ماهي غريبه يازبون المخاسير

(( ماهي غريبه يازبون المخاسير ))



اهــداء ورد جميل الى الاخ العزيز والغالي
خالد خضير تركي. المطيري له الشــكـر
على تواصله المستمر معي دون انقطاع
اقوله بيض الله وجهك يابو تركي وكثر
الله من امثالك .

اقـــول :

مشـكور ما قصـرت ياخـالـد خضـير = عـلى التواصـل. وانت يالقـرم وافي
لاشــك. انا خـابـرك ذيـب المعاسـير = وانا اشـهد انك يابو تـركي اســـنافي
مـاهي غـريبـه. يـازبــون المخاسـير = مبـداك. ثـابـت ما عــليـه . اختـلافي
واصلتني يـوم البعض.غيّـر. الســير = واعـني يابـو تـركي. جـنـود.المطافي
كــنـا. جـميـع. وفـرقـتـنـا المقـاديـر = وتـبيّـن .الــواصـل ومن. كـان. جـافي
اما.انت وافي ماحـصل منك.تـقصـير = كـل يـوم ودك. بالــرســايـل ايـشـافي
فيك الوفا. يسمو كما اطويق والنير = ومـواقــفـك. فــيمـا مضـالك. انـظـافي
اخـذتـهـا مـن روس قـومً مناعير = مــلكـادهـــم بالـطـيـب ماهــوب خـافي
قـول وفعـل. والعـز في لابـة امطـيـر = وشـــعـر الثنـا والمـدح ماهـوب كافي
منهـم سـلاطـين. ومنهـم مشاهير = تاريـخـهـم....فـي كـل ديــره ايـشــافي
مـدح ًعلى طـيب الفعايل.يـجـي غـير = ولـو: يجحـد فعـول العـرب. كـل هافي
هـذا الوكاد. ولاش. بالهـرج. تـزوير = اعـلنت انـا ووجـزت. ظـمن. القوافي
الله. يبيّـض. وجـه. من يـفـعل الخير = ويجـعـل.عـسـيرات. اللـيـالي اخـفـاقي
الله يـوفـقـك الســـعـد. والـتياســـير = اقـولهـا ـ كـل يـوم مـن قـلـب. صـافي

مع تحياتي اخوك
محمد بن سوعان الربيّع