المدح

المدح

الــمدح كانك يافـتى الجـود تــبغـاه =اعزم ترا دون المـعالي كـلوفـــه
تـبرك مباريك الجمل ما تقول اه =وتشيل مثل الي تشيله كـتوفــــه
درب المعالي صعب ياعـسر مرقاه=ون مارقيته منت عارف صنوفـــه
الرجل بالشــدات تعرف سجـــــاياه =إلى بغى المرقاب لازم ينوفـــه
رجلا هدف نفـــسه عــلى قد ماطاه=ورجلا هدف نفسه على مد شوفه
ورجلا قوى الباس عــند الـــمعاناه =ورجلا ردي الباس كلن يطوفــه
والعبد دام انــــــه توكل على الــلــه =يلحق هواه إن ساعدنه سعوفــه
الـــى مشا حســن النوايا مطـــاياه =ون زانت النـيه تسهل ظروفـــه
والكاظمن غيظه عــــلى الناس مبداه =والـعفو عند المقدره من اوصوفه
والصبر تحــمد بــعد الازمات عقباه =كل الخساير من وراه امخلوفـه
والزرع لنه طاب طــــيبه من ذراه =ازرع عزيز الورد وقطف قطوفه
وبعض العرب في ساحة الجود تلقاه =اما يـــسوي جود ولا يحوفــــــه
اللي سلاحــه مــن حزا مه ليـــمنا ه =ينـحر ذلوله لجل يكرم ضيوفـــه
ولا كما عـــد الرها مانـقــص ماه =ولو عليه الورد تـكثر صفوفـــــه
أنجيـت له يعـجــبك نـباه وقـــــراه =مــاله حلال وينــفقنه كفوفـــــــه
ان جا عقاب الليل يحـــــيي مصلاه =نفسه على الطاعه دؤبن ولوفـــه
يقوم ليـلــه فـــــي مـــناجات مولاه =نفسه رجاويه ونوبا خيوفـــــه
وبعض العرب عنـــــد الملاقا تمناه =فعايله عـند اللزوم امعروفـــــه
وبعض العرب عــيـنك تمنا حلاياه =ترتاح له نفســك وتبغا تشوفـــه
وبعض العرب يالـيت بالشوف تقواه =لوهو قـمر عيــنك تمنا كــسوفــــه
ون غاب ودك مدة امـقيـط ورشاه =مالك على فرقا خياله حسوفــــه

الشاعر عيد قيضي البلوي

الشاعر الكبير المخضرم عيد بن قيضي البلوي
الله الله عليك

صح السانك بحجم الكون

ودي لك يسبق ردي

صح السانك الف اخوي الشاعر عيد قيضي البلوي

الشاعر عيد قيضي البلوي
صح السانك
تقديري لك

شاعرنا الجزل / عيد البلوي
صح لسانك ودام هتانك

الشاعر عيد قيضي البلوي
صح لسانك وعلاء شانك يالنشمي

‘‘‘‘إإإإحترامي‘‘‘‘

شاعرنا الكبير مقاماً القدير عيد قيضي البلوي
أبو كرم
صح السانك مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

صح بوح منطوقك ولسانك

السلام عليكم ورحمة الله وبركاته
اخواني الاعزاء اشكركم على حضوركم واطراءتكم الطيبه
اسأل الله لكم التوفيق
وارجو عدم المواخذه على عدم الرد حيث ان الدخول عن طريق الجوال يتعذر باكثر الاحيان
وفقكم الله

صح السانك الف