قصيده موجهه لهل القروب الخاص بنا

قصيده موجهه لهل القروب الخاص بنا

ياهل قروب اولاد روق الميامين=واصحابكم واربوعكم واخوياكم
ياللابه اللي تلطمون المعادين=ياسعد عين المنتخي لانخاكم
صلفين عجلينٍ زحولٍ شجيعين=على مماشيكم طوالٍ خطاكم
في كل قانون الرياجيل ذربين=وعلى معاديكم صعيبٍ لقاكم
فيكم ثلاثن فارهه يالمسمين=كرم وفزعه للوفي لانصاكم
والثالثه في كل الافعال جزلين=جزلين بالمده وحلون نباكم
مني تحيه عد وبل الودادين=تحيةٍ من عيد في منتداكم

عيد بجاد بن شده

؟؟؟؟؟؟؟مجاراه عبدالله الذيابي ؟؟؟؟؟؟؟؟؟؟

يامرحبا بك ياحفيد السلاطين=الله يسعد يابن شده مسأكم
انته عزيز ومن رجالٍ عزيزين=والطيب والمعروف دايم مناكم
ياطيبكم يامحقين المخلين=على عداكم كم دارت رحاكم
الكم على سلم الرجوله قوانين=وفعولكم ياعيد تطلق لحاكم
حبيت اجاري ملحمتكم ببيتين=لو كان ماتاصل الي مستواكم
وقبل تحياتي تراكم كريمين=وإلي الشرف لن كان حازت رضاكم

عبدالله الذيابي

وانت بخير وعافيه ومن العايدين الفايزين
وصح بدنك يامحمد الشميلي

شاعرنا القدير عيد بجاد بن شده
ابو فهد
عيدك مبارك
صح السانك ولسان الشاعر عبدالله الذيابي الف
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

ابو غازي لاهنت وكل عام وانت بخير
وصح بدنك

عمي ابن شده صح السنكم الجميع

الاخوه النشاما لاهنتوا جميعٍ وصحت ابدانكم