قصيده والغاز

بسم الله الرحمـــــن الرحيـــــــم

((قصيدة الغاز))

للشاعر / مشعل عسام الشمري

موجهه للاخ نواف حسن الشمري

راكب اللــي ينهب البيدا نهـــــب=اقطمٍ تـــــــو الوكالــــــــه وردوه
كن في زيكه تلاويــــــــن الذهب=او مـــــن الالماس زيكه زخرفوه
فيه خطٍ في جنوبــــــه منسهــــب=مثل سلـب الداب بالجنب الصقوه
صمموه اللي لهم ربــــي وهــــب=حكمـــة الصنعه ولوهم قد عصوه
يقذف العادم مثل لـــــون اللهـــب=مــــــن قزوزه يوم بالخط اطلقوه
وصل المكتوب بسلـــــوب وادب=يـــــــــم نواف المسمّى وصّلـــوه
ياصليب الراي لاجــــــاك السبب=ويش رجلٍ والخلايق قدســـــــوه
شتت العالــــم عريبيــن النســــب=لين صار الاخ ما ينضــــر لخوه
منه الانفس صار يغشاها النصب=هو سبب تدميرهــم يـــــوم اثروه
وويش عذرا بالبحر سوّت عجـب=فعلها كـــــل الاوادم شاهــــدوه
وويش رجالٍ محمل بالغضــــــب=من كبر غيضه كلا جنبين ابوه
واسالك عن شايبٍ راعي طــرب=والرجـــــال الطيبين يقـــــدروه
إيتغنى كل محـــدٍ لــــــه قـــــرب=مار كل النــاس بالطيـب ذكروه
شايبٍ صوته يبشـــــر بالشبــــب=يكرم العانين يمّـــــــه يالفـــــوه

الشاعر القدير / مشعل التريباني
صح لسانك قصيدة جميلة جداً لاهنت دائماً مبدع
حفظك الله ورعاك. وألف نعم بك وبالأخ / نواف حسن الشمري
فائق تحياتي وتقديري لشخصك الكريم،،،

صح السانك شاعرنا مشعل ابن عسام

والف نعم بك وبالاخ نواف الحسن


تقديري لحضرتك ياعم

الــشــاعــر الــقــديــر مـشـعـل الـتـريـبـانــي

صــح الـلـه لــســانــك

تــقــبــل مــروووري

دمــت بـــووووود

جميع الاخوان الافاضل شكرالكم على المرور والاطرى الرائع الله لايهينكم جميعا ايها الاعزاء

شاعرنا الكبير والقدير مشعل عسام التريباني

أبو عبدالرحمن

صح السانك مدد بلا عدد

تقديري لسمو شخصك الكريم ؛؛؛

الشاعر القدير / مشعل التريباني
صح لسانك قصيدة جزله وتسلم على القصيده والالغاز
الله يطول عمرك على الطاعة.
وألف نعم بك وبالأخ / نواف حسن الشمري
تقبل مروري ولك تقديري وحترامي

جميع الاخوان الكرام شكرالكم جميعا على المرور والاطرى الغير مستغربلا منكم الله لايهينكم

ابو عبدالرحمن

صح لسانك شاعر جزل وحكيم وصاحب تجارب
كفو بك وبمن اسندت عليه نواف حسن الشمري
اللغاز جداً رائعه وهادفه ومعانيك كلها دايم شامخه


لك تقديري

الاخ نهير نمش شكرالك على المرورالمشرف الله لايهينك