قيادة المرأه ... عبدالله البجيدي

صباح الخير ...
قيادة المرأه انا ليس معها وليس ضدهها ..! ولكن نحتاج لعدة سنوات وقليل من الدين والادب وإحتراام الاخرين والنظام .

ياشين من يعلم عن الواقع الشين=ويقلب شداد المعرفه في سباقه
ناسٍ تبلونا وتبلو هل الدين=عميان مدري قالبين الطباقه
مستعربه ماتعرف السلم من وين=والا عرب تعلمت لف باقه
يقلدون الغرب والله مساكين=والغرب مبطي معالجين الاعاقه
حنا بلشنا في قضية مزايين=وهم يطلبو حق المره بالسواقه
تفلسفو بإعلام يحتاج تسنين=لو يلبسون خياش قالو اناقه
ياحظكم موبايلي او بعد زين=كلن يبي يطلع رقم ....
وبالقايله كسبان راع الدكاكين=وياطول طولك يالسرى للحلاقه
هو يحسب إنه عايشن وسط برلين=للعلم وقته والمشي للرشاقه
جالس يسولف لي عن الدور عشرين=والساس عنده بالحديد الدقاقه
أبوك!! شارعنا شكى والف تامين=من الحوادث والغشم والطقاقه
العسكري واقف على شمال ويمين=ولاحدٍ تقّيد بالنظم والافاقه
ياراعي الفكر العوج فتح العين=المجتمع مليان جهل وطفاقه
يبيلنا ايام وشهور وسنين=ندرس مفاهيم الادب واللباقه
إن كان عطلاتك بلندن وبكين=شف التعامل عندهم والرفاقه
صف الحجر مره ومره وثنتين=من شان قدّرك ماتشوف إحتراقه
لا تنثر الميا على حفنت الطيين=وع البشر للدين لو فيك طاقه
أرجع اقول ايام وشهور وسنين=نفقد تلفت بالإشاره وحماقه

أ خ و ك م : عبدالله الفهاد البجيدي ,,

شاعرنا الكبير عبدالله فهاد البجيدي

أبو فهاد

شامخ وكبير فكر ونظر من العيار الثقيل
لله درك استاذي ابدعت بهذه الرسالة القوية لمنهم يطبلون بنا للعلمانيه ويحاولن اغراء نسائنا وهذا الشي بعيد عليهم
صح السانك حتى ترضى يالنشمي

تقديري لسمو شخصك الكريم ؛؛؛

عبدالله فهاد البجيدي

صح لسانك وطاب فالك رساله واضحة المضمون
الشعر رساله وهذه من اجمل رسائله صوتك عالي
لكن اعتقد ان مثل هذه الاصوات لايسمعها المعني
بالرساله ونحنو نسمعها ونرفع اصواتنا مع صوتك

تقبل تحياتي

الشاعر / عبدالله فهاد البجيدي
صح لسانك ملايين وبيض الله وجهك إبداع جميل جداً لاهنت.
تقبل أطيب التحايا،،،

الشاعر القدير عبد الله البجيدي
أحيي فيك روح ألأسلام والرجوله الطاهره
لله درك من شاعر
كثر الله من أمثال
الغالي مدام موجود مثلك ومثالكك صنايد الرجال فليخرس الخاسئون بعيده عليهم
بأذن الواحد ألأحد
أن الله متم نوره والو كرهو الكأفرين
الف الف الف مليون شكر لك علي رسالتك البطوليه يالشبل
سمو تقديري لشخصك الكريم:bar :
حفظك الله بحفظه

الشاعر
عبدالله البجيدي
صح السانك ولاهنت
رحم الله والديك

الغالي
ابو غازي
صح بدنك يالعزوه ..
ولاهنت على مرورك المشرف .

مووودتي ,,,

الغالي
نهير نمش
صح بدنك يالعزوه
ولاهنت على هذا المرور المشرف .

موودتي ,,

الشاعر الجزل عبدالله البجيدي

رأيت نفسي أنجذب لا شعورياً لرقي قيم القصيدة

ولفصاحة مفردتك وجزالة نظمك

فوجب علي المرور والإشادة

صح السانك واعتلا شانك ودام نظمك وفكرك النيّر

تقديري لسمو شخصك الكريم ولجميل نزفك

أخوك أبو راكان

الشاعر الجزل / عبدالله فهاد البجيدي

لقد أبدعت وأمتعت :bar :

تقبل فائق التحية والتقدير:ffff :