15-06-2007
|
#1 | |
|
الذيبه اللي اخافت اهل حائل فتره من الزمن
بسم الله الرحمن الرحيم
طبعا من غرائب القصص التي حدثت في حائل ( الذيبه ) الجسور اللي كانت بجبال حايل واذا جاعت حدرت من الجبل واغارت بالليل على الناس حتى تجد طفلا او ضعيفا وتقتله وتاخذه للجبل لجراه حتى اشاعت الرعب والخوف عندما ذبحت طفل (فهاد ) وكلته فقامت والدة الطفل تبكي وتقسم بالله ماتذوق الطعام لين تذبح هالذيبه وكان اسمها ( سريعه )0 كان في حائل ثلاث اشخاص اشتهروا بالقنص والرمايه داخل ظلعان حايل فنختهم نخوا بابيات مليئه بالالم وكان واحد سليطي والثاني دغيري ( تريباني ) والثالث فهد الرشيدي فقالت:
وين السليطي جرح قلبي محيطي=على جنيني شلته شينة النـاب وين الدغيري صار نفعك لغيري=يا حاسبن صيد الغراميل بحساب وين الرشيدي والبكاء ما يفيدي=يا خو ثريا يا حجا كل من هاب وكانت هي(شيبه) وهي اللي ابوها ذئب وامها ***ه وهي من اشرس السباع00 فانتخوا الثلاثه كلهم وجاوبها فهد الرشيدي بالحال يعطيها الوعد والعهد بقوله :
(يا سريّعة) لا تزعجين الونينـي=(الشيب) قبلك فاجعن غرة أجـواد لومك عليه كان شفتـه بعينـي=لأخذ قضى يا شمعة البيض فهاد بخماسين عقبه لكتفـي متينـي=عوق العنود اليا تنحت بالابعاد طبعا فهد الرشيدي معروف جدا وكان وسيما تتغزل به النساء لجماله وهو الذي قيلت فيه عندما تم جلده من الامير قالت احدى النساء:
قلبي اليـا قالـوا فهـد يجلدونـه=ياتقل يجلـد لاهـج الديـد فهـاد ماتحتمل عـوج الرطايـب متونـه=ولو هو ضخيم يحمل الجلد وش عاد اللي كمـا روب المعيـدي سنونـه=بالذكر والا ماعرفت ابـن الاجـواد وهو الذي اراد احد الاشخاص قتله فأعطاه ذلول شرود تترك راكبه بالخلا وعارفينها بالشيئ هذا وفعلا عندما توسطت من النفود شردت وتركته فقام ليرميها بالبارود يبي القربه اللي عليها لكنه خاف انها تطيح على القربه وتشلقه ويروح الماء فقام برمي حبل القربه من بعيد وطاحت القربه سليمه والرصاصه جرحت الذلول وطلع الدم منها فقال:
عزي لمـن مثلـي ذلولـه تخليـه=اقفت كما الربداء وانا اركض بأثرها في سهلتن ماعندنـا مـن نراعيـه=ولا مزنتن نرجي الروا من مطرهـا قعدت له باللـي حديـده مصفيـه=لما لمحـت بطانهـا مـع نظرهـا راحت تجر الخرج والـدم غاطيـه=وعز الله انه مـن يمينـي عثرهـا طبعا انا اليوم تعبان واجد ولا لي مزاج بالتواريخ والاخذ والرد لذلك اخترت هاللي اخبرهن من صغري سمعتهن من الشيبان علشان نتعلل عليهن ونستانس بهن والسؤال اي الثلاثه الذي ذبح الذيبه؟ والابيات اللي بجلد فهد الرشيدي منهن له لان كل واحد ينسبهن بجهه وابن ناحل نسبهن لجدته وقال فهد ولدها ماهو الرشيدي اللي تقصد 0 المهم كل واحد يدلي بدلوه والا ياويلكم مني تروني بقعاوي وطفشان بعد والله لااجي بوسط الديوانيه واحط مسعد على مسعود كان مابكم واحد نغول يوجع00 تحياتي الراوي00 |
|
جرح العرب للي من الجرح داواه=واللي من جروح الليالي يشيله
ان ماوصل للي وصل له وساواه=حط الافاعي بالخفى في شليله 
|
|
15-06-2007
|
#4 | |
|
O?°( مشرف سابق )°?O
|
اكتني سمعت من رحمة جدي انوه رجلن شجاع يقالوه
ريال بن فسحه :biggrin: شرايك بهالروايه :biggrin: لاهنت يابعدي والله يسلم يمينك |
|
|
ملاهد ياراتسب القرطاس=ياشايت الضب بالكوره
|
|
15-06-2007
|
#5 | |
|
الإدارة
|
ياهلا والله وغلا : برأوينا القدير ابن غسلان كل رواية ترويها لنا يابو فهد نتوق شوقاً للرواية اللتي تليها أو تعقبها ومااجمل رواياتك بارك الله فيك 7 7 7 اللي انتخى لها فهد الدرزي ، تسلح وتغيب بجلديه وصار يذبح ، كل ذئب يصادفة..ويفتح بطنه لعله يجد علامه..حتى ذبح آخر ذئب فوجد ببطنه كف الطفل ..فأرسل الذئب وكف الطفل لأمه وأرسل معهم هذه الأبيات قائلاً:
يـا سريّعـه لا تزعجيـن الونينـي=الشيب قبلك فاجين *غرة أجواد لومـك عليـه كـان شفتـه بعينـي=لآخذ ثرا *يا شمعة البيض فهاد بخماسين* عقبـه لكتفـي متينـي=عوق العنود اليا تنحت* بالأبعاد انا ماعرف شي عنه حقيقتاً ولاكن العلم الأكيد بدون شك عند رأوينا ابو فهد |
|
|
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام
العرض العادي
