ديوان الشاعر / عيد ابن شايع التويمي

صادق امريكا..!!!

	ماناصل المريخ والوضع محيوس=ليه اندثر واموت واخفي حماسي ابي اتنحنح واصرخ بصوت سنعوس=هاضن علي اليوم خمس الحواسي ماني سياسي لاكن الفكر موهوس=تعبت اجانس فيه ربعي وناسي يمكن دخلني يالسناعيس فيروس=سكر اذانك لايخبطك احساسي اكتب غزل جذاب وادوس وادوس=كلي غزل واحيان كلي سياسي صادق امريكا واترك الصين والروس=روسيهم كذاب والصين خاسي صادق امريكا تقطع الراس بلموس=لاقررت لازم تطيح الكراسي ان كان هرجي كذب فالهرج معكوس=ايامنا والوضع كله ماسي باراك زنجي لاكن العبد منحوس=ليا سرا تتبع مجره رواسي والي يخالف جرته طاح منكوس=مايرحمه لاطاح بلحيل قاسي يسقط وتلقا بهامته مضرب الفوس=عطني قتباسك فيه هذا قتباسي ليه اطمر الجدران والدرب مديوس=ليه اشتم اسرائيل وعلن فلاسي اسكت وكني ياملا قراد ملموس=ليه اتحرش والهم السيف راسي اكل مفطح وخلط الخوخ للسوس=ماينفعن لو هشت درعي وطاسي صادق امريكا واترك الصين والروس=روسيهم كذاب والصين خاسي

اعذروني ياالنشامى على قصر القصيده

دخلت وانا مستعجل البدو لطبو ديرت الحضر عجلين


توي كتبته المعذره مره ثانيه

نزرع ونلقا بالرجاجيل وافي !!!

	اماشي الطيب واجاريه لاطاب=نزرع ونلقا بالرجاجيل وافي افدي خويي لو تجندلت بأحراب=وش قيمتي لو عشت ماني سنافي الوقت لو كشر علينا بالانياب=مانقدره والصبر خير الملافي لاتنخرع لو شفتني يوم منصاب=ماتنقضي دنياك كله عوافي احلى تجاره تكسب احباب واصحاب=حتى الملك لو مات لفوه حافي الرزق ماشي والولي يعتق ارقاب=لو البشر تقنيه ماقال كافي قدر خويك واحشمه عند الاجناب=تصبح بعينه طود لوكنت هافي

طيرك يعزوي صاحبه حين مقناص !!!

	جتني رساله وازعجن هورن الباص=مفقود نصه واكتمل عقب نصه صندوقي الوارد تلقاه باخلاص=دقيت اوكي وانفتحلي برصه حريف يكتب هاجسه دوم قناص=شبعان شعر وقصته دوم قصه يشكي الهوى ويقول ياعيد مقناص=روح معي ياعيد لالا تلصه قلت الهوى ياخوك مامنه مخلاص=دايم عنادي والهوى مستهصه مامل طعم البسمتي ولذت الصاص=وشم الزهر في حين تكميل نصه اشفت خفوقي ملهمت شعري الخاص=يابعد بيضن فرعن عالمنصه تنقش زهر وحساسها دوم قواص=وليا لفت تعطي من الدر حصه طيرك يعزوي صاحبه حين مقناص=عينه على قطف الجزيله تخصه

ماعاد للحر المدرب جناحي !!!

	شفت الجمال بغرته تقل ملواح=نطحتها منداش ماني بصاحي سرجوفها سرجوف من جد ذباح=فيها الجمال اليوسفي مايلاحي شايل كتابه وانطلق روحت مراح=خز الجميع وخز قلبي وماحي صفيتله والقلب ماهو بمرتاح=جد الكلام وطحت مابه مزاحي كلن يقول الله ياليتني وشاح=وانا ارتجلت وقلت شين مباحي قلت بدوي يأانسه مير سواح=تايه ولادري وين وجهت فلاحي امر وتلقا عاشقك دوم مصباح=يعني علاء الدين ماني مناحي طحنا ولكن ناعس الطرف ماطاح=لوح بكفينه وزود جراحي قالت تقوله جد والا انت مزاح=لو التفت لك يوم تنزل رباحي قلت ارحميني ياهوا البال سفاح=سفاح حب ولايبطل نياحي حبك سباني داخل القلب وشتاح=ماعاد للحر المدرب جناحي

احسن تموت وسيرتك منسيه!!!

	يكذب ودايم كذبته مشريه=هامور والهامور صلب عضامي اماالفقير ان قال كلمه حيه=ماناخذه لو كان تروي الضامي كم اجودين جعبته ممليه=يسكت ودمه في وريده حامي هبيت ياوجه الفقر موليه=دايم رفيقه ياملا منضامي جود اسلاحك واضبط الدوريه=الي يريد الفود ماينلامي بيدي نفضت الحمل في سوريه=وايضا وطيت اشناب تحت اقدامي معي شقيقي بالقا عن ميه=لاكن ولد اللاش شد حزامي ان غبت مالي ينشامى نيه=وشلون وانتم فكرتي والهامي ربي خلقنا نسبر المحميه=ياميمتي تكفين نامي نامي الوقت صلف ومدته ملويه=وانا كريم ومندفع باحلامي احسن تموت وسيرتك منسيه=ولا تموت وتنذكر باقلامي الموت لحضه وجيته مرجيه=والعمر فاني وللنبي مادامي

ممدوح علي الدويش الجربا !!!

	روحي فدا للشيخ حيه حيه=خلايف الدوشان سبع الغابه سلايل الجربان ميه ميه=حراً صريمن معتلي بهضابه شيخن شجاع ولايهاب الهيه=قرناس شلوى صيرمي مخلابه ممدوح نجمن للكواكب ضيه=ياجعلني ماذوق يوم غيابه يابعد شيخن لانخيته عيه=ماينتخي والنار من شبابه يومن تخلو عني السفليه=قالو رهابي وشلنا برهابه وانا بريئ وقصتي مرويه=تشهد بقية ربعنا واجنابه ممدوح وقف وقفتن فوريه=قال المصايب تضهر الكذابه يابعد شيخن شيخته ملويه=بس يترزز شايلن مصلابه الشيخ يفزع فزعته عادبه=لنه كريم وشيمته تصلابه ممدوح حيدن يالوجيه الحيه=الطيب يم ممدوح ناخ ركابه ونعمين منه مشبع الطرقيه=دوشان دايم نارهم شبابه بلامس كبدي من القهر مشويه=واليوم مالي بلعرب طلابه ياشخ مانسا فضلكم موليه=تفداك روحي لو تشن حرابه ممدوح شيخن شيخته عتقيه=من دور جدانه عريب الابه يالله تسقي بلمخيل صفيه=ديرت طويل العمر سبع الغابه

غايب ثلاث شهور !!!

	غايب ثلاث شهور ياعالم النور=في غيبتي منهو تقلد وسامي صريح انا في دنيتي واكره الزور=واستقبل الطيب بكل احترامي واذا تعذر عند الاجواد معذور=وبعض الامور الرجل فيها يلامي الشاعر الاول ليا غاب مقبور=يوم اختفا محد بعثله سلامي ماني منافق اقعد الف وادور=ذا واقعي والصدق خير الكلامي المرجله له دور والليل مستور=يستر جناحه كل شريف وحرامي غايب ثلاث شهور والذنب مغفور=وشلون لو غبنا عن الربع عامي افكار شعري قوم طابور طابور=فزعات ابن حثلين لاصاح يامي وعلى الغب والله ماني بمقهور=الناس تعرفني وتعرف مقامي اكتب شعر منضوم واحيان منثور=ساهي ولكن ماردي ماينامي اللي دخل في صفحتي يبدي الشور=تعبير رايه مايوقف احلامي صح الله ابدانه وانا منه مشكور=الشعر بحرن لو قطسناه طامي الشعر نبعن لو طرقناه بيفور=واسع خيالي والفرايد مهامي ماحب اكون بعالم الشعر مغرور=انا رقم في عالم الشعر سامي من ديرتي شديت وضحا من الخور=مرباعها سنجار عوجا سنامي خيالها خيال من جد صطور=لاثارت القوات رجلن همامي شلفاي رايب دمها تقطع الزور=مضرابها قتال بالحيل دامي انواع بشعار جارح وزرزور=فيهم عقاب الشعر وفيهم قطامي صقوط طرواده من اسباب هكتور=تبكي على ذكره رفوف الحمامي ماغاب ذكره قط لازال مذكور=ولي فعل فعله يشد الحزامي

معقول اشوف الزين !!!

	الي بغيته في ديارن بعيده=دجله وفراته بيننا حد وسهول معقول تصبح دبلتي دوم بيده=معقول اناضر طلته دوم معقول معقول اشوف الزين راع القصيده=ولا يزيد الشوق واصيح مهبول معقول ينفذ هاتفي من رصيده=معقول يعطي ناعس الطرف مشغول معقول اشوف الزين فرصه سعيده=واناديه واقول يحول يحول هذا خفوقي من وريده لوريده=ينبض بحبك ياهوا البال معلول منوه بحياتي لو تجيني وحيده=فيها اتمنا داعج العين معسول تسرح وتمرح في خفوقي سعيده=معجب ولاكن وضعنا وضع مشخول من حضرته ماشفت جمله مفيده=اقوا امل في دنيتي حلم مقتول دشي بخفوقي ياهوا البال سيده=خلي التويمي ينضم الشعر ويقول انا كتبت الشعر لجله جريده=وهي خفوقه للهوا باب مقفول فيها اعذروني يلعقول الرشيده=فيها جمال الشرق والغرب مدبول فيها الجمال اشكال سير وسريده=فيها الأنوثه فل والخصر معزول بنت الكرم معقول رمحي يصيده=معقول اعيش العمر يسعود معلول

هنيت قلبٍ دالهن مثل باراك !!!

	هنيت قلباً دالهن مثل باراك=ماشاف ضيم ولا يهاب المغازي اما تطيعه دوم والا توطاك=والا تشوف الموت بعيون غازي والا تقول العمر يابيق يفداك=مايجتمع بالوكر حراً وبازي رحنا وطي مابين ذولا وذولاك=سنع كلامك والخطاب النشازي الله لايسقي زمان التشياك=كيف اتوقا والمذله توازي سلاحي سلاحي لا توازيت مسواك=عقيدتي والخمس هن ارتكازي باراك زنجي لكن العبد ملاك=قلايعه دولات ماهن خزازي ماهو بمثلي واقفن عند شباك=عيا المقدم لايوقع جوازي سمن زنودك واعتني بغلض علباك=خلك لطيف ولاتصير انحيازي

انا شهد انك للمحبين غربال !!!

	صحيح حلوه والحلا ماله اشكال=مير اهجدي يابنت ماني خليلك ماكل رجالن يقارن برجال=ولا كل رجالن يدور مخيلك الحب يطري كل ساعه على البال=يمكن تطيح ولامن الي يشيلك ماني تقي يابنت في كل الحوال=ولاني صنم لو شمت وفر غليلك تبيني اصلخ وذرف الدمع همال=واقول احبك واقسم اني هبيلك بس الردي والاش يابنت حيال=روفي بحالي ورحميني دخيلك الحب قاسي وحب الجناب قتال=بكرا تشوف الضيم واعزتيلك ياما شربت السم فنجال فنجال=لو شفتني مابغاك عندي بديلك عند حبيبه تعشقن دوم بهبال=مايجرفن يابنت لو سال سيلك ليا لفاني مسجها ثرت بلحال=لو ينضره مضنون عينك تزيلك ياما طويت البيد والدرب خيال=لاتكثرين الهرج مالي بطويلك انا شهد انك للمحبين غربال=مير اهجدي يابنت ماني خليلك