لااحدٍ يلوم القلب في حب شمر =في ذمتي احبهم حب قحطان

بويتـات متفرقه من مااكتبه في شمر*
دائماً محبتهم ازليه لدي احببت اضعها لكم رغم بساطتها
وهي قطره من بحر ماكتبه فيهم ولا زلت تستحق قبيلة شمر
كتابة قصيده كامله وليست بيت او بيتين*

1

لااحدٍ يلوم القلب في حب شمر=في ذمتي احبهم حب قحطان

2

يالعنبو شعرٍ قصر دون شمر=ويالعنبو من لا مدحهم وهو حي
بيوتهم بالطيب دايم تعمر=ومشابهين بالكرم حاتم الطي

3

اهل الكرم واهل الوفا والمروات=واهل اليمين اللي جزيلٍ عطاها
مافوق شمر غير سبع السموات=وبقمة الامجاد هم معتلاها

4

احب انا شمر هل الصيت والجاه=محبة فاقت جميع الحدودي
الشمريّ عروق قلبه مغذاه=(على الكرم ) والطيب دايم يزودي

5

ياحبي لشمر ووياحـبي لحايل=وياكبر حظي لو اني من بني شمر

الاخت العزيزه ماتهاب
صح الله لسانك
وسلم بنانك
وتأكدي يااختنا الكريمه ان لكي بقلوب شمر
كما لشمر بقلبك
تحياتي لكي

الشاعرة الفاضلة

ماتهاب

صح لسانكِ ملايين

وبيّض الله وجهكِ يالأصيلة

حي قحطان وحي طاريهم

وحنا نحبك يافتاة القحاطين=ونحب قحطان العزيزه بقوه
انتي عزيزه من كرامٍ عزيزين=ومن حبنا يبشر بطيب الاخوه
بصدورنا يابنت وبداخل العين=الدار دارك واسكني في علوه

الله يرفع قدرك واحبك الله والف نعم بك وبلابتك يابنت السلاطين

الف شكر لك على الابيات اللي تساوي دواوين ولاهي غريبه من بن قحطان

المحل محلك وشمر هلك وانتي منا فينا واللي يسعدك يسعدنا وخنا لعيناك يالاجوديه

تقبلي احترامي وتحياتي وودي

اختنا القديرة الشاعرة ماتهاب
رفع الله قدرك عند مولاك يالنشميه لكِ بالمثل ولكل قحطاني وقحطانية ماكن بقلب كل شمري وشمريه
صح السانك
خالص التحايا لسمو شخصك النبيل

والنعم بتس وبلابتس قحطان

والنعم من قحطان وشمر
اما الابيات فهي جواهر خالده في قبيله ماجده
تحيه لكم جميع قحطان وشمر
من قلب محب لكل عربي اصيل

اختنا وشاعرتنا ماتهاب
شكرالكي على هذا الوفا يابنت الاصول
ونعم بكي وبربعك والله لايهينكي اختنا
الفاضله وبيض الله وجهكي يابنت الاجواد

تسلمين أختنا العزيزة الشاعرة / ماتهاب
صح لسانك مليارات وبيض الله وجهك وألف نعم فيك وفي لابتك العزيزة علينا جميعاً.
دمتِ بخير ودام تألقك الراقي،،،

ماعليك زود ياخت الرجال وبيض الله وجهك على هالدّررْ