القلب في حايل لو الجسم غايب

يابو حمود من يطــلـب الرب ماخاب = يـذري ليا هــبـت هـــبـوب اللـهـايـب
من يطلبه يــفـتــح لها رزق وابـواب = بـيـبـان رزقـه مــاتـضـبـه ضــبـايــب
مابين كاف ونون يسـبب لهـا اسباب = وليــا امــر تسـهـل عــليــه السـبايـب
محصي عناصر ذرة الكــون بحساب = بـيـن الـتـنــاسب والنـسب له نسايب
وتكوين طفلن بالحشى يثير الاعجاب = والصوص بسط البيض ماهو بسايب
ويغـذي الـدود العمـى هـو ويا الـداب = ومـن الـخـشـب يـظـهر حلو الرطايب
وليا امــر الـكـون فــي امــرهــا ذاب = ومـادب فــوق كــوكـب الارض ذايـب
نــرجـيـه مانــرجـي ردييـن الانـسـاب = وما قـدر المـولى على العـبد صـايـب
ونصبر على بعد الوطن هو والاحباب = لـجــل الـمعـزه نـبـتـعـد عـن الـحبايب
معهم ولو نسكن ورا راس مشـعـاب = القـلـب فـي حايـل لو الـجسـم غـايــب
نـغـلي هضـابـه مـع جـباله والاشعاب = ونـــفــودهـا يا ذعذعــت بالهـبـايــب
مالــوم انــا راسٍ علـى حبهــا شـاب = لا شــك كـسـب الـرزق فيـها صعايب

عويد السلماني


صح لسانك


معنى وجزاله

لاغرابه على مثل عويد جزل في لفضه وجزل في اختياره..


تحياتي لك

شاعرنا القدير عويد السلماني
صح لسانك مدد بلا عدد
خالص التحايا لسمو شخصك النبيل

أخوي / عويد صح لسانك وطاب فالك جزله وأنت جزل وحائل تستاهل اللي يحبه ويتغنى به 0 حفظك الله ,,,

الشاعر عويد السلماني
صح لسانك معنى وجزاله تسلم يابعدي
تحياتي لك

عويد السلماني
صح لسانك قصيده جيده لافظ فوك
ابدعت وامتعت ولاغرابه منك الابداع

اقتباس المشاركة الأصلية كتبت بواسطة عويد السلماني مالــوم انــا راسٍ علـى حبهــا شـاب = لا شــك كـسـب الـرزق فيـها صعايب

كلام بالحيل مثمن
سلم هالمنطوق يابعدي
رعاك الله

عويد السلماني

أحسنت -جزله من راس جزل - وفقك الله -

اقتباس المشاركة الأصلية كتبت بواسطة شاطي مجول الخليل عويد السلماني صح لسانك معنى وجزاله لاغرابه على مثل عويد جزل في لفضه وجزل في اختياره.. تحياتي لك

هلا الف مرورك الراقي

وتعليغك مميز الله يحفظيك

شهادة عتزبه من شاعر الضياغم

صح بدنك يابعد راسي

اربع وعشرين عام(ن) من سنين الشبااب --- قضيتها بين سلوى والحساء والقطيف
اغلى وطن دار حاتم طي واغلى ترااب --- مازورها كود من صيفاً ياحيي للصيف

ابو عبدالله

صح بوحك الراااقي

لك كل الشكر