ديوان الشاعر / عبدالعزيز بن بليهد

اهداء للأمير / طلال بن عبدالعزيز الرشيد رحمه الله قبل وفاته بستة اشهر حيث
تجاوب معي بأتصال هاتفي ووعدني بالرد في فواصل ،، لكن تواضعه وكريم اخلاقه
ورده الجميل
ابلغ من الشعر



***

طلال ...لاسلت سيوف المجابه!!!

	بسم الرحيم أبدأ سجل الكتابة=المبدي الباري شديد العقوبه الحمد له والشكر له والمهابه=ما خاب من يرجيه يغفر ذنوبه وعلى النبي المصطفى والصحابه=أزكى صلاة وخير عفو ومثوبه وسلام أحلى من طشاش السحابه= وتحية من شام نجد لجنوبه عليك يا أمير بحضرة جنابه=يصير للحاضر بصمته عذوبه طلال قوله مرحبا يا هلا به=طرياه في كل القلوب محبوبه من طلته غارت كريم السحابه=لا طب دار كلهم بشرو به طلال لا سلت سيوف المجابه= له صرخة منصورة ومحسوبه سليل ضيم الخيل راعي العصابه=كم عصبة جهلوا عليه وقضو به على المذلة ما تنوخ ركابه= كم عيّلٍ عيلاتهم شيعو به الذيب يشبع من قلايع حرابه=ولاعد فريس العرب طير ذوبه ياعزوة اللي ما أشتكى للقرابه=ما أحد ربع له شاقيا ما درو به أشكي عليك الهم قلبي غدابه= وعز الفرج ما عاد نسنس هبوبه لولا يقيني والأمل والرجابه=ماعشت عيشة من يحسب ذنوبه كان آدعي واحتال ما به نجابه= وآطاء بوحلٍ كلهم بربسو به وأدعس على هامات منهو مشابه=وأرقى على متن الغبي والمبوبه وأطوح الشيمة لجوع الــكــلابــه= وأذوق في طعم الحرام العذوبه أحقق الغايات كذب ونهابه=أشري وأبيع ابسوق غيري شروبه بالنفس أمر وازع هواه ونهابه=طاعت وعيت عن طريق مشوبه تجزع إلى مرا بسماها ذبابه= رفيعةً فوق الثريا مهوبه عذراء هواجسها تذير الذيابه= تفضح شروق الشمس تلبس غروبه ما هينها و أطهره بالجنابه= المعصية ما من وراها مثوبه من فوقها راسي وتحته سحابه= وتدوم بإذن الله سما من سمو به ما غرتن دنياي بأول شبابه= بري من دنياً شرفها سبوبه كم راودتني و أضحكتلي عذابه= وتجردت وألبستها الصد نوبه وكم نوبة للنوح صارت ربابه= وصيرتها للخاشعين امحبوبه ماهمني بالكون حياً مشابه= الخوف خوفي من شديد العقوبه احب سنة سيد الخلق و آبه= بسلوم ربعي و افتخار العروبه أغلي رجالٍ ماتحب الطلابه= ولا تعسعس خلف ناسٍ حكوبه ما اخطت ولا خافت خطر من وشابه= العلم عنده صدق مهما وشوبه ورجلٍ حضوره واثقٍ في غيابه= به عرف والمعروف أكبر عيوبه ولا حب شخصٍ رأس ماله ثيابه= جاهه وجاهه وسطها الف كوبه ياما أطول الشكوى على اللي وعابه= وياما أقصر الدعوى على من زموبه حتى غدا شعري كثير الغرابه= استهمجه لو بعضهم مجدو به احيان أراني بالقرايا خرابه=للجن والخفاش دارٍ طيوبه أدخل على اللي ما وقف عند بابه=مخلوقاً الا قد تجلت كروبه وأبوح للي مثل ما بي غدا به=دايم هل البلوى تهاوا قلوبه اما يريحني يبوح إبعذابه=والا يفرحني برقه إسلوبه يامنتهي الفزعه سماعي جوابه=ويا منتهي الخيبه إمفاخت دروبه

بسم الله الرحمن الرحيم

الحمد لله والصلاة والسلام على رسول الله

لايخفاكم ماتمر به الأمه العربيه هالسنيوات من ظلم وقتل وتشريد ومايعانيه مجتمعنا من حسد

وفسد وفقر الله المستعان ،،كلها امور مدعاة لغضب الله ومنع القطر الله يتوب علينا ويرحمنا برحمته


***

قلنا نتفائل شوي وننخش من ارشيفنا بلكي ينسينا الحاضر


متواضعه لقلوبكم الطاهره آمل ان ترتقي لذائقتكم .



***

شمس الأشراق!!!

	لله على مزنٍ سطع فيه براق= كريم والهمال زاد اندفاقه سيله تساوق بين دارج ومنساق= له شاهدٍ بين الفياض انشقاقه فياضٍ وريضانٍ من الوسم تشتاق= والقاع للماطر يزيد إشتياقه تبتل من بعد الظمى خضر الأوراق= قاعٍ خضر لا قدر الله فراقه ربيعه الحواذن شاذي بالاعماق= وشيح ونفل والقحويان بسحاقه عشبٍ نواويره زهت مثل الاطواق= أطواق لولو منتظم في لباقه عقدٍ مجوهر في مليحات الاعناق= بيض النحور وزين الانهاد شاقه هب النسيم وبيّنت شمس الأشراق= منظر بديع وكل الاوصاف فاقه ياما تلاقابه حبايب وعشاق= واسقوا ربيع قلوبهم من عناقه وأنا تذكرني روابيه ترياق= وأبكي على اللي صب كاسه وساقه أرخصت روحي عند عذبات الأرياق= وخصٍ معك يامن تجيني سراقه وين أنت عن قلبٍ على جمر الاشواق= وعينٍ على شوفك يزيد احتراقه يا شوق لو تربع لونات خفاق=. وتشوف عين اللي عليه الشفاقه

السلام عليكم
نص حصري لنشامى شمر وصوره حصريه جديده امس من خزاما نجد اهديها لقلوبكم

ومشاركتي لتحفيز الشعراء ليس إلا

البراري!!!

	يا موقد النار حظك بار صعفقها=إلخف شرار الندامه وانثر الباقي صكات بقعاء تعرف اللي يصلفقها=شره على الطيب المطنوخ سباقي مثلي وشرواك نفسه عز خالقها=وش خانة الصبر لولا نبل الاخلاقي دنياك ياصاحبي يسعد منافقها=ويشقي عزيزٍ لعلم الخير تواقي ويرقى على هامة الدهماء بايقها=وشهم السجايا عليه الوقت نعاقي حلاتها راعي الحيلات ذايقها=وشره على ناصحٍ للناس مصداقي لا ضاق صدري وضاقت بي طرايقها=نحرت جوًّ تلالا فيه براقي ابعدت عنهم ولالي في خلايقها=تزخني للبراري صادق اشواقي يا زين ليله ويا محلا مشارقها=عز الله انه دواء نفسي وخفاقي تسوا ديارٍ من الضيقه مفارقها=مابي غثا البال يحرق باقي اوراقي

اتشرف بنقدكم ومجاراتكم وردودكم

يـــــــــــــــا غدي!!!

	امتطيت الحلم يالله طيب فال=انتعلت الفجر باسم جرهدي ماعلى خلاقنا شيٍ محال =بلكي ان الدرب يوصل لسعدي لاوصلت المنتهى بأتم حال=بشاية الله ياتعبـــــنا مايغدي احمدالله ماعلي قاصر وذال=واشكره عايش بمانه مرغدي راس مالي عز راسي والعيال=هم غناتي هم حياتي وبّعدي فضل ربي مايعادله الريال=نعمة امسي مثل يومي مع غدي وياغدي بكرا يزول الاحتلال=ويتهنى الحر حراً مايعدي ولايظيق الصدر ويهاب المقال=ولايظام القرم ويعز الردي

الديدحانه!!!

	من شفّتك لا وآ شقى الديدحانه= ولا وآ عذابي من مطالعك بالعين خذيت ماخليت حسب الميانه = وانا لي الله ماتمكنت من شين كانك تحسب ان الهوا روجحانه = تراء الهوا غربال ما هو سباحين وان كان غرك بالمولع حنانه= تراء الولع والعطف واللطف لك دين ومن صوتك المخمور عندل زمانه= يغار سمعي وده الناس غافين عزيل من طاح الصمخ وسط اذانه= وشوفه شجر لا وا عذابه من البين ماجاه من يحيي رمايم كيانه= الله مريحه من هل الزين والشين

عطايا الخيــــــــــــــــــــــــــر!!!

	لياك تطري نجد والنفس خجله=بيارق العزه من سيوف ورجال المسعد اللي بالعزاوي نهجله=عزالله انه ذخر وامجـــــاد وآمــــــــال نجدي لها قلوب المحبين وجله=ومنها سكبت الشعر بكفوف الامثال زهدت في نسمة مسا النيل لاجله=وارخصت لعيونه شواطي وشلال إلى مسحت الماء على خد دجلة= غار الفرات وفاض من عالي الجال ما يدري أني واهب النجل نجله= باأمر الله إسوى كل ماسايلٍ سال أنا عطايا الخير تاجه وحجله= وأنا ضماه وشارب الياس واللال أنا الذي ما هابت الدرب رجله= وأنا الذي ما كان يطري على البال

(( النجـــــــــــــــــــــــــــــابه ))!!!

	ماحـــــــلا شمس المغــــــيب= الشفق حــــــزةإجـــــابه عذربونـــــــا بالمشـــــــــيب= وعمرنــــــا نسيو شـــبابه نسيو ان الذيــــــب ذيـــــــب= لو كثر نبح الكــــــــــلابه لا يريـــــــب ويستريـــــــب= دام بـــه للـذيــــب لابـه ودام بــالحيـيـن طــــــــــيب= ودام بـــه ذكـــر الصحابه لا يهمــــــــك يـــا لبــــــيب= دام مبــــــداك النجـــــابــه ودام مابـــــك مــــا يعيـــب= طــز للدنيــــــــا ومابــــــه

جنون !!!

	قالو بتفكيرك جنون = والله رفع عنك القلم!! تاطا الرماد ومن تكون؟=حتى انك اخجلت الالم كل العواصف بك سكون=والركض بالدنيا وهم اقعد تبصر لك عيون=كن ذيب والعالم غنم!! مارابعدولاتقربون=ياافقر العالم ذمم الوعد يوما تبعثون=ماتجزي اموال وخدم وتدرون وش معنى الجنون=وتدرون وش معنى الوهم؟؟ ترضون والا تزعلون=مايقبل الحاكم نـــدم والذيب والي تزعمون=ماجفل اعواه الاصم ياكل من تتسائلون=ماجيت والله من عدم! مجنون وانتم تعلمون=اليوم خالقنا الحكـم

المســـــــــــــــــاكين !!!

	المال يعمي والطمع والجشع شين= والنفـس مــن يتـبـع هـواهـا تـذلـه لوكـل خلـق الله شيـوخ وسلاطـيـن= سـادت شيـوخ الجـن فـي كـل ملـه العـز ساسـه ياهـل العـرف بالديـن= مـع زيـنـة الدنـيـا وطـيـب الجبّـلْـه ومن لايحسب خطاه بالعقل واللين= اريـــاه لـوتــاه الـضـحـى مـاتـدلـه الله يــرحــم حـالـنــا يالـمـسـاكـيـن= الـلـي كـلانـا العـمـر غفـلـه وفـلــه مـن همتـه دنيـاه واستاثـر الـزيـن= لابــــد مـايــاتــي زمـــــانٍ يـعــلــه يالله تحشرنا بوفد المصلين = وتغفر لعبدك كل خمله وزله مالي ورا الدنيا طمع غير مترين = ودعوات حياً فوق قبري يهله

اول دلع !! ثمٍ ولع !!!

	يومي خضر ونا تمناك يالطل = واليوم وش ياخذ من الطل يابس! العمر راح وثاير اطموحنا قل=صرنا نميز بين ضاحك وعابس مانعطي الهقوات حيا الله شلل=ويغرنا حلو الحكي والملابس نقول لاجانا الردي يالردي ول=ملعون ابوستين مثوا وقابس ونطمع براع الطيب لوكان ماسل=نغفر خطاه انقول حابسه حابس الحب كنه خبط عشوى ليا حل=كن المشاعر شوشةٍ بأم عابس اول دلع ثمٍ ولع ونتمشكل!!=وين انت ياحلال سمحٍٍ بدابس