ديوان الشاعر / مشعل عسام التريباني

بسم الله الرحمن الرحيم
الشاعر\مشعل عسام التريباني الشمري
((من لايعز الصديق ولايغيض العدو))في29\3\1437هـ

من لايعز الصديق ولايغيض العدو

	من لايعزالصــــديق ولايغيض العـــدو=وشــعاد ترجـــي منه لوكان مــاله كــثير ومن لاورد فــي حباله بزدحـام الــبدو=يروح مضمي ولو هــو فــوق جال الغدير ومن يترك الركن ما يجزيه ذبح الفـدو=حتى ايش لوهـو ذبح فــديه وقــرّب بعير والاثريا كانهــم بالطــايـلات زهـــــــــدو=يعلهــم فـــدوة الطـــيب ولــوهــو فقــير ياصار طول الحيات عن الجزال رقـــــدو=حبل اخرالعمرعن جم المراجل قصــير ياصار مع ســــلم الامجاد هم ماصعــــدو=مايبلغون المعالي فــوق جنحان طــير المال مايرفع اللي للهزال ســــــــــجـــدو=ولايدفي الي سجدله عن نفس زمهرير مـــن مزرعتكم الياحان الحصاد احصــــدو=كلٍ مــن اللـــي بذريحصـد ولايستشير والناس باللي تشاهد بالعيون شــــــــهـدو=والرابح اللي من الامجادحضه وفــير ياناس خلو كــــثير الهـــرج بس اقعــدو=انا معاشـــي على ربٍ سميعٍ بصــير

بسم الله الرحمن الرحيم
الشاعر\مشعل عسام التريباني الشمري
((اشتك على ربك الياضاق خاطرك))في4\4\1437هـ

اشتك على ربك الياضاق خاطرك

	اشتك على ربك اليا ضاق خاطرك=وشــــكوى لغير الله تراها مهونه ان مانصرك الله محدن بناصـــرك=اشتك على اللــي ماتغمض عيونه والياكشفت ان المشــاكل تحاصرك=لايمــنعك ذنــبك ويــوقــفك دونـه ذنبك الياطعته غــدربك ودهـــورك=وزجّك بغيهب مظلمن من سجونه اصحى تميل لشئم ذنبك وياســــرك=وابليـس بالاذكار ســـــكر عــيونه واصحى الاوادم لاتفتش صــرايرك=صـــندوق سرك ســكره لايجونه الناس تضحك لك وتجرح مشاعرك=واليا كشفو عــثرتك مايســــترونه من ريح طيب الذكرعمّرمباخــــرك=وبيت التقا بالذكــرشـــــيد ركــونه ازبن على اللي عالمٍ في ســــرايرك=ومـــن غـــير ربـك لاتدور معونه واليانصرك الله فلاحدن بكاســــرك=من يقـدراللـــي قام ربه بشـــــونه بالعــروة الـــوثقا تجــوّد ويظهــرك=سبحان من لايختلف فـــي ضنونه ارفـع يديك لخالـقك واتـرك الــترك=الخلــق خلــق الله والكــون كــونه من غيره اللي كل ماذنبت يســترك=ومن غير ربك تلتجي في حصونه الله هــو اللـــي عالمّ فــــي مــاْثرك=والرزق بين أيـديه والعــون عـونه والــناس لــوتبغا تهــينك وتقهـــرك=شـــــــــيّن كــتبه الله مــايغـــيرونه

بسم الله الرحمن الرحيم
الشاعر\مشعل عسام التريباني الشمري
((يارب انا عبدك))في 17\4\1437هـ

يارب انا عبدك

	يارب انا عبدك وبن عبدك ورزقي في يديك=رزقي مقدرمنك واجلـــــــي في يدك ياذالجلال انالفقيرلرحمتك وحدك ولاغيرك شــــــــــريك=وانت الكــــريم ورحمتك عظما ولافيها جدال ارجيك من فضلك وعفوك وارفع الشكوى اليك=انت المهـــيمن والجليل المنفــــرد ياذا الكمال عـــــبدك ومملوكك رفع كفـــيه لك ياعظم مليك=عبدن فقيرٍ لك ويرجــي منك يامجـيب السؤال وانت الاله المعطــــي الفرد الصمدمــنج الدريك=وانت العظيم الواحد الباقي وغـــيرك للزوال يارازق الـــــداب العما يوم افـــرد التكـــلا عليك=سامع دبيب النمل الاسود بالدجا مرس الجبال يارافع الســــــــبع الطباق ومنجــــــي العبدالهليك=يامثبّتن سبع الاراضي في مشــاريف الثقال انت الاله اللـــي جميع الخلق رزقه فـي يديك=وانت العزيزومهلك اهل الزيغ وصحاب الضلال يارب عــفوك يامحـــل العفو وارجــــــــي مالديك=تقبل دعا عـــــبدن رفع كفــيه لك بالابتهال وانت الذي ماخاب عــــــبدن تاب لك واقبل عليك=قدوس ياتواب ياربــــــــي علــيك الاتكال

[size="5"]بسم الله الرحمن الرحيم
الشاعر\مشعل عسام التريباني الشمري
((كلنا للدين والموطن فدى))في 30\4\1437هـ

((كلنا للدين والموطن فدى))في 30\4\1437هـ

	كلنا للدين والمـــــوطــن فدى=وكـــــلنا للممــلكـــــه درع وذرى ياوطناكلنا صــــــوت وصدى=نفـــتديك بدمــنا ياطــــهـــــرثرى حبنا للمــملكــه مــالــــه مـدى=علم اللـــي عــــن ولانا مـــادرى دونها نبذل جهــدنا والجــــدى=ونعلن البيعه علـــى روس البرى للملك ســــــــلمان نبذل مابدى=نردحوض المـــوت والعالم ترى نضــرب الصعبه بحده ونحدى=ســــــيفنا سلمان يفعل ماطــرى سيفنا الصلد الصقيل الاجــردى=الزعيم اللي على الحوثي سرى من يعاند سيدي يذهب ســــــدى=ومن يصاحب ســيدي مايقهرى خصمنا ملـــزوم يبرك ويهـــدى=لومشــــــــــا قدام يرجع قهقرى نفرح الصدقان ونغيض العــدى=ونارد القرهود والعين جهـرى

بسم الله الرحمن الرحيم
الشاعر\مشعل عسام التريباني الشمري
((يامنارات الدجا ياعزيزين المقام))في20\5\1437هـ

يامنارات الدجا ياعزيزين المقام

	يامنارات الدجَى ياعـــــزيزين المقام=لابتــــي ياظل راســــــي اليازاد زملــــي ياعيال العود علي الدغيري يالحشـام=يادروع الـدار يوم اللهــايب تصــتلـي لابتي يااولاد علي البطل يوم الزحام=ظل راســــي درع جنبـــي اليازاد زعلــي جيتكم بالمهرة اللي تضيم ولاتضام=من مرابط خيل درع الجبل جــدي علـــي مسـرجه بعلومٍ أحَدْ من وقع السهام=الخـبر يالابتــــي موجـــزه فيما يلـــي شايبـــي يالابتــي فيه طيرالوقت حام=القدر حدّه وحبل الرشـاء خـــان الدلــي قـــدَّرالله حادثٍ فيه صــــارالاصـتدام=وراحت الانفــس بقدرة عزيزٍ معتلـــي وســجلت قيمة ديتهم ثلاث اميه تمام=خانة الميئات تبهض وانا جيبـي خلــــي وجيتكم يااهل الصخاء يامنارات الظــلام=ولاتلوموني ولو يمكم ســــقت جملــــي والحديد الصلب مايدركه غير اللحام=والبلاوي عـــند روس الــرجال تحلحلي انتم اللي درع جنبي اليا حل الزحام=فيكم افخر وارفع الراس والمخرج ملي وانتم اللي فيكم ارقا على راس السنام=وانتم اللـــي فعلكم كالنجـوم الزحلـــي وانتم اللي طير عزي بكم وصل الغمام=وانتم اللي كل صعبه معاكم تسهلـــي ياســلايل مرذي القوم فكاك الجهام=مفني العدوان يوم الزمـان الاولــــي ربعــي اللــي فيهم افخــر اليا حل الزحام=ندّرٍ عدوانهم باللقاء تصــلا صلـــي للصديق احلا من الما على كبود الحيام=وللعدو ســمٍ صقطري يذيب ويكتلــي الصــديق انتم حماته الكان المرزام=وللعدى موتٍ محقق وسوّن مرسلي وانتهـــــى نظم القصيده وفي ختم الكلام=لي عليكم حق وانتم لكم حـــقٍ علي

بسم الله الرحمن الرحيم
الشاعر \مشعل عسام التريباني الشمري
((اشهد ان عيال دهمان عز ومفخره))في24\5\1437هـ

اشهد ان عيال دهمان عز ومفخره

	اشهد ان عيال دهمان عـــز ومفخــــره=واشهد اني فيهم افخر واطــــوح بالعقال سعدعين اللي هم اسناد وحزام ظهـــره=اشـهد انه في ذراهم وصل حــــد المحال ربعي الدهمان كان الزمــن بان قشــره=فيهم ارد المي واشرب من العذب الزلال تاج راسي درعي اللي للازمات اذخره=هم ســـيوفي فيهم اكســــرصليبات الليال فيهم افخروارفع الراس ويزيد ســـطره=وفيهم ارد الجم واشــــرب ولافيها جدال كل ماذكر لابتي صاب راســي زمجــــره=كل ماذكر فعلهم طال راســـي حيل طال الحرار اللي بالامجاد والفوز شــــــهـره=ندرن من ماكـــــــرالعود صــياد الجزال الجزور مـــــن المشاكل يســـدون نحره=وحرشـــمس القيض فيهم نحولها ضلال والبلاوي مالها الا الرجال الياحضـــــره=وربعــــي الدهمان ربـــــي خلقهم للثقال والثقال بعون ربــــي تخـــــف ونقهـــره=عند ربعي نسل جدي كريمين الســبال بالكفوف اللي عن الطيب عمره ماقصره=ياعســــــــا يفداهم اللاش عباد الريال شجرةٍ بالمسك والعود الاصلـــــي مثمره=ريحها طــيب وتثمـــرزحازيح الرجال والــــبلاوي ذللــــوهــــا وعــادة قهــقــره=تنثنـــي عنهم صعاب الاموربكل حال والجــبال العاتـــيه مـــن يروزه ماقـــدره=الهبايب مـــاتزحزح ثقــيلات الجــبال نسل عودن كل ضدن يجي جاب خبره=من سلايل علي حصن الجبل وقت القتال

بسم الله الرحمن الرحيم
الشاعر\مشعل عسام التريباني الشمري
((كم واحدٍ ياشفت زوله تهولت))في3\5\1437هـ

((كم واحدٍ ياشفت زوله تهولت))في3\5\1437هـ

	كم واحـــدٍ ياشــــــفت زوله تهوّلت=تقول هذا اللي يفكـــي الجهامه واليافتشــــــته داخل الثوب حصلت=قفـــــشٍ معبــينه خبال ورخامه تلقا الخلل فـــي هـــرجـــته ياتاملت=مثل اللذي قلّد مســــير الحمامه لو شــلت حمله مادري وش تحمّلت=تقول مفـــروضٍ عليك احترامه ياللــــي بثوب الكــــبرجيت وتجللت=لاتفكّـــرانك نلت عرش الفخامه رجّحت ميزانك مــــن الكبر واكتلت=والكـــــبرميزان الردى والندامه مهـــو مجمّل منظــــــرك لو تجملت=ثوبك ردي نوعه وشـكله وخامه رفعت نفســـــــــك بالفضا ماتنازلت=ولبست من شـمغ الرخامه عمامه ان قلت انا كحــيلان وان كان ماقلت=الرجل يعرف من ســـلوكه مقامه كانك بكيف النفس ماشـــــي ولازلت=نفسك تبــــي تتبع هواه وغرامه يوم انت لاصحاب المراجل تجاهلت=وارخيت للنفس الضعيفة خطامه والله لتبطـــــي للعــلا مــاتوصــــلت=وثوبك تجــــره مع غبار القمامه ليتك علــى قدك مـــن الخام فصلت=ثوب التواضع والتقا والشــــهامه حتـــى يرحّــب فــيك يامـــنك اقبلت=وتصـــيربين الناس مرفوع هامه

بسم الله الرحمن الرحيم
الشاعر\مشعل عسام التريباني الشمري
((الرجال اللي تحمل لصكات الزمان))في 22\4\1437هـ

((الرجال اللي تحمل لصكات الزمان))

	الرجال اللـــي تحمّل لصكات الـزمــان=ترتكــــــــي للكايده والحمول تشــــيلها تستحق انه تقـــلط ويوضـــع له مكان=ويلـــــزم التاريخ يحــفـظلــها تبجــيلها كل من يصبرعلــى الكود جعله مايهان=والحمــول اللــــــي تمايل يعــدل ميلها جعل يفدونه مــــــن الناس عباد الهــوان=العفون اللي علـــى البخل يرجح كيلها الردي مـــــاله معزه ولارفعه وشـــــــان=خســـــــرت ام اللاش عـــــزيلهاعزيلها كل مــنهــــو لايداين ولايرجــــــــي يدان=غـــــــرمــــن كل المراجل ودبكة خيلها الحيات بدون عــــزه وصيت وصـولجان=لــــوتطـــول ايامها مـــاســـوت تدليلها مـــن يدين اهل الردى ماتعودنا الــرهان=كل عينن مامســحها ســــــــوى منديلها يابغــــيت الــري ورّد لعـــد الــريهـــجان=والرســــــوس احـــــذرتردها ولاتاتيلها واستعن بالواحد الفرد خير المســتعان=والصعايب عــــندرب البشـــــــرتذليلها

بسم الله الرحمن الرحيم
الشاعر\مشعل عسام التريباني الشمري
((التويتروسيلة نصح))في6\5\1437هـ

((التويتروسيلة نصح))

	التويتروســــــــيلة نصح للصالحين=ماربعض الاوادم يعكسون المســـــار اختلط صالحــين الناس بالطالحــين=والحقايق عليها الزيف سوّى ســــتار حل هزل السوالف في محل السمين=واجزل القول صار بحالة الاحتضار عالمن عافة الصالح عســــا الله يعين=صيّرو شـــــي بالهزلات وافنوعمار يلعبون القمار بســـــــــاحة الفرقدين=وفــــــي عقول المهبل يلعبون القمار ينشـــــرون الفتاوى من فؤادن مهين=ويوكلون الصـــــغيّرمن لحوم الكبار ويدّعـــون انهــم يقـــرون باللهـجتين=ويدخلون البيوت بملبسٍ مســــــتعار ويدخلـــونك متاهه وانت رجلٍ فطين=ويظهرون اللؤالؤ من صــعيد الغبار شككوفي نشـــــورالخلق عقل الرزين=واستحلو حرام الكذب وضحا النهار ياشــــــباب التهاون منهج الصاقطين=مركبِ فوق جســرٍ صابه الانهيار

بسم الله الرحمن الرحيم
الشاعر\مشعل عسام التريباني الشمري
((المملكه داري))في 25\4\1437هـ

المملكة داري

	اناســــــــــــعودي للبلاد انتمائـــــي=ماني بمن ينســــا فضايل بلاده عن زمهـــرير البرد فيها دفائــــــي=والموت دون مقدساته شــــهاده المملكه داري وهــــــي ملتجائـــــي=لبست به تاج الفخروالســـــعاده هـــي ديرتــي هي عزتي واكتفائــي=مهبط وحي ربي على خيرساده مسرى الرسول ووحي رب السمائي=نزّل كلام الله على افضل عباده مندوب رب البيت بالوحــــي جائـــي=سؤدد لرجلٍ يستحق الســـــياده للمصطفــى تاجــن ودرعـــن وقائــي=يعطى لمنهو يستحق الاشــــاده اللـــي هــزم جــيش الظلال العدائـــي=وملقّن الامه لنطق الشــــــهاده اللي علـــى كســــرى وقيصروبائــــي=اقدم على جيش الظلاله واباده عليه اصلــي كل صـــبح ومســـائـــي(=ماذعذع الغربي بنفحة براده