بعض الرجال شيوخ !!!!!!

السلام عليكم ورحمة الله وبركاته

هلا والله ومليون غلا
حبيت اشارك بهذي الكلمات

ولا تحرموني من التوجية والارشاد

فأنتم اساتذتي وما انا الا تلميذة لديكم


أقول

لو العشق مقياسة الزين والرزة=ما فضلت عبلة على الكل عنتر
ولا حاد عاشق عن محبته عزة=خاوا وحوش بالفلا ولا تغير
بعض الرجال شيوخ كل يعزة=والا بعضهم نفختن بشت وغتّر
هذا معاه تشوف عز ومعزة=ولو سابقوا باسمه يفوز وتصدر
تلقى دلال مبهرة بكل حزة=والمنتفخ لو جيت عندة تعذر
معزتك بالقلب زلزال هزة=ارجوك طمن قلبك اللي تكدر
ما يوصل لمقدار صيتك وعزة=لا فلان ولا علان لو حام وافتر
من رابع الخير على الخير وزة=ومن صادق الانذال له وقت يخسر
يالله سألتك جعلنا بكل حزة=نسلك دروب ارضاك في كل منبر
وختامها يالله نصرك لغزة=وصلاة ربي للشفيع المطهر

وسلامتكم

أختكم / سراب الكحيلة