ياكبر صبر القلب

مصافحة اولى متواضعة بين روائعكم
اتمنى ان تصل الى جزء من ذائقتكم

ياكبر صبر القلب مع جور الايام = صارت له الايام ذكرى اليمه
وعزاه ياكف تعب مسك الاقلام = يكتب ولكن شاف كتبه جريمه
حاولت امضيها بضحكات الاوهام =لاشك نفسي بالشدايد عظيمه
آهات حزن القلب في وقت الاجرام = عجزت اقول انه علومٍ عقيمه
حاولت اقول انه خيالات وافلام =والنور يظهر مع ظلام العتيمه
لوحه وزينها بالألوان رسام =كنه هنوفٍ بالمحافل وسيمه
خده رقيق ولايتحمل للأوشام = ويسقط على المكياج دمعٍ يضيمه
دارت بي الدنيا وانا مالي اخصام =ولاشقيت نفسي بالخصيم وخصيمه
كف العطا يحرم تحيات الاكرام = وتنهان نفسٍ له بالأوضاع قيمه
يالوقت قلي وين تحقيق الاحلام = هي بالخيال او بالفعول الوخيمه
ماخبر من يرضى على الذل مقدام = والعيب ماهو بالنفوس الكريمه
ذمه ولابيعه على كل من سام = لو قالوا الاخلاق موضه قديمه
مر الشهر واسبوع واليوم والعام = وين القلوب الصادقات الرحيمه
اصبر واقول ان الوعد مثل الإلزام = مدام بي للصبر قو وعزيمه
وعزاي تال الوقت مترٍ من الخام = ولادام بالدنيا الجحيم ونعيمه
بس الوكاد الجور ذقته بالايام = صارت لي الايام ذكرى اليمه

الشاعر القدير / عبدالرحمن الغيثي
صح لسانك وبيض الله وجهك وأسعدك دنيا وآخرة
قمة الإبداع لاهنت قصيدة راقية بقمة الجمال والتألق
تقبل فائق التحية والتقدير لشخصك الكريم،،،

اسعدنا اضمامك لنا بعد حيي

عبدالرحمن الغيثي
صح السانك الف

تقبل مروري

شاعرنا القدير الفاضل عبدالرحمن الغيثي

أهلاًبك بين زملائك الشعراء وزميلاتك الشاعرات ببيتك الثاني شبكة نشامى شمر
اخوانك وأخواتك ينتظرون كل جديد لك بارك الله فيك
صح السانك مدد بلا عدد على هالأبيات الرائعة

تقديري لسمو شخصك الكريم ؛؛؛

الشاعر الكبير عبدالرحمن الغيثي

مصافحه من الوزن الثقيل من شاعر له وزنه الثقيل قدراً وشعراً
حي هالحضور المشرف الراقي المحمل بالشعر والأبداع والتميّز
نص راقي وشامخ ملئ بالشعر الفاخر ومرصع بجواهر الجزاله

دمت كما تحب واهلا بك وبشعرك

لاهنت على هالحضور الشامخ
استاذي الشاعر عبدالرحمن الغيثي
صح السانك الف

تقبل مروري

صح لسانك وسلم بنانك

شكري وتقديري

صح لسانك وسلم بنانك شاعرناعبدالرحمن الغيثي


شكري وتقديري لحضرتك

بس الوكاد الجـور ذقتـه بالايـام
صارت لي الايام ذكـرى اليمـه

ابيات واصله بسهوله

صح لسانك ملاااايين عبد الرحمن

اخو سلمى

بيض الله وجهك على الابيات الراقيه
صح السانك يالنشمي

احترامي لجنابك