26-12-2010 | #1 |
|
ماني من اللي تكثر القيل والقال
يـامـا كــــتــــمــــــت الهـــــــــــم
ماني من اللي تكثر القيل والقال=اللي مابين الناس تعمل شتاتي وماني من اللي تعشق بزود وخبال=تشوم نفسي عن طريق الرداتي اعز نفسي لو علي الزمن مال=ما ذلها لو كان فيها مماتي ولا دق في قلبي من الهم موال=عزفت به في ارض قفراء خلاتي ماودي افرح على القلب عذال=ولا يبين اللي كتمته بذاتي ابعد عن اللي طبعهم طبع الأنذال=اللي علي تفرح وتدور هفاتي ياما كتمت الهم لين انطوى الحال=وياما بكيت بليل مابه ضواتي وياما تجرعت الحزن والصبر طال=وياما عيوني للكرى عايفاتي يامن يحس بقلب شال العنى شال=يامن يداوي همومي الخافياتي الحزن خيم في ضواحيه والجال=واصبح كما اللي راح ملكه رفاتي عزاه ياقلب تعنى ولا زال=يشوف له في كل يومِ خطاتي لكن بعد هذا ترى قلبي محال=يبوح باللي داخله من شكاتي قلبي معودته على طولة البال=الصبر والكتمان هذي صفاتي ولاخير في دنيا توريك غربال=ولاخير في ناسِ على الشر تاتي الشاعرة / الـــــطـــايـــــلـــه |
من نسل حاتم طي انا شمريه=ولي الفخر والعز انا بنت الأحرار
أهل الكرم والطيب والمقدريه=يافزعة اللي جار وقته معه جار ومن ضامته دنياه يلقى الحميه=يبشر بعزه دام للشمري سار نفوسن عزيزه ماتطيق الوطيه=تطمح للعليا وعتلو فوق الاوكار وأنا اتفاخر دام أنا شمريه=وربعي هل الطولات وافين الأشبار |
مواقع النشر (المفضلة) |
الكلمات الدلالية (Tags) |
ماني, اللي, القدم, تكثر, والقال |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام