لا للتفرقة

يامعشر الشعار كل يبي الزين=والزين ظني صار دونه حوادي
اصبح عددنا في القبيلة ملاين=وصرنا على ماقيل كثر الجرادي
وجمهورنا معنا صراحة وفيين =على القداء والا على غير قادي
ﻷقال واحدنا من الشعر بيتين=قالو قصيدك مالقيله ملادي
وانا العور يضحكبه صغير العين=في وادي والشعرفي وسط وادي
لواننا من شعرنا مستريحين=سكوتنا افضل من ركيك الدوادي
صرنا نسوي تفرقة بين الاخوين=غادين واللي يسمع القول غادي
نسعى على الفرقا سوات الشياطين=وحصلينا الذله وفرحة لعادي
وشعر ماهوب يفيد دنيا ولادين=وش واجب اللي منه مايستفادي
ياهيه لو يملا قصيدك دواوين=أهل الوفاء ماتستمع في الربادي
وهفوة عيال مرجحين الموازين=شنيعة بالحيل ماهيب عادي
وانتم عيال العود سقم المعادين=عود ﻷحل في ديرة القوم سادي
وجدانكم وسط الجزيره سلاطين=وسيرة نباهم ريح مسك وكادي
وان قلت في كل الامور متعدين=ماقلت ياهل العرف غير الوكادي
على الجنوب ونجد شبه متولين=ترضي عداها بالشبا والهنادي
وميزاتهم يوم العساري كريمين=ويتيهون مقرقعات التوادي
ربع على كسب النواميس ضارين=يخضع لهيبتهم خصيم عنادي
في راي ابن باحص صعوط المجانين=شيخ يسود اهل القرئ والبوادي
قدام حكم اﻷنظمة والقوانين =غير السطرحنكة وراي سدادي
وياسامعين دعوتي قولو امين=نرجي الهدا من ربنا خير هادي
يامحزمي ياعزوتي قرة العين=يأهل الفخر والعز وأهل المبادي
خلاصة الموضوع من بين قوسين=وجهة نظر من فكرتي واجتهادي
عرافكم عن كل مقصده دارين =ويدرون عن محبة في فوادي
مقصد وراى ماقلته يسار ويمين=جمع الشمل والعز غاية مرادي
ان صبت من توفيق رب الثقلين=والا الخطا غريزة في العبادي
وصلاة ربي عد وبل التوادين =على رسول رحمة للعبادي

الشاعر/ مشرع العوهلي

شاعرنا القدير مشرع العوهلي
ابو مشهاب
صح السانك مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

صح بدنك يا ابو غازي وطول عمرك على طاعة رب العالمين

الشاعر الكبير مشرع العوهلي
صح السانك الف
ودي لك يسبق ردي

اقتباس المشاركة الأصلية كتبت بواسطة القعقاع الشاعر الكبير مشرع العوهلي صح السانك الف ودي لك يسبق ردي

صح بدنك وبارك الله فيك نستفيد منك انت وامثالك
طال عمرك

الجزل مشرع العوهلي

صح لسانك وعلا شانك وبيض الله وجهك

لاهنت

اقتباس المشاركة الأصلية كتبت بواسطة غالب الشلاقي الجزل مشرع العوهلي صح لسانك وعلا شانك وبيض الله وجهك لاهنت

صح بدنك والله لا يهينك وعلى طاعة رب العالمين يطول سنينك

اقتباس المشاركة الأصلية كتبت بواسطة محمد الشميلي حياك الله ابومشهاب والحمدلله على السلامة وصــح لسآنك ملاااايييين جزالة وحكمة ماشاء الله تبارك الله لك الشكر الجزيل على تواصلك وإبداعك لاعـــــــــدمنا وجووودك.

الله يسلمك من الباس ويطول عمرك على طاعة رب العالمين

اللهم صل وسلم على محمد وأله وصحبه اجمعين

ابو ذعار صح لسسسسانك

اقتباس المشاركة الأصلية كتبت بواسطة محمد الذرفي اللهم صل وسلم على محمد وأله وصحبه اجمعين ابو ذعار صح لسسسسانك

صح الله بدنك وبارك فيك