ديوان الشاعر / فيصل الجبرين

	ثمانين نارا

السلام عليكم ورحمة الله وبركاته


مساكم الله بالخير جميعا

حين نفجع بعزيز ويأتينا الخبر برحيله فأننا نرفع اكفنا الى الله سبحانه داعين

القدير العزيز الجبار له الغفران والرحمه ولو ان القصائد لا ترد احد ولو قصرت القصايد في وصف المصاب

فقبل ايام فجعت بوفاة الخال والاخ والصاحب والقدوه سالم مذود الشريهي

عليه رحمة الله تعالى وعلى موتى المسلمين فكتبت هذه الابيات المتواضعه

لان المرحوم اكبر من كل القصائد

	ان سولفوا عن عبرة(ن) تخنق انظــار=او دمعة(ن) هلت على اوجــــان يــارا او سألت عريب عن هــول مـا صــــــار =او سولفــــوا عـن صرخة(ن) للعــذارى او اظلمت دنيـــاك في كــل الاقطــــار=او جو حــــايل ثــــار فيه الغبــــــــــارا ترى الخبر وان جــاك ماهو خبر ســـار=يشيـــــب من حزنه فطيـــن الصغـارى عـــم الحــزن كل الفضاء والفضــاء دار=والقلب في وسطه ثمــــانين نــــــارا يالله يالرحـــمن يالنـــــافع الضـــــــار=يــــاكاشف(ن) ستر المساء بالنهــارا يامنجي ابراهيم من لاهـــب الـنــــار=يامجنب عيسى كيــــد بعض النصارى تـغـفـر لشيخ(ن) راضي بحكم الاقـدار=وانـــا بــعد راضـــــــي ولالي خيــــارا برحمـــتك ياعالم(ن) ســـر وجــهـــــار=تجيــــب دعــوة من دعــــــاك افتقارا يذرف دموعـــه يرتجي عفو غفــــــار=فـــــاقد عزيز(ن) بالغــــلا مايجــــارى راح الكريم الي على الحمل صبــــار=الشـــامخ الطيب سليــــل الحــرارا الــوافي الي ماعلى حاجبه عـــــار=عون الحسيــــر الي تجرع مـــــرارا يوم انتخت الي على اطراف سنجـار=ما غـــــــاب عنها ليلتين وتــــــوارى ركب ولا حسب مسافــات واخطــار=رده وجــــــــاب عيالها للـــــديــــارا كم فرج هموم(ن) وكم صـان مقدار=وبوقفته ريح عقـــــول(ن) حيــــارى سيف الضعيف وريف من جاه محتار=قلـــــيل مثله نــــــادر(ن) ما يجـارى وصـــلاة ربي عــــد مـاطــايرن طــار=على شفيــــــع الخلـق ليل ونــهارا

..

	طعس وقراوي

	السلام عليكم ورحمة الله وبركاته هذي قصيده له مناسبه حبيت اشارك به اليوم وان شاء الله ترقى لذائقتكم حــار القلم بحــروف شعــرن عصنــه وخــط قــافــه والعــذاب متســاوي يــدرج على بيــض الــورق دم سنــه من جــور وقــته مالــقى لــه مــداوي يــوم الجــروح الي برن مــا اعتــقنــه تــطفــر كــذا كبــده ويحيى خــلاوي سنــين العــذاب بظلــمهن يــرجمنه يــرمــن عليــه همــومــهن والبــلاوي مــتحاشمــاتن هــاجمــاتن يــبنــه يعــشق عيــون مجــدعات الغطــاوي الــي يبــن فــي حســنهن يفــتننــه لا مــادرن انــه من سنــيــن هــاوي قــطن كــلام وقــصدهــن يــجرحنــه خــواف ومعــقــد وطعــس وقــراوي والمشكــله حــرب الهــوى يعلــننه على الضعـيف الي على الـدرب غــاوي عــايش بنــار ويــرتجي ريــح جنــه ويرجي وصــال مبــاعدين الخطــاوي يبكــي عيــونن قــصــدهن يــذبحنه انا اشهــد ان راســه من العقل خــاوي وانا هــواي الــزين والعشــق سنــه من خلقت الدنيــا ترى البعد كــاوي لكن ليــامن صــار بالــوصــل منــه حــرام مــايهتــز جــفــن الهــواوي ولا صــــار بعــدي غايــتــن يطلبــنه مــا اخــيب الي هــاقــين بي هقـاوي وهــذا كــــلام الحــق لــو يجــهلنــه مـاني عقب خلي من النــاس هــاوي وسلامتكم

	سوالف ليل

مساكم ... صبحكم الله بالخير


قديمه بس اتمنى ان ترقى لذائقتكم وهي اطول من هالابيات

	يقدح زناد وتنكفي دلال وتطيح ويجف نبع من القراح الزلالي ماهي سوالف ليل تذهب مع الريح ولاهو على الدنيا غرور وتعـــــــالي تشوف عيني في صفا الود تجريح من لبس عباة الــــــود ماصار غالي من غير ذكر اسماء وفضح وتصريح نوصل المقصـــــود لاهل المعالي كلن على ليـــــلاه غنى مجاريح واكتم بصدري والزمن مايبــــالي كم واحد يشكي ولا يقدر يصيح والــــي وماله غير كرسيه والــي وبعضهم يصلي العشاء والتراويح وقبل السحر تشيب منه الليالي ماتفتح الاقفال بدون المفــاتيح والي بدى بالشي يلقـــــاه تالي حتى الفياض الي قبل نبته الشيح ماشيف نبته بالسنين التـــــــوالي

وسلامتكم

	يــا نـجد

اتمنى ان ترقى لذائقتكم

	يـــاصاحبي لا تنشد جروحي جــــداد والــــدم ينــزف والمـــــدامع فقيـــره متحيزمن بالصـــبر والحكي مافـــــاد شف ماحصل؟؟و هذي العلوم الاخيره راحل ولي مع طلعت سهيل مـــيعاد راحــــــــل ادور لي بـــــلادن وديره ( ويانجد ) ابي ارحل ولياجاك نشـاد قولي رحل عني !! وخاوا مصيره !! ماعاد لي ( يانجد ) ببــلادي بــــــلاد لــو كـــان مالك وسط قلبي خشيـــره هذا الزمن( يـــانجد ) كم جمع اضداد وفـــرق عشيرن مــــا يفـارق عشيره هذا الزمن ( يانجد ) ماصــان ميــعاد تدبر جروووح وجروووح تقبل مغيره مــاجيت للدنيــــــــا ولا رحــــت رواد على شــان اظهر بالامـــور الصغيره تغرس بيديك الطيب .. تجنيه احقاد !! وبهالزمن !! من هو يحكم ضميره ؟؟ مصالح .. وكذب .. ونفاق .. ونقـاد ونـــاس تخــــون وهمها جرح غيره الوقت قــــاسي طبع ظــالم وجــــلاد وان جيت اسولف ... السوالف كثيره مــــاكني الا ذابحن سيد الاسيـــــــاد او مطلعن ســيف الجـــفا من جفيره عــــــايش بقاعن كلها مــوت وحداد بمعركة حـــدب السيـــوف الشطــيره قتيلها ينــــدم على يــــــوم ميـــــلاد ووليدهـــــــا يشكي ضياعــن وحيره دارت راحها تبيد ) من للعرب بــاد ( وشبت بوسط ضلــوع صدري سعيره تشب في قلبي كمـــا شب الاعـــــواد ينفخ لهبها صـــــــاحبي من هجيــره على زمانن راح ومن راح ما عـــاد وان عاد مالي به وعسى الامر خيره بارود عمري تحتري لمست زنـــــاد ووسادتي .. خشابهـــــا والـــــذخيره ماعـــاد لي بديـــار الاحباب مقعــــاد ولا عـــــاد لي بديار الاحبـــــاب ديره

..

	تحيه لارض المعركه

.......




السلام عليكم ورحمة الله وبركاته





صور تختصر الكـــــلام









تحيه لمن يستحقها

لاخوه واصحاب كانوا بيننا يوما

ورحلوا بلا رجعه

لا نحتاج الى ذكرهم اعلام يهتم ببداية الاحداث ليصبح الوضع من اخبار عاجله تتقاذفها المحطات ويجند لها المخضرمين

من صناع التقارير الاعلاميه الى ان تصبح اخبار عاديه وعاديه جدا لا تذكر الا في نهاية النشره كحشو

لاتمام فترة البث قبل ان ينتقل الصوت والصوره لاستديوهات المتخصصين في اشهر الاسواق الماليه و نجوم

الملاعب والفن والازياء

تحيه لمن تفخر بهم التحيه ويعلو بهم شأنها

تحيه لمن ترك الاهل والمال وانتقل الى ذمة الله

تحيه لحماة الارض والعرض من المعتدين على مر العصور

تحيه لمن لاتذكر اسمائهم حتى بعد ذكر قادتهم ابدا

تحيه لمن قدموا الدماء وسطروا التاريخ بالكرامه

تحيه لمن رحلوا الى الحياة الابديه


هنا نقف بأجلال واحترام لمن عبروا بوابات الزمن الى الخلود لنقول لهم انتم باقون وان رحلوا

وتقبلكم الله وتقبل منكم تضحياتكم وجعلكم مع الشهداء

	بديت باسم الله رب البريه=الي يعيد الخلق محيي العظامي نسبح بحمده بصبح وعشيه=سامع دبيب النمل وسط الظلامي وثم بعد ذكر الله سقت التحيه=لاناس بهم نفخر ويفخر سلامي رمز الشيم اهل القيم والحميه=ماهو عشان القابهم والاسامي عنوانهم عيشة حياتن هنيه=وقسمهم بالدين راس السنامي لا مارضوا عيش الحياه الدنيه=ولا سووا سوات الرخم والنعامي ماهابوا رمي المعتدي والشطيه=ورمي الرصاص الي يفك الزحامي وعصابتن تدعم بأيدي خفيه=جيش منظم بس ماهو نظامي !! زمره غبيه ايه زمره غبيه=يالي تدوس ترابنا وين رامي اهدافهم فتنه وحرب بغيه=على البلاد الي له الله حامي بظل من يحكم بعدل الرعيه=فكاك كرب مروين كل ظامي وبوقفة رجالن عزومه قويه=تحيزموا وصاروا دروعن وحامي الي يردون الجيوش العتيه=بحر على موج المعادين طامي صفن من الجندي لركن السريه=احرار ماهابت جموع الحمامي ويالمرتكي وقف ودق التحيه=السيف طبعه لاجرح صار دامي كم واحد يشكي ثلاثين حيه=ماترحمه حتى بليل الصيامي من عيد الفطر لبعد عيد الضحيه=وعيون غرقى عايفات المنامي تشكي غياب وتحتري طيف جيه=وتحترق بالصبر والكل كـــامي ناس تسوق ارواحهم للمنيه=وناس تقاسم بالحرام الحرامي وصلاة ربي كل صبح وعشيه=على شفيع الخلق حق السلامي عداد ماسال المطر بالشغيه=وعداد خلق الله ليوم القيامي

وهنا نقول مهما قلنا فنحن مقصرون ونعتذر عن انشغالنا لكن معكم اله لا يذلمن والاه ولا يعز من عاداه

فهو خيرا حافظا ونصيرا

لنقف مره اخرى نرفع اكفنا


اللهم اعز الاسلام والمسلمين واذل الشرك والمشركين ودمر اعداء الدين وابطل كيد الكائدين

اللهم انصر اخواننا نصرا مؤزرا اللهم وحد صفهم واجمع شملهم ووحد كلمتهم واحفظهم اللهم كن لهم عونا ومعينا

اللهم سدد رميهم واخذل عدوهم وردهم سالمين غانمين الى اهلهم يارحمن يارحيم اللهم هون عليهم واحرسهم

وتقبل شهدائهم مع الابرار وشافي مصابهم وثبت قلوبهم وانصرهم على عدوهم وعدوك يارب العالمين وصلى الله

وسلم على اشرف الانبياء والمرسلين وعلى آل بيته الطاهرين وصحابته الميامين الى يوم يبعثون









بقلمي


..

.

..


هالقصيده نزلت بمجلة تغاريد

احببت انه تكون هنا وان شاء الله تلقى

الرضى وترقى لذائقتكم

	الزين ينعاف !!

	العــين نجــــلا !! والمــلامح خجــــولـــه=تخفي ورى بيبـــانه اهــداف واهــداف تطـــمع بشي ايــديــتــه مــــايـــــنوله=وتـمــد رجلـــينه ولا يمــــلك لحـــــــاف كــــلن ولـه مبــدى ولـــه حـــق قــوله=وكلن لــه من الناس صـاحب وميـــلاف والـــراكب الي فـــوق مـــنكب ذلـوله=يطـــوي عليهــا البيــد مايشكي خلاف ومن يحــسب الدنيـــا تجي بالسهوله=عـــزالله انــه مـــاورد نبـــع الانصـــاف وانـــا ؟؟ اثمــن كـــل قــولن اقــــــوله=وابني بيوتي فوق في راس مشراف عشت الزمن هــــــذا بعـرضه وطـــوله=ولا مشكيت الضيم وسنيني عجــاف ولا مـــامشيت الدرب رجلي عجــوله=وهذي رساله يحمله حـافظ القـــاف الي يقـــــول انـــه غـــزني خيـــوله=ان غـــرته دنيــاه ميــاس الاعطــاف مــاله علي سلطان رووحوا قولــوله=الزين في بعض المخاليق ينعـــــاف

..

هذي اول قصيده نشرته بالمنتديات

حبيت اشارك به هنا

	ياصاحبي لا تنتثر دمعة الموق ولا يحزنك موتي ترانا مخاليق طريق ... يبي يسلكه كل مخلوق عاش بنعيم او عيشته كلها ضيق ولايحرقك ياصاحبي لاهب الشوق لومت منك الدمع والضيق مااطيق الموت صرت اشوف بعيونه البوق وجهزت دلال مبهرات مفاهيق لامت ترقا الروح ياصاحبي فوق من فضل رب البيت والي التوافيق دريت اني انسان من طين مخلوق اموت وادفن مثل باقي المخاليق

السلام عليكم ورحمة الله وبركاته......

مساء ..... صباح الخير

دخلت منتدى مشارك به قبل ولقيت هالقصيده القديمه شوي

وكنت احسب اني منزله هنا بس دورت ولا لقيته ان شاء الله تعجبكم
..

	هج يابحر واقتل بنـات الحـور=لا تخاف جرحه .. فرح جراحـه بامواج ظلـم والموانـي بـور=القاع الخلا .. ماتنكـر اشباحـه وليا امتلى وجه الليالـي قبـور=سولف عـن التغييـر ورياحـه لا تعتذر ما جانا منـك قصـور=نشري التعب لو الثمن راحـه هذا خطانا لو نموت حضور ؟؟؟؟=اموات !! لعبه ؟؟ بيـد ذباحـه عز الصويب ،،،، بدمعة المقهور=ناس تبيـع وتخسـر ارواحـه لا صار ما لهذا الزمـن دستـور=شد الركايب واحسـب ارباحـه شيد على حلم الصغـار السـور=ولا تحشم نـاس عنـك نزاحـه لا تحتري صبـحٍ يشـع النـور=وجيه الخلايـق ذلـه وشاحـه سقف الامانـي واقـع مكسـور=اليـاس زاده وضعفـه سلاحـه ودام العيون تخاف شوف النـور=بعض الحقايق موتها رااااااحـه

الغـــــربه ..

	على اطلال بعدك !! اسمع العبرات=ودمـــوع عيــنك .... تنتــثر غــربه البعـــــد .. يهــدم بــاقي اللــــــذات=وقبــري بــقلبك والهـــنى ..قــربه احيـــاء .... لكن نحسد الاموات !!=خــامــــه وتدفن داخــــــل التربه ياأرض يكفينــــا عنـــا وشتـــات =من يعشقــك لا تعـــلني حــــربه لاصـــــار بظلال الشجر منجــاة=جــــــذور تــــدور داخلك شربـه فيـاض الامل تنبت بها المأسات=تمطر سماهــا مــن سحب كربه جـــوله وتتبعها بعد جـــــــولات=والي تــأثر( به ) !!! يــأثر( به ) ياقلب لا تـــشره على مــافـــات=جرحك نصــــيب لزوم تشــعر به حــنــا كــــــذا دايـــــم بغربة ذات=نحــيا بغربه ... ونــدفن بغـربه

الشكر لله تعالى ثم لاخونا ابو عارف والاداره على المبادره

اعتذر كبتها هنا بسرعه لا للمنافسه فالاسماء والحضور لافت وكبير

والمشاركه هي الجائزه والوسام




براءةه اطفال

اكيد من يشوف عيون ريف يقرى بعيونها رسالة

تقول

ياناشد عني تعال انظر الحـــــــال ..

	شوفوا بعيوني تمــوت براءة اطفـــال=طــهر انــقتل .. مدفــون في امنــاتي ليل وشقى وهــــموم وجروح ترحال=غربه تلاشى .. في دروبي جهاتي ياناشد عني تعال انظر الحـــــــال=مات العــــــزا وكفنوه بغــــــلاتي شيٍ عرفته مــــايسولف وينقال=وشيٍ كتمته به يسولف سكــاتي قوافل الذكرى متاهات واهــــوال=والليل موحش حلمه الصبح ياتي وين الابو ياعم !! والام ياخال !!=وين الامل من هــو يلملم شتاتي وين الي يلبس دايم شمــاغ وعقال=وليا طحـت جاني وقال لي ياحياتي وين الي شالتني معه بكل الاحوال !!=وضحت بعمره وكان همه نجـــاتي ؟؟ الي تحت رجلينهــــا جــنان وظــلال =ماعـــاد لي دعوه بختم الصـــلاتي ؟! كــذا وحيده ؟؟ غير عن كل الاطفـال=لا اب ..لا ام ..واخـــو .. لا خـــواتي !! بدمعتي مـــــــامــات حرمه ورجـــال=مــــــــاتت بعيني فرحتي وامنـــاتي !!

..