15-09-2006
|
#1 | |
 
|
ولد الشمري وبنت القحطاني
السلام عليكم ورحمة الله وبركاته
مساكم الله بالخير والرضا شلونكم عساكم طيبووون الله يرحم الوالد كان يسولف لي عن كل شي يجري معه بالحياة ويعلمن وكنت اقول لوه خلنا نسير يم فلان وفلان من خوياه وكان يقول انت تاويلي وتشوفن قاعد بالبيت ولا تبيني اقعد قلت لا والله من غلاك اغليت حتى خوياك واشتاق لسوالفكم المهم من عرض حديثنا وكلامنا كان يسولف لي مرات عن العشق وعشق الاولين معروف ماهو مثل كلام هالوقت يقول مره بالزمان الاول كان هناك فخذ من شمر عايشيين بلهم متسان كلوه خضار وربيع ونعوم وكان فيه فخذ من القحاطين نفس السالفه عايشيين بمتسان زين بس مع الوقت صابوه محل انت يا متسان القحاطين وقرروا يرحلون وينزلون عند شمر بمراحهم المهم رحلو ونزلو عند شمر فيه واحد من شمر بيتوه متطرف وهو راعي حلال ومابوه الا هو وولدوه جذع وزوجتوه المهم جا واحد من القحاطين ونزل بصفوه لانهم اهل حلال وجيره المهم سووا الواجب الشمامره وقاموا بواجب القحاطين خير قيام. القحطاني اللي نزل بصف الشمري المتطرف بطرف العرب عندوه بنت ومع الولفه ورعي الحلال توالفوا بنت القحطاني وولد الشمري على بعض وحبو بعض حب شرف ومع الوقت والجيره قرروا القحاطين يرحلون ويرجعون لديارهم وهالخبر وقع مثل الصاعقه على البنت والولد وجت البنت وقالت للولد انت تحبن حب شرف وصادق قال ايه نعم قالت تبي تزوجن قال ايه نعم قالت شف انا عندي عيال عم واكيد يبون يخطبوني بس انا ابي اتعذر من هالحين الى سنتين قدام وبعد السنتين ويوم ليلة عرسي لو ما جيت قال خلاص تم المهم راح الوقت ورحلو ومشت السنه الاولى وبدات السنه الثانيه ومر منه 4 شهور والولد حن وتردت حالتوه بالحييييييييل ما ياكل ودايم مهموم الابو والام خافو عليه جابو لوه طبيب وعلوم وما فيه فايده المهم فيه عجوز جابوه لوه تتسويه يوم شافته ونشدتوه قالت لابوه مرض ولدك ماهو بالبدن مرضوه هواء وراحت المهم جا الابو وقال للولد علمنا منهي البنت وابشر باللي يخطبه لك وقال الولد قصيده به اسم البنت القحطانيه اللي جاوروهم من هالسنين قال الابو خذ بارود وكيس فلوس وفرس اصيله ورتساب ذلول حمله من كل شي خيرات وقهوه وملابس لابو البنت وقال لولده توكل على الله دورهم واليا لقيتهم اخطب البنت وربي معك المهم الولد مشى وراح يم ديارهم وهو يمشي 6 شهور يوم قربت السنه الثانيه تقضي المهم وصل عند رعيان وحلال قال ابي اريح جنبهم للعصر وامشي يم عربهم تقريبا وقته حول الضحى يوم حط راسه وهو ياخذوه النوم وهو يفزع على صوت واحد يتخطفوه يوم قام الا هاك الذيب يفتر عليه يوم راعا الا بارودوه بخردز الذلول والذلول بعيده عنوه وهو يبلش وهالبليه دزداموه قال مالي الا اني اتعافر انا وياه المهم وهم شيل وحط يما صار حول اخر الظهر يوم تشققت هدومه وتمخش وكلوه دم وهو يفطن لخنجر بمحزموه حدر الملابس وهو يمعشوه وهو يشق بطن الذيب الا هو سادحوه ميت وهو يقع بصفوه وهم يفزعون الرعيان وهم ياخذون حلالوه وبارودوه وفرسوه وكل شي وما بقى منهم الا واحد مالقى شي قال اخذ الجريح اداويه وهو ياخذوه يعالجوه وهو يقعد عنوده حول الثلاث ايام يوم جبرت جروحوه وتشافى وهو يقوم يتمشى يمار مابوه خلاف يمار المده اللي هي السنتين البارح اخر يوم به قال لوه المعزب الحمد لله على سلامتك وش رايك نبي نروح يم عرسن البارح بجنبنا نتقهوى عندهم قال بكيفك وهم يروحون يوم وصل الا هذا ولد عم البنت اللي هو يبي عريس وابوه مراتسيه وابوالبنت وعيال العم كلهم يوم شك بالسالفه قال للعريس مبرووك وسلم على الرجال وقعد المهم من عرض الحستي درا ان البارح عرس البنت اللي هو يبي والعريس هو ولد عمه وكتمه بصدروه وقعد يسولف وهم ينشدونه شلونك عساك بريت يالشمري قال جروح البدن بريت بس جروح القلب تفتحت وما تبري المهم طنشوا جوابه بس العريس ما طنشوه قعد يفكر بجوابه يما طقت الشفايه براسوه قال فلان يصوت للشمري قال سم قال تعال ابيك وهم يقومون بتمشون برا البيت قال ابي انشدك بالله وابيك تجاوبن قال ابشر مالك الا اللي يقول لك الصدز قال وش معنى جوابك من شوي ابي تفسير واضح لوه انحرج الولد وقال لوه بصراحه انا ما خليت ديار شمر وجيت لديار قحطان الا علشان فلانه والحين هي اعرست وانت رجله وانا زي ما انت شايف غزاني الذيب وجرحن وحلالي خذوه الرعيان ولاني رادوه وانا اسعد واحد يوم دريت بعرسكم ومن هالكلام قام يصرف عليه قال طيب ابي اطلبك وابيك تقول تم قال باللي اقدر عليه تم ابشر باللي تبي هو ما يدري وش يبي منوه العريس قال تم قال تم قال نبي نرجع الحين للبيت ونبي نسولف ونضحك وابي اسالك بالله ثلاث مرات وش جابك لديارنا يالشمري والمره الثالثه ابيك تقول ما تركت ديار شمر وجيت لديار قحطان الا علشان فلانه وانا ابي اسوي الواجب قال يابن الحلال خل عنك وانسى الموضوع قال انا طلبتك وانت اعطيتن وخلاص قال الشكوى لله ورجعوا وفعلا قال العريس يالشمري ابي انشدك بالله قال الشمري انشد قال انشدك بالله قال انشد قال انشدك بالله تجاوبن الصحيح وترا فلانه حرام علي لو ما قلت الصحيح قال انشد قال وش جابك من ديار شمر لديار قحطان؟ قال والله ما جيت وتركت ابوي وامي وتركت ربعي وعزوتي وجماعتي وديار شمر الا علشان فلانه وهو يقوم القحطاني للعمود اللي بربعة البيت قال القحطاني تراهي حرام علي وحلال عليك من هالساعه وهم يسكتون شوين وهو يقوم القحطاني ويطلدزه ويعقد لوه عليه ويتزوجه والاولين ماهم مثل هالحين عده وكلام المهم جا ابو البنت واعطاه حلال ورتساب وقال شف يا ولدي هذي فلانه زوجتك وهذولا قبيلة قحطان اهلك ان بغيت تقعد بيننا معزز اخو وضيف ليوم الدين تراك بعيوننا وان بغيت تمشي ما اوصيك على فلانه قال والله ابي امشي لديرتي ودي افرح ابوي وامي قال ربي سهل عليك ورجع مغطى بطيب القحاطين وفعلهم اللي محد يسويه المهم هالقصه تبين طيب القبايل بين بعضهم وشهامتهم |
|
|
|
16-09-2006
|
#4 | |
|
الإدارة
|
الاولين مااحد رايح يسوي سواياهم
شجاعة وطيب ورجوله جامعينهن رحمهم الله اشكرك ياعايد |
|
|
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي
|
|
16-09-2006
|
#5 | |
|
قصه جميله جدآ
سلمت ولاهانت يمينك عالنقل الموفق اخوي عايد محمد كل الشكر والتقدير اطيب التحايا |
|
|
مجتمع يرفض الطب ! و يسيء الظن في الطبيبات !! وحين تلد النساء ، يبحث عن " طبيبه " !! مجتمع متناقض  !
|
|
27-09-2006
|
#6 | |
|
مشكوووووووووور يا عايد الف شكر الله الله قصة مشوقه جدا وكلها رجولة وشهامة صراحة اندمجت معها وانا اقرأ وسرحت بخيالي مع القصة لو ماهي حقيقة كان قلت انها خيال ولكن كل شي ممكن والاولين اهل شهامة ونخوة ماهم مثل هالايام الشهامة شرق وهن غرب :) |
|
التعديل الأخير تم بواسطة تشكراتي ; 27-09-2006 الساعة 01:39
|
|
28-09-2006
|
#7 | ||||||||||||||||||||||||
|
جزاك الله خير ومن قال ما هان اخوي فارس يعطيك العافيه على المرور العطر |
||||||||||||||||||||||||
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام
العرض العادي
