لبيه ياحايل

ياطير صدري ضايق اليـوم بالحيـل..والصبر مـن روحـي خذالـه جـلاده
احمـل معـاك ابياتـي بنكهـة الهـيـل..ومـن فـوق حايـل انثـره وأبـركـاده

الله الله استرسال جميل

والله يا حايل هاليومين زحمه زحمه عشان الرالي يبدا بعد بكرا ..الله يجيب المطر والدفى نبي نستانس ونخيم

الله يجيبك لحايل سالمه غانمه اللهم امين..
صح لسانك مليوووون..

تحياتي وتقديري..

الشاعرة قمرا سماه


صح لسانكِ وعلا شانك


ابداع بلا حدود

حايـل ولابــي غـيـر حـبـه تفاصـيـل == ألبـسـهَ مــن نـظـم شـعـري قـــلاده

قمرا سماه/ مشاعر جميله،، وحايل تستاهل،، دمتي بخير.

قمرا سماه 000

وشعّ اشعاع (القمرا) على ألأكام 00وألأوديه 00والتلال 00وألجبال 00

ليضىء ألمشاعر 00وألتّذوق 00وألتشوق 00بألأحاسيس ألعذبه 00

ممن تترنّم بالقصيد 00 وتهفوا لتقصد 00 فيآفى(أجا 0و0سلمى)00

أحسنتى يا(قمرا) 00و00صج لسانك 00ومشآعرك ألعذبه 00تحياتى 000

اختي العزيزه والفاضله قمراء سماه

صح للسانك يالعزوه على ما امتعتينا به من جزل المعاني الثمينه الف الف شكرلك بيض الله وجهك

وكل تقديري واحترامي لشخصك الكريم

ياطير صدري ضايق الـيوم بالحيل .. والصبر من روحي خذاله جـلاده

احمل معاك ابـياتي بنكهــة الهــيل .. ومن فـوق حايل انــثره وأبركاده

اشـتقت له شــوق المحبــين للــيل .. وشوق الاســير ليا تذكر مــراده

حبه بقلــبي صـدق ماهـــو تمــاثيل .. طـبع بروحـــي حبهــــا وبــأراده

ديرة هلي شمر هل السيف والخيل .. عـــدوهم ذاق القهـــر وبنـــكاده

يوم اللقأ تشــهد رقـــاب الرجاجيل .. بسيوفهم تخضع لهــم كل ســاده

يارب جعـــل اعمـــارهم بالتساهيل .. وتجزاهم الجـنة بيوم الشــهاده

لبيه ياحــايل عسى روضــك يسـيل .. ويعمك الكــوثر بخــير وســعاده

حـــايل ولابي غــير حــبه تفاصــيل .. ألبسهَ من نظــم شـــعري قـلاده


قمـــرا ســـماه

	قمـرا ســماه أهـلاً عــدد كل ماقـــيل .. في حـب(ن) لـ حـايل دوم بزيـــاده حيـثك بإحســاسـك أبدعـــتي القـــيل .. بالديـره اللـي ماتــبي له إشــــأده يصــح منطــوقك جمـــله و تفاصـيل .. اللي على صـدر العروسـه قــلاده ديــرة شـــغاميم بعــيدين عن المــيل ..لا أقــبلت يمــه تحـتويك السـعاده تارخهــم يشــد على طـيب الأفاعــيل ..الجـود والفـزعه بهـم خـير عـاده

تستاهل عروس الشمال هذي القصيدة العذيه

شاعرتنا الرااقيه / قمرا سمااه

سلمتي وسلم بوحك الراقي

دمتي بخير وعافيه

شكرالكي اختي قمر سماه
على الوفا لبلد الاجداد والامجاد
قصيده رائعه من شاعره اروع
وحائل تستاهل واهلها يستاهلون