من بني وايل وحنا مع بني وايل جماعه

ياخـلـف واحـالـي الـلـي تشتكي نار الـقـطيعه=ماتـهـنت فـي شـبـابـه ياخـلـف لو ربــع ساعه
وسط جـوفي يابوخالد تشتعل حرب الوديعه=والـقـنـابـل يابـوخـالـد بالحـشـى يوضي شعاعه
وانت رجـلٍ يـابـوخــالد دارسٍ عـلـم الـشريعه=من بـنـي وايـل وحـنـا مـع بـنـي وايل جمـاعه
والـنـدى بـعـيــال وايـل فـي مـبـاديـها طـبيعه=ومن يـهـاجـم راح يـلـقى بالعرب لجنة دفـاعه
ان بـغـى نـار الـمـعـارك لجـنـة الناس الصريعه=وبالـنـدى لـجـنة كـبـودٍ في ظلام الليل جاعه
ويابوخـالـد بـي جروحٍ طعنته صارت وسيعه=مايـفـيـده يابوخـالـد فـحـص دكـتــور واشاعه
قبل ندخل بالـمذاهب والـعـرب سنه وشيعه=ودي اسأل عن سلومٍ عـندنا صارت بـضاعه
حـيـلـتي نـظــم الـقـوافـي بالـطـواريـق البـديعه=فـي ضـمـيرٍ لاتضـايـق يـطـبـع افـكـاره طـباعه
لو يجي سوق الـقوافـي يشـري القاف ويبيعه=كان يملك كنز كـسـرى يوم حـربـه مع قضاعه
كالجـواهـر بالـعـقود الـلـي عـلـى صدر الفريعه=الـعـنـود الـلـي ظـلـوعـي تشتكي طعـنة وداعه
بس جزل الشعر يصبح مع قليل العرف ضيعه=كود من يـفـهم خوافـيـها ويـطـرب لاسـتـمـاعه
وكان قلبي طـاع وقته والـزمن عـيـا يـطــيــعـه=فالـلـيـالـي فـي بـحـور الجـور مايـركـد شراعه
اشهـد اني مارضيت الـبـوق ودروب الخديعه=وان في عـيـني عن الجـارات تحـصـين ومناعه
وان روحي لو يشين الوقت ماترضى الهزيعه=وان لي بجـبـال حـايل لابــةٍ بان ارتفاعه
واننا ريف الضعـيف وراحة الـضـيف وربيعه=ومن رفع صـبـعـه علينا بالـردى نـقـطـع ذراعه
مانخـاف من الـشـدايـد لـو مـنـاظرها فضيعه=ولا نـقدم في هـوان الـنـفـس حـب وشـفـاعه
يكـفـي ان اهل الحرايب تجـمـع الـعـالم جمـيـعه=تجـتـمـع من دون قـرب ولاعروق ولا رضاعه
دون سبع جـمـوع تدفـع صـوبـنـا كـامل نجـيعه=ماتقارب سور دارٍ تـمـتـلـك طـيـب وشجاعه
حــال مـن يـحـلــم بـظـلـعٍ شـامـخٍ مايستـطيعه=او يجي غــابــة وحـوش ترهب الخافق سباعه
ان وقـعـنـا ماجـزعـنـا من لواهـيب الفـجـيـعه=وان مـشـيـنـا شفت غالي خـيـلهم معـنا قلاعه
من مواكـيـر الحـرار اللي على راس الـرفـيــعـه=ولاجل كسب المال مانرضى هوان ولا دناعه
نكرم الطيب ونـغـلـي موقـف الطـيب ونذيـعه=وان تكلـمـنـا نسـوق الـهـرج عـن علم وقـنـاعه

ياحيالله أبو فهد

عوداً حميداً

رآوينا القدير وشاعرنا الكبير

فواز ابن غسلان


يعلم الله لك وحشه يالعزوة
فحل شعار ماتجلب إلا الدسم
صح السانك وسلم بنانك

يالعزوة

تقديري لشخصك الكريم ؛؛؛

كفو يابو فهد


صح السانك بعد حيي

الراوي ابن غسلان
صح لسانك وبيض الله وجهك
تحياتي لشخصك الكريم

ذيب يالشاعر

ابيات قويه اخذتنا من خلالها لفضاء خارج عن الإراده

صح السانك

الراوي ابن غسلان

صح السانك وبيض الله وجهك


لاهنت يابعدي

مانخاف من الشدايد لو مناظرها فضيعه
ولا نقدم في هوان النفس حب وشفاعه
يكفي ان اهل الحرايب تجمع العالم جميعه
تجتمع من دون قرب ولاعروق ولا رضاعه
دون سبع جموع تدفع صوبنا كامل نجيعه
ماتقارب سور دارٍ تمتلك طيب وشجاعه

صح السانك وعلا شانك

يابو فهد

راوينا الفاضل ابن غسلان

صح السانك

تسلم يمناك يالنشمي

نكرم الطيب ونغلي موقف الطيب ونذيعه
وان تكلمنا نسوق الهرج عن علم وقناعه

والله ونعم يابو فهد

قصيدة مليئة بالشموخ والفخر

صور شعرية رائعة

وصح لسانك وبيض الله وجهك

لاتحرمنا من روائعك

ربي يوفقك

نكرم الطيب ونغلي موقف الطيب ونذيعه
وان تكلمنا نسوق الهرج عن علم وقناعه

كفيت ووفيت وبيض الله وجهك

صح السانك