انت الفهد واسمك تعلق بالاذهان

انت الفهد واسمك تعلق بالاذهان
............................................
أخواني وأخواتي اصدقائي الاعزاء والاكرام يسعدني ان انقل لكم هذه القصيده المتواضعه وحديثة العهد حيث تشرفت بالقاءها امام هرماً من اهرامات الادب العربي والبلاغه وسبك المعاني وهـو الدكتور الشيخ فهــد المعطاني الهُــذلي احد مشائخ قبائل هّذيل وتعتبر هذيل من القبايل المشهوره والمعروفه في جـزيــرة العــرب والوطن العربي كافه . حيث تلقيت دعوه من الاخ والصديق والخال الغالي عبد الهادي بن حسن الفضي المسيلم المساعيد .....

يا مـرحبـا يا مســــــــهــلا يــابـو راكــــان = اهـلاً هــــلا بـــك يــا كـريـم الســـــبالي
واعــداد ما هــز الهـــوى روس الاغصان = ومـا غــرد القمـري بـــروس العـــوالي
مرحـب تــراــحيـب المطـــر يـا كحيــــــلان = والـفً هــــلابك في مضـــارب خـــوالي
عنـــد ابـــو محمـــد مفني الـكـوم والضـان = حســن فضــي صـــقر الرجـال المثـالي
ركــنً مـن اركان المســــاعيـد لاهــــــــان = يقـــدم عـلــى كُـــل طــايلـه مــا يبـــالـي
من لابــةً في حـــزّة الضيــــق شـــــجعان = ويـامـا احـتـمــــوا ذيـدانـهــــم بالمفــالي
عــز الرفيــــق وللمعـــــــــاديــن عــدوان = ســـــقم الحــــريب وللمســالم اظــلالـي
واشــــير لابــن ســــرور والحـق ميــزان = عبــدالله الهـــايـــــل بعيــــــد المـــدالي
شــيخً عــــزيـز ومن نظانيـظ شــــــيخـان = جــدّه وابـــوه شــــــيوخ اول وتـــالــي
ايضــا ولانــــي نـاسـي الشــــــيخ راكان = ابـو بشــير الـــلي اعلــومــه اجـــزالي
اكـــن لــه تقــــديـر مـن قلـب ولســـــان = ويالله عسى ايــام عمــــــــره اطـــوالي
وافخــر انــا بالحـي واللـي بعــد كـــان = وان طبـت انـا من طيبــــكم يا خــــوالي
جـينـاك حـنا مـــن مـشاريـق عمّــــــــان = شـــوق ومحبـه وانـت ياشـــيـخ غـالـي
نشــتاق لك شـــوق البـــوادي للامــزان = بـوبـلً من المنشـــا صـدوق الخَيـــالــي
حــييـت يـــانبــع الوفــا ذرب الايـمــــان = يابـن النشـــامــا والقــــروم الـرجـــالي
ربعـــك هّـــذيل اللابـه اللي لهـا شــــان = عــوق الخصيــم ومفـخـــــره للمــوالـي
قـومً لهـــم في صفحـة المجـد عنــــوان = شــرق وجنــوب وغـربهـا والشـــــمالي
لك ســـيرةً غطــت كــثيـر من الاوطـان = مثــــل النـجــوم الســاطعـــه والهــلالـي
موســـوعةً كـبــرى وتبـقــا بـالازمــان = هـــذا الـوكــاد ولا نقــول احتــمـــــــالـي
مــع الادب دكتــور والشــــعر بالــوان = وفـن البــلاغــه حــاضـــرً بـاكـــــتمــالي
ميــزه وصعـــبً تـوجـد بكــل انســـان = خصــك بهـــا الرحــمـــن رب الجــــلالي
بـاعً طـويـل بكـــل محفــــــل وميــدان = حـاضـر ومـاضـي والشــــهـود الليـــالـي
ســيفً مجـرب والمواقيــــف بـــرهان = وطيــب المبــادي دقـــهـــــــا والجـــلالـي
واليـوم انـا بحضــوركم يابـــو راكـان = قــدّام قـمــة شــــــــــــامخــــات الجبـــالي
شـــامخ كما ياســوم ياشيـــخ وآبــان = وشـــــــتان مـــابيــن الجبـــل والتـــلالـي
انت الفهــد واســمك تعــلق بالاذهـان = والحــق نـــوره مــا يـغيــب اســـتحالـي
وانت الامير اللي بـه القـاف يـــزدان = ويـرفــع لك الهـامــــات قـــدر وجـــلالـي
وعسى تليـق بحضرتك تلك الاوزان = وتنصفـــك يــوم الهــرج جـالـــه مجــالـي
وابـي اعتـذر عـن كل زودً ونقصـان = عــن كــل زلّـــه حــاصـــله واختــــــلالـي
اجــود انـا مــن جـــود ذاتـي بقيـفان = وللّــــــه دايــــم .. يســتـقـــــر الكمــالـي
وتمــت وصلـى الله على خير انسان = الهــــادي اللـــــــي زال عنـــا الظــــلالـي

محمد بن سوعان الربيّع
الاربعاء 22/10/2014م

صح الله لسانك ملايين يامحمد بن سوعان والنعم بالمادح والممدوح طبتم وطاب مسعاكم /
تحياتي للجميع :

شاعرنا القدير محمد بن سوعان الربيّع

ابو فهد
من حصل شي يستاهله والف نعم بالمادح والممدوحين
صح السانك مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

الشاعر محمد بن سوعان الربيّع

صح لسانك واعتلا شانك ولاهان راسك

والف نعم بمن اثنيت عليهم

الف نعم بالمادح والممدوحين


ابن سوعان

صح لسانك ملايين ولايكفون

لاهنت

نايف الشويب
هلا وغلا نوررت بمرورك الطيب ياطيب
لاهنت وما عليك زود .

استاذنا ومديرنا ابو غازي
ياهلا والله بهالطله نورت لاخلا ولاعدم
تقبل شكري وتقديري ومودتي

سطم فهد الخليل

هلا والله وكل الغلا اخوي الغالي
يسعدني مرورك وتواجدك الطيب والرائع
لاهنت اخوي الكريم وما عليك زود

غالب الشلاقي
هلا وكل الغلا والنعم والله بشاربك
وما عليك زود يالغالي اشكرك على مرورك الرائع
وانت رائع لاخلا ولا عدم
تقبل خالص مودتي .

محمد الشميلي ابو طارق

هلا والله بالصديق والاخ الغالي
لاهنت نورت بمرورك الجميل والرائع
اشكرك على المتابعه والاطراء
تقبل خالص التقدير وصادق الموده
لاهنت .