22-12-2012 | #1 |
|
مشوي جرادة مشكوك في وضعها بالنفود !!
بسم الله الرحمن الرحيم السلام عليكم ورحمة الله وبركاته شلونكم طيبين شلون وغيدانكم .. جهمة يوم الخميس الموافق 7/2/1434هـ طلعنا قيلة خفافية شمالية بالنفود بغينا نندفن المهم الفطور جمرية والغداء حبة جرادة وحدة مشوية تقاسمناها واحتمال تكون جخدب بس خالي يقسم وحنى نقتنع بكلامه والعشاء المبكر لحيمات حاشي متموسة تصلح للشيبان اترككم مع بعض الصور المتواضعة :- هالسلطة المنزلة قام يصالقه اغرقه من زيت الزيتون يقول ماتضر لكن انا بغيت اموت انخشيت من يوجعه راسه .. تروا الشاي طبه خاص للمخشوشين اللي يحبون المشاريق ... سؤال يطرح روحه شلون الواحد يعرف انه مخشوش ؟؟ الجواب يروح يجلس بالمشراقة اذا حس بله تقل نمل يتورشعه فان الخشة لاعبتن به لعب صور من الموقع راعي هالجيب شكل قلبه خضر يوم شاف ثوب خالي الادهم وهو يشتط طالع نازل عمسنا بالغبار الا شفة فنجال يحسبه جلال مزيونة اما هذا حكايته حكاية يقول ذبحه العشق يوم هو صغير وجار عليه يما مرج عقله والان هو بس يقامز حويه وجمعها حوايا وتسمى ايضا حفيرة او حفاير يجمع بها الماء بعد الامطار لفترة معينة للاستفادة منه يقولون انهن سلوك بواجي الطيارة اللي وقعت من هالسنين بسبب رضمه غدانا الموقر المشكوك في وضعه .. الله يستر كان مهو جخدب هههههههههههه المهم كليناه حدا الخويا انوجع وانصدمت تسبده طازج وماهو مبستر خالي الموقر يجزر ذبيحتنا ... شهادة حق مليانة دسم ضروري الواحد يتدفا عقبه |
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام