنكه والفشــل مـاعـتـراهـا عـيـنه عـلى عــرعـر وحـايل وجيـزان = وجـميع مـدن المـملـكه مـع قًــراهــا الـممـلكـه حـراسـهـا جُـنـد سلمان = والتـضحـيـّه كــلً بـروحــه شـراهــا تارد حياض المـوت فـي عـزم وايـمان =هـــذي مـواثــيـقً وكـــلًً .. قــراهـــا درعً لـهــا عـن كــل طــامــع وخـوّان = شـعـب ومـلك وحكـومـتـه وومـراهــا الـمـملـكـه حـصـن ً مـنـيعً ولـه شـــان = بعــون الالــه وشــعـبـها ووازراهــا دولـه لهـا فــي قـمّة المـجــد عـنــوان = ويـشهد لهـا.العـالم وكُـتب اشعراها مهـد الرســالــه مقبــرة كـل شـــيطان =تـصعــب على ايــران واللي وراهـا وعـندي عٰـلى مااقــول للناس بـرهـان = يُـقـرن بـطـيـب افـعــال كـلً يــراها اقــولُـهــا وأعــيـدهـٰـا ســـرّ واعــلان = يــحـرم عـلـيـهـم ذَرَّة,,,مـن ثــراهــا والله لا الحــوثــي ولا انذال ايـــران = وكـلاب حـزب الــلاة واللــي وراهــا

محمد بن سـوعان الربيّع

دمح الخطا لاصحابنا ما كسفني

اسعد الله اوقاتكم احبائي واصدقائي الاعزاء والاكارم لي عندكم طلب بل رجاء من الجميع
ارجو المسامحه عن كل تقصير او اساءه او غلط لاسمح الله سواءاً كان مقصود او غير مقصود ... وانا مسامح الجميع ومن طيب خاطر عسى الله يوفقني واياكم ويقبل منا صالح الاعمال في هذا الشهر الفضيل وسائر ايام السنه واتمنى لكم بهذه الايام المباركه القبول والثبات والرحمه والمغفره والعتق من النيران
عسى الله يعينكم على صيامه وقيامه وتلاوة قرآنه
وكل عام وانتم بخير ,,,,,,,,

دمح الخطا لاصحابنا ما كسفني

	ابـي اعـتـذر مـن كـل شـخـصً ,,عــرفـنـي = عــن كـل ذنــبَ او خــطـا ,,عــبــر الايـام ســامـحـت انــا اللـي بالاســاءه قــذفــنـي = حـيث الـتسامـح مـن أدب ديـن الاسـام ودمــح الخـــطـا لصحــابـنــا مــاكســـفـنـي = بـســـامــح اللـي بـالـقـفا كــان ,نـمـام واثــق بنـفسـي والـوهــم مــاا ,,اخـطــفــني = وانـا مــن اول شـوفـتــي دوم ,,قـدام ســــيـل الـغــرور وقــوتــه مــا ,جــرفـنـي = ورضيــت بـالـقســـمــه ولانــيــب,, لـــوّام رضـيـت انـا فــي كـــل امـــرً ,,صـــدفـنـي = خـيــًر وشــــرّ وضـيــقــة الـصــدر, وآلام على الشـــقـا لازلــت صــابــر, وشــــفـنـي = وانــا احـمــد اللــي عـالــمً,, مـالارحــام اشــــيد ر باللـي في كــلامــه ,,,نـصـفـنـي = في غـيبـتي واشـاد بـي عـنــد الآنـااام اللـي بـذربـــات الــوصـايـــف ,,,,وصفـني = شـــكراً وانـا مديــون لــــه طـــول الايــام الــدايــــم اللــه والمـخــالـيــق ,,,,تــفـنــي = وهـنـيت انـا مـن كـان عــابــد وصــوّام ســامـحـت انــا اللـي بالاســاءه قــذفــنـي = والعفوا عـنـد المقــادره شــيمة اكـــرام

محمد بن سوعان الربيّع

من يشكر الله من نعيمه يزيده

من يشكر الله من نعيمه يزيده

	يـاللـي تنـشـٰدني عــن الحــال والــذات = وتبـي الاجــابـه في حــروف. القصـيـده اســـمـع جــوابي دون نـقــص وزيــادات = كـان انـت تبــغــاهــا بجمــله مـفــيــده هـمـي تـوطـن بـالحـشـا مـثٰـل ابـانـاات = مــا هــزتــه ريــح الــزمـٰــان العـنــيــده احـتـلـني بجـيـوش تـطــوي مســافـات = كـالـحـوثي اللـي جـال بـأرض الحُـديـده اصـبـح كمـا الــواقـع و فـرض الصــلـوات = اللـــي اتــأديـهــا خــلايـــــق,, عـبـيـده صـابـر وانـا. صـبري. تـعـدا المـقـاسـات = مٰـع ذا و نـفـسي. مـاتــروم الــزهـيــده لـكــن. لـكــل. انســان قـــدره وطـاقات = ولابـــد. مـا نـبـــدا بـصـفـحــه جــديــده اخــذت مـن مُــرّ التـجـارب شـــهـــادات = والعـمـر رحــلـه والمـســــٰاري بعـيـــده نـوبً تـضيــق ونــوب نـاخــذ مسـاحـات = وهــذيــك نـخـطـيــهـا وهــذي نـصـيـٰده والله كــريــم ويـعـطـي العــبــد. جـنـات = ومـن يـشكـر الله مـن نـعـيـمـه يــزيــده

محمد بن سوعان الربيّع

(( أمي وحب الام يندر مثيلُه ))


اهـداء الى اعظـم واغـلا مخلـوق على قلبي
بالوجود ....... اهدي هذه الابيات المتواضعه
سائلاً المولى جل وعلا ان يحفظها ويمن عليها بالصحه والعافيه
وطول العمر ولايحرمني رضـاهـا .

أمي وحب الام يندر مثيله

	احــتـرت انا بالـعــيـد ياويش ابـهـديـك = واغـلا الهــدايا فــي ســموّك قلـيله لكـــن انــــا بعطيــك قلبـي وابـفديـك = بغـــالي اعيــونـي والظنــا والحليـله ياغـــاليه مـاني مـع البُعـــد ناســيـك = لا والــذي نـــزّل اكـتـــاب الفـضـيــله انتـي ولا غيــرك ولا احــد ًيـضـاهيـك = أمـــي وحــب الام ينــــدر مــــثيـله نبع الوفـا ســاس العطا دون تشـكيك = هـــداج تيـــما مــانـقـص سـلسبيله ابيــع انـا كــل المـخـاليــق واشــريـك = يـامـن بـكل. النـاس مــالك بــديــلـه بُعـــدك يـزيــد القـلـب هـم ودواكـيـك = وقـربـك تـرى يانبــض قـلبي يــزيٰـلـه زولك بعد زولي عسى دوم ما ابكـيك = ويالله عسى ايــام عمــرك طـويـلـه والـعـافـيــه طــول الليـالي تـبــاريـك = مـعـهــا السعـاده الـحــيـاة الجميـلـه يـامـن عـلى كـــل البٰــرايـا انـبـديــك = عـنـك الـوجع يـا نـور عـيـني نشيله ياشـمعة افــوادي عسى الله يخلـيك = واحــب راســك وأنحـني وانـثــنيلــه انــا اتـشــرف يــوم اقبــل آيــاديـك = شــفـي رضــاك بـكل يــومً وليــــلـه ويالله تسـهـلـها عـلـى خــير وآتيـــك = مـن عـقب شـوقً يشــتعلبي فتيـله ودي بشــوفـك يالـحبـيـبـه وانـاجيـك = عـقب الفراق اللي اطعــونــه ثقـيـله ياتـاج راسي والفخر يـوم انـا اطـريـك =بـــرّك اســـاس المــرجلـه والنفـيلـه احــترت انا بالعيــد يا ويـش ابهـديـك = يـامـن غـلاهـــا بـالضـمـايـر مــقـيـلـه

محمد بن سـوعان الربيّع

اسـتوعـب الدرس

استوعب الدرس

	يـا طـالـب العلم شــدّ الحيـل والهمّـه = وافـتـــح مســامـات فـكـــرك لاتـقـفـلهـا لاتـعتــزي بـالـغــرور اللـي بــلا ذمّـــه = ولا تـزاحــم الخيـل حـذرا في محـافلهـا بدري عليـك الـوصـول لـعالـي القـمّـه = لا تســـبـق الـوقــت والاخبـــار حــللـهـا مثلت نفسك فقط ؟؟ ما تمثــل الامّـه = وديـــره مــهـي ديـرتـك حـذراك تـنزلـها النـفس جـوّد رسـنـهـا ؟ والـوفـا زمّـه = ووجــه الحـقـيـقــه تـحـذر . لاتـغافــلهـا قبـل الـمعّـرفـه تـنـبــه تــارد الجــمّـه = لاتسرق النـاس بــالـخـدعــه وتـخـذلـهــا استوعب الدرس ..والبس عقبه العـّمه = وتــرا الكـرامـــة فــلا شـــيً يعــادلــهـا ولاتحسب الناس فيـمــا قلــت مـهتمّه = والنـفس حـذرا تجنـب,, لا تـبـهــد لـهــا مــا ينـفـــع المــرء لاخـــالـه ولا عـمّـه = الـيّـا تــردت عــلـومـــه,,, وسـط فـايـلهـا مــا ينـفـع الـزيـف لــو اعضــاه مـلتمـّه = سافـل ويـبـقى طــوال الـوقـت سافـلهـا ولاتـدمـرالنـفس بــالغـيـبــات والنـمّــه = لاتبلي الناس بـــالـفـتـنـه ,,,وتـقتــلـــــا أثبت بنـفـسً أبـيّــه والهـدف ســمّـه = والنفس حــذرا يغشــك فــي فـعايـلـهــا ارفـع بـهـا فـوق واحـذرلاتجـي؟؟رمّـه = قبــل الاوادم عــن الـزلّـــه اتسـايـلـــهــا

محمد بن سوعان الربيّع

العيـد فرحـه

العيد فرحه

	العيـد فرحـه والتـهـاني مـواجيب = وكـلً نـهــار العـيـد هـنـا رفـيـقـه كلً على الثاني يــزف التراحـيب = عن طيب خاطر والتسامح حقـيـقه واليوم انا من قلب وسط المحاديب = ينبض غــلا والتافـهــه ما تعـيقـه مديت انا يمناني طيبً على طيب = واغضيت عـن بعض الامور العتيقه ادمح خطا زلات بعـض الاصاحيب = حـيـث الــروابـط والـمـوده وثـيـقـه عن طيب خاطر بطرد الشك والريب = والكبـر نـفسي ما تحب وتـطيقه والصبر حكمه والتسرع خطا وعيب = ولقيت انا بالحـلم اسـلم طـريقـه واثـق بنفسي واخـذ الـراي واجـيـب = ولاهمني صوت الغـراب ونعـيقه فـوق الجـروح النـازفـات المعـاطيب = ابي اتسامي والمشاعـر رقـيـقـه وصل الرحم شمسه عن البال مااتغيب = امـرً ومـرنـا فـيـه رب الخليـقه ابي الجـزا مـن عالـم السـر والغيب = اللـي بامـره تـنـفـرج كل ضـيقـه وصلاة ربي عـد وبـل السـواحيب = عـلى الـذي بالـغـار نـاجـا صديـقـه اللي نشر دعواه شرق ومغاريب =واهــل الخـلافــه الصحــابـه فريقــه اعـطا لـه الـكوثـر وخيـر المراتبب= وله شان سامي والمجاـني عريـقه العيـد فرحــه والتهـاني مواجيب = وكلً نـهــار العـيـد عـايــد شـقيـقـه

محمد بن سوعان الربيّع .

الاربعاء 2 شوال 1440 هجري
في 5 يونيو 2019 ميلادي

يا الله عجّل بالفرج وافتح الباب

يا الله عجّل بالفرج وافتح الباب

	طـالبـك انــا يــالله تـقــبــل ادعــاتـي = يـالـفرد يــالـقـهار , يـارب الاربـاب رفـعتــلـك كـــف الســؤال بـصـلاتـي = خاشع وانـا يـالله مانيـب مـرتـاب آمنـت بـك أيـمـان يـرسـخ بـذاتـي = واسمك حفظته بوّسط القلب ماغـاب وكلت لك امري وصبـري عًـصاتي = وانـت الـذي تـعلم بامـري والاســباب عبــدك ضعيف وقـّوته منـك تـاتـي = يـا للّـه عجّـل بـالفـرج وافـتــح البـاب وقفـت في بابـك وعــفـوّك مُـناتـي =واحظى عساي بـمغفرة كل من تـاب يامن عـطى يعقـوب صـك البـراتي = افــرج لعــبـدً عـظــه اليـأس بـالنـاب عـجّــل بـهــا يـاللّه قـبــل الـوفـاتـي = لاتـردنـي خايـب معً كل مـن خــاب وانت الذي تـعـلم مـراحل حيـاتي = وانت الـذي تحصي خـطايـاي بكـتـاب يــالله اتـجـنـبني. دروب الـعُصاتي = اللي خطـاياهــم عـلى كـثـر الاسراب امـنت بــك يالله وســـترك عبـاتـي = ولا يـنستر عـيب الـخطـيـات بـثـيـاب اطـمع بســـترك يا الهــي واحــاتي = وعفـوّك ابيومً تنـتهـي فـيه الالـقـاب يـومً الخـلايــق يرتـجـون الـنجـاتي =يـــومً يـهــوّل حــزة الـعــرض الالبــاب ويامن سـمعـتوا دعـوتي وامنـياتي = ادعـوا معي آميـن يا خــيـر الاصـحاب

محمد بن سوعان الربيّع

مجاراااة
====

ابن عمك وان تردا لاتسبه

ابيات للاخ الشاعر سطم بن فهد الخليل راقت لي وجذبني معناها
وكانت تلك المجاراة المرفقه على امل ان تنال اعجاب الجميع



لا تشب النار خله لاتشبه = لبس الموضوع ملبـوس الجمالي

وان بــدالك موقـفـن مع مـن تحبه =عالج الموضوع بالصدر الشمالي

وابن عمـك وان تـردى لاتسبه = مااتـعلــم الغـيب وظـروف الليـالي

نبهـه عــن غلطـته لاجـل يتنبه =كان جــا للسالفـه ذكــر ومجـالي

وغيـر هـذا بـاقي الاقـوال كـبه = للجـدب ياشجرتـن مالـه ظـلالي

الحياة اليا انتزع منهـا المحبه = جعــلها عقــب المحــبه للـزوالي

الشاعر/
سطم فهدالخليل الجعفري الشمري

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,
شب ضو النصح يالمنعور شبه

مجاراتي لابيات الاخ الشاعر سطم فهد الخليل

مجاراااة

	ياسـلام الله عـلى رجــلً نـحــبـه = العريـب اللي من قـروم الـرجالي نفخــر بمعـنـاه وخـلافــه نـكـبـه = والكـلام الـزيـن برفـع لــه عـقـالي ياســطم معــناك بالخافــق نـظـبـه = والذهـب يا صاح يشرا بالـريالي شـب ضو النصح يالمنعـور شـبـه = جـارك الله مـن صواديــف الليـالي صب فنجال الوفـا والطـيب صبـه = وبالتسامح والصـبر ترقـا المعـالي ترتفع نفس العـريب اعـن المسـبه = وابن عمك يا غلط عطه المجالي ان بـــلاه ابليس واغــواه ولعـــبـه =غض عنه الطرف ياشفت الخمالي قـل عسى يهديـه للتوفيق ربـه = من خفـوقً دايـم من الغش خـالـي والتسـامـح كــل مـنعــورً كسبـه = اجــرً ومعـروف,,,, والمـدح المـثالي واالحروف اختامها طـيب ومحـبـه = للعريب ابـن الفهـد قــرم الرجـالي

محمد بن سوعان الربيّع
اليوم الثلاثاء 22 شــوال 1440 هجري