من بين شـمر خص هم وضعهم غير

هذه الابيات كدت ان
اشارك بها حفل الهيافا بمزاين شمر
ولكن
كان سبب عدم المشاركة تأخري بالوصول
واعتذاري عن المشاركة عندما شاهدة ازدحام الشعراء

مبداي بسم اللي عليه التياسير=وعلى النبي افضل صلاة وتحايا
والله يمسي كل منهو حضر خير= الشمري او من جميع البرايا
الشعر والشاعر وحلو التعابير= اسـوقهن على الهيافا هدايا
الجزل يزهي بالوجيه المسافير= في ملتقى المجلا بوسط الطنايا
ربعٍ لهم عندي معزه وتقدير= كرام النفوس جزال مد العطايا
نجيب داعيهم وناتي مسايير= هذا هو المطلوب وغاية منايا
واكبر فخر ياجيت يم المناعير= بنوك الرجال وبالمفاخر ملايا
وهم مزبن اللي وهقته المقادير= اللي تعرض له سهوم المنايا
مزبان من حده زمان المعاسير= مجلا وتدريبه جمع البرايا
من بين شمر خص هم وضعهم غير= مزبن ومأمن من حدته البلايا
وان طوحن بأصواتهن الغنادير= بالموقف اللي به يباس الشفايا
بان السعد بوجيههم والتباشير= وعند اللزم يردون حوض المنايا
رديهم مابين ابازيد والزير= همه الى العليا يسوق المطايا
هذا وانا ماقلت كذبٍ وتزوير= والناس تدري بالعلن والخفايا
وصلو على اللي سيرته كلها خير= اللي ترك فينا خيار الوصايا

سطم فهد الخليل

والسبب في تاخير نشرها هنا هو ضياع النسخة الأصليه
وكان جاري البحث حتى وجدت المسودة بين اوراقي

شاعرنا الكبير مقاماً القدير سطم بن فهد الخليل
ابو فهد
خالي صح لسانك مدد بلا عدد
خالص التحايا لسمو شخصك النبيل

صح لسانك :وهم يستاهلون ومن حضر ماغاب ومن قدم ماتأخر والكل يعلم أن الإنسان له ظروف خاصة وموانع خاصة وأنت ماقصرت حفظك الله ودمت بخير,,,

الله يرفع قدرك ويعز شانك ويصلح لك النيه والذريه يابو فهد

الف صح لسانك وطاب فالك وبيض الله وجهك وجمل الله حالك

انت نبراس شعر ومرجله وربعك الضياغم نبراس عز ومجد وشموخ

الف شكر لك ولاهنت وطول الله عمرك على الطاعه واسعدك بالدارين

تقبل مني كل التحايا

سطم فهد

صح لسانك وعلى شانك وفيت وكفيت يستاهلون الهيافا ..

انت وافي ياابو فهد

كلامك جزل

واختيارك موفق

تقبل مروري وتمنياتي لك بالتوفيق ودوام الصحة والعافية ......

الجزل سطم فهد الخليل


صح لسانك وعلا شانك وبيض الله وجهك


اسجل اعجابي ماتطرحه

حفظك ورعاك الله

محمد الشميلي

احييك واحيي الملاااله

ودمت بسعادة

المشرف العام

البناخي هلا بك وبمرورك

ولكم اطيب تقدير

بهلول الزميلي

يامرحبا بك والف هلا

ومرور غالي وراعيه غالي ومن غالين

احترامي لك

نهير النمش

هلا وغلا

الحقيقه الهيافا يستحقون وانت تستحق على دعوتك

ولكن انت من واجه لاحراج من الشعراء

اثناء الحفل نظرا لكثرتهم و لعل ذلك شافعا لأعتذاري


وكما يقال الردة تعوض بالشردة

والف شكر على جزيل عباراتك