ديوان الشاعر / عبدالعزيز بن بليهد

العزه !!..!!!

	الـلي يمـل مطالـعـك مــل طـاريـه=والعشرة الي بـه وبـه وشتبيبـه من صد لاتتعب عليه المشاريـه=لاتـتـبـع المـقـفـي ولا تعـتـزيـبـه الــود واضــح بـيـنـات مـواريــه=والبغض تلمحـه العقـول اللبيبـه راع الطناخـه كايـدات مسـاريـه=عزيـز نفـس ويرتكـي للصعيبـه باليسر يسعد خاطـر الـلي يباريـه=وبالعسر تلـقـى فـزعـةً ينغزيـبـه النفس عزه عن سوافي ذواريـه=تر ذلها حتـى مـع المـال خيبـه ومن يتقي في كل الاحوال باريه=عـزالله انـه تــوّج الخـيـر طيـبـه

الباقيات الصالحات !!..!!!

	لاواهني اللي نزل بامر مولاه = في ديرةٍ حيين اهلها , وحيه والعيشة اللي بالمهونه بليــاه= ماتنغصب نفسٍ عن الذل عيه يالله رضاك..الناس مايدرك ارضاه = ماحققت غايات وارضاه شيه الاد مي لو يبطي الموت فاجاه= ولا كنه ادرك من طموحه حصيّه رجليه حفيت طايرٍ يبست شفاه = عطشى عيونه ! والمطرفي يديه ياقلب لاتزمل ترى الحزن ملفاه= زوال لوطال البطى راح كيه ياقلب حملي كبر اجاء والف عزاه=مار الرجاء بالله على كل هيه يارب راع الاوله كيف ابجزاه=راعي جميل وطال صبره عليه والله ماذخر حاجةٍ له ونا اقواه= من لاجزاء الاحسان لارحم بيه وهاف الاصل ياخيبة اللي ترجاه= وخسران من يرخص للانذال شيه اقولها لاخوف والا إمّــاراه= من يقتدي بالحق لاوا هنيه الخير راع الخير لاعميت ارياه =والخيّر اللي تاب بعد الخطيه الكذب من مبداه ذلٍ الا اتلاه = نهايته للنـــــــــار لوطال غيه شيخ الصفات الصدق للعبد منجاه= والله يعــلم كل حســنه وســيّه الطيّب الطولات جت له وهو جاه= من مــــاه تنساب الجداول هنيه الطيّب العسرات لاشام يرقاه= وان جاد.. لاجادو كثيرٍ شوّيه ماتاه من حط الجدي حول مسراه = وكان القمر خمسة عشر صار ضيه ومنجوم حـدّاي الصّفر عند مولاه= بدل بذكر الله وشكره !! بسيّه الله يرحمنا ومن عاش يخشاه = ياقـــاه شر الخلـق والمهمهيه اقولها والراس بالعز وطّاه =خوف ورجاء الدايم وفضله عليه ولا خضعت لشيء فاني او لجاه = مادامي ادّرك وانتخي في (رقيه) الرزق والمقسوم لابد نلقاه =البا قيــات الصالحات المطيه ولاعندي ايمانٍ بقولة حلولاة = انوي على الله.. كل خيره خفيه الله يحسن خاتمتنا عن ارداه = وخير الخواتيم الصلاة الزكيه يالله عدد ماشئت امين ياللــــــه = واعداد مايهدا لخير البريه ومنك الصلاة اعدادها اقصاه وادناه= على محــمـــد وال بيته وحيه

.عديل الروح!!!

	سلامتك ياعديل الروح=ياعل يومي قبل يومك لاباس كل الحياة جروح=لوبان دمعك فلا لومك المبتلى يستلذ النوح=الا انت بلواك بوجومك!! ابسمعك ناجني والبوح=يجلا من الخافق همومك الحزن من بسمتك مذبوح=احي الامل عطني علومك تذكر هكا الحين يوم نروح=يوم النحل ياشع كمومك؟ يبي العسل منك يالمملوح=يامخفي الشهد بهدومك عطر الزهر في رباك يفوح=والمسك من بعض يشمومك لاهنت من صوتك المبحوح=سولف وفضفض لمخدومك اضحك هها يا عديل الروح=انفض غثا البال وش قومك؟

هذي علومي ( رد على عابر سبيل )!!!

	حي الله اللي عنده القاف مصخور= جزل المعاني للمعالي ترومي حياك ياعابر شذا الشيح والنور= لولا جبينك يابو فارس علومي ودي بشوفك ياخلف كل مسطور= شوفة مثل شرواك تجلا الهمومي لكم بياض الوجه من سالف عصور=ولاهو غريبٍ في نباكم يدومي العرف والمعروف ثابت ومذكور= تشهدله العربان ربعٍ وقومي فنجال طيب ومدته كف ممرور= وحجاج طلقٍ مايعرف الوجومي يسوى ضيافة عام ومعزبن ثور= فرقاه عيد وقل عرفه لزومي شرواك عز لمن بغا الكيف والشور= وذخر الصداقه بالشدايد تزومي غالي ومن دار الغلا مرتع الحور= حايل مقر الجود ريف القرومي لايابعد ابها وعرعر وابا القور= ولاياخلف سيف البحر والخرومي تفداه من فيفا الجنوبي ليا صور=وتفداه طنجه والسواحل عمومي ياديرة الوافين والطيب مخبور= دار النشاما حافظين السلومي لومسكني بالصين ومن دونه السور=من دون شوفه ماتردت عزومي نوبٍ ظروف ونوبٍ الحظ مثبور= يقلع مدى الرجال لو هو جزومي العذر منكم ياحصل نقص وقصور=ننوي وتصريف الليالي تحومي يالايمي في غربتي غصب معذور = يامن يبدل بالبراد السمومي المبتلا يستعذب الصبر مجبور = بالكبد جمره والمعاليق تومي اقفى العمر ونا ورا الغاط مثبور =مدري متى بطويق يقضي لزومي فالادمي لاشك منهي ومامور=ولو زانت الدنيا فهي ماتدومي اللي يجمعها الوفا ماهي الدور= واللي يباعدها الجفا والظلومي الله يفرج هم الاجواد والجور= ينزاح عن قلبٍ عطوفٍ رحومي لولو ومرجان وزمرد وبلور = تهدا لبو فارس وهذي علومي

هم وقصيده!!!

	لاصرت انا الصقار والفكر قرناس= اطرب ليا صلفق خروب القصيده مثل القدر يدلي على صدر هوجاس= والريش مثل هموم قلبي يبيده هيّض وفيّض كل مابي من اعماس= يقودني وامشي على مايريده من خمّص اقدامي سرى الشعر للراس= وكرامتي بحّره ّوجوّه وريده طعته ّوطوّعته على كل مرواس= هو سّيد همومي وانا صرت سيده همي طغى في غفوة الحظ والباس= طوّق حياتي لوعزومي شديده ذهلت حالي تايه الفكر محتاس= لاحول لاحيله ضنوني شريده اسج واخذ لي مع الناس مرواس= وانكس على عمياي هم وقصيده ما للمكارم وجه وحدود ولباس= والمدعي مظاهره ماتفيده لاشك هي مثل الكمى دون غراس= من جود وهاب الحياة لعبيده مثل الهبايب بين عجٍ ونسناس= ماســـاقها سلطان والا بديده الطيب بنفوس النشاما على ساس= ما لمصقوه اهل النفوس البليده العز والفزعات في كل الاجناس=ينساب من سمح النبا ماتريده آخير من تهلات تاتي من خساس= تظهر مودتها وتضمر مكيده يالله ضاقت بي فضى الارض والساس= ماوالله امشي به ونفسي شهيده ياعونة الله كل ماينعس الياس= تهزعت كل الجوارح سعيده لياقعبت الصوت ماهو من اوناس= جاوبني الضلع ابصداه النشيده

يقولون الشعراء عن بعض ابداعاتهم كيبورديه وهم امام الشاشه ،، اما راع البر فكيبورديته في روضةٍ خضراء وش تسمى ؟ الباقي عليكم 18/2/1433روضة خريم قبل الزحمه

.من وحي الربيع جاءت (هل النوايا الواضحه ) !!!

	انحشت عن كل اللجج والظليمه = يم الخلا اغدي بشوف الفضى غم فكري سرح مابين طلحٍ وغيمه= وعطر النفل لاهبت النسمه يشم في روضة مادوجت به بهيمه = ولابدع بطرافه الغرس واليّم تحت السما من دون شبكٍ وخيمه= ماغير طير السدر حولي ترنم لله در اهل الشيّم والعزيمه= اللي رقت من غير خالٍ ولاعم هل النوايا الواضحة والسليمه=اللي على ماقيل بوجيهها دم قربه غناة وسعد فال وغنيمه= عزالله إن حضورها يجلي الهم بالحكي غيبه وإنتقاص ونميمه= والمدح بالحاضر قريبن من الذم ومن يطرق المجلس بليا عزيمه =ردي نفس وجاهلٍ ماتعلم وراع الطلايب كل شخصٍ خصيمه=يبحث عن الزلات واللمز والذم الله يخيّب هقوته من غريمه = لو كان نسل شيوخ شيخٍ معمم

اهداء لقلوبكم الطاهرة



بخشيش اغديه تشفع للغياب

الغياب !!!

	نغيب حب ومعزه والحضـور احبـاب=ولامـن حضرنـا تفـز الـنـاس بقلـوبـه ياهـل الوفـا مرحبـا لبيـه كـل اعـتـاب=الله يـديــم الـمـحـبـه والـجـفــا نــوبــه هلت سحاب الوسم والجو زان وطاب=والبـر لاهلـه ظحوكـن هانـت دروبـه بانت بشاير ربيعـه والطيـور اسـراب=وين انت ياللي تحـب الظلـع وخبوبـه حلاة بعض الغيـاب ايبيـن الاصحـاب=يبـان فيـه الصـدوق ويظـهـر الكـوبـه يامرهـا لانخدعـت بعـشـرة النـصـاب=عـسـى زمــان لفـابـه يـاخــذه حـوبــه كــن الليـالـي تقلبـهـا جـريـح الـــداب=يالله دخـيـلـك وامــانــك يالله الـتـوبــه

العدل & الميل !!!

هذي حويــــــــــل اللي ضروسه تراقل يتوقع

طاري الحياء !!!

	هـــوّن عـلــى حــالــك عــلــى مــهــل مـهـلــك=حــنــانــك ابـــلــــغ مـــــــن جــمــيـــع الـــدواويــــن بـعـيـونــي اقـــــراء عــلـــم حــســـك وجــهــلــك=ومـــشـــاعـــرك تــــجـــــري بـــــــــدم الــشــرايــيـــن إلـعـب فـــؤادي دربـــك الـسـهـل واهـلــك=مــــابـــــه ســـــــــواك إلا خـــيـــالـــك يــســلــيـــن روحــــي غــــلاك احـيـابــه الـعـمــر واهــلـــك=لافـــــارقـــــت لاقــــــــــدرالله لـــــفـــــى الـــبــــيــــن لافــــــز قــلــبــك شـــوق قــلــبــي نــدهــلــك=حــبــي لــــك اكـبــرمــن تـحــكــم بـــــه الـعــيــن غـب ماتشـا منـك اخـجـل الظـلـم عـدلـك=مـايـخـتـلـف بـــأنـــي عـــلـــى عـــهـــدك اثــنــيــن احــــب جــــدك وانـتـشــي حـــــب هــزلـــك=حـــتــــى الـثــمــالــه عـــشــــق هـــبــــلٍ مـجــانــيــن احــــب واكــــره واجــبــر الـنـفــس لاجــلـــك=طــاريــك مــــن طـــــاري الـحــيــا لـلـبـداويــن مـــااحـــبـــك لـــمـــالـــك ولـــهـــلـــك وشـــكـــلـــك=واجـــــــد حــمــايـــل عـــــــز مـــــــال ومــزايــيـــن ولاطــمـــعـــت بــــجــــاه جـــــــــدك وبـــأصـــلـــك=لـــك قـبـلـتـن عــنــدي تــســاوي سـلاطـيــن ولازانـــــــــك بــعــيــنـــي دلالـــــــــك وغـــــزلـــــك=ســوالـــف الـجـهـيــل مـــــرت مـــــن ســنــيــن قــلـــبـــي خــلـــقـــه الله يــحـــبـــك ..وقــبـــلـــك=ماعاش حب ...الحب وينه ونا وين! وان مـت مــن دونــك ترا ..حـبـل وصـلـك=فــــــي ذمـــتـــك يـــاروعـــة ايــامــنـــا ..ديـــــــن

من وهج الغربه!!!

	حمام منصور ناح ونحت من نوحه=في ديرةٍ صرت انا والذات طرقيه اجامل الناس في ضحكات مجروحه=اضحك مع ارجالها واضحك لخكريه ابي الوناسه مع الجيات والروحه= حتى ادبرت واستشاط ابضامري كيه وآآآعزي النفس عن رغبات مذبوحه=واكبح جماحه إذا هي خانت النيه في ضامري هم لو يرسم على لوحه= يمنح بسوق المئاسي الف بالميه حزنت حزن الخريف لهدة صروحه= لاوسم..لامزن ..لافورات جوفيه من دون حظٍ لو البيبان مفتوحه=عنه إنّجم نجمة اللي بيّحت خيه يالله ياللي لك الأسرار مفضوحه= تنقذ عليلٍ غدى قلبه بفم حيه ياقاسم ٍ غربته واقداره وروحه = يسر توالي حياته وإفرج لحيه