قبلان الشراري

23-02-2007

هذه الابيات قلتها عندما طلع ابو بدهان واطفاله الصغار على شاشة الساحة

حيث كان يطلب قبلان العفو عن ابنه وهو يقول ويعيد (( مافوق يدك الا يد الله ))

يالله تصخر لنا قبلان = ياواحدٍ احد وياهادي
يالله تستر على بدهان = يالله تفكه للأجوادي
هلة دموعي من الاعيان = من موقف احرق فوادي
من شفت شايبه والوغدان = ينخى لقبلان وينادي
موقف تقشعر له الابدان = كله حزن كله انكادي
اعلم انا في خطاء بدهان = ابليس للشر قدادي
ادرك انا جرحكم يافلان = لكن لو يقص مافادي
قبلان لاتفرق الخلان = جربت كيات الإبعادي
خله لربك عظيم الشأن = تبقى لكم عنده سنادي
في يوم ترجيحت الميزان = تصير للنقص سدادي
في جاه ابو متعب بليهان = تسطر لكم عنده امجادي
وبجاه من حفظ القران = شيوخ تمنى لك القادي
قبلان قبلان انت انسان = لاتضيع الاجر بعنادي
يابو عتيق العن الشيطان = يبيك للشر تنقادي
اليوم كل المخفى بان = على الهواء يبث ويعادي
اهل المدن والقرى والضأن = وابعد بلد واقرب بلادي
والساحة اعلن بها اعلان = لك وقف ارسالها العادي
الكل يطلبك بالإحسان = يوم على يوم تزدادي
علم الردى يرث الحقران =يعيش راعيه بحدادي
والطيب يبقى مع الازمان = اجر وغنيمة ومقعادي
تفوز في طاعة الرحمن = وبسلوم الاباء والاجدادي

ابوعمر الشمري

23-02-2007

الكـل يطلبـك بالإحسـان=يوم علـى يـوم تـزدادي
علم الردى يرث الحقـران=يعيـش راعيـه بحـدادي
والطيب يبقى مع الازمـان=اجر وغنيمـة ومقعـادي
تفوز في طاعـة الرحمـن=وبسلوم الاباء والاجـدادي

جزاك الله عنا وعنهم خير الجزاء

اخونا / ابو عمر

ماقصرت وبيض الله وجهك وعسى الله يهدي الشيخ / قبلان
ويستجيب لهاالدعوات اللتي وجهة له من كل انحاء العالم وأن لايفوت فرصة كسب
الطيب والأجر بنفس الوقت والشرارات معروفين بكرمهم وحسن خلقهم
والله يكتب اللي فيه خير وخيره

من القلب اشكرك يالشاعر

تتقدم منتديات / نشامى شـــــــمر / بالشكر الجزيل / لسعادة الدكتور / سالم الشراري / لكلمتة اللتي قدمها / عبر الهاتف / بقناة الساحة / وبيض الله وجهه على كل كلمة ن قالها ورددها ولاهي غريبه من إنسان مثقف ومتعلم مثله / والشكر موصول لجميع / شيوخ الشرارات / الذين قدموا الغالي والنفيس لعتق رقبة / بدهان الشمري / ولاهي غريبه من شيوخ الشرارت قدها وقدود والله يوفق الشيخ / قبلان ابن عتيق الشراري / بنطق كلمة العفو والصفح فهوا أهلا لها إن شاء الله / كلنا أملنا بالله ثم بالشيخ قبلان