ديوان الشاعر / عطر الحكي

اقتباس المشاركة الأصلية كتبت بواسطة عيد بن قيضي البلوي على الهون يادنيا انـا البارحه كنّي على صالي الجمر= اكابـد هجوسٍ داخل الصدرمكتضــه توارد على قلبي جماهيرها زمــــر= ليـا صدّرت تقل اجتماعات منفضــه مبيت الذي خايف من الذيب والنمر= تنفس صباح الليل والطرف ماغضه على الهون يادنيا مغاتيرها سمـــر= ولا يمكن ان انحاسها ينقلب فضـــه تمنيك في طول الامل بأول العمـــر= وتال العمر ترجع على العظم وتعضـه ولو طاوعت عشاقها بأول الامـر = لمنّه صفا مشروبها ترجـع تخضـــــه نقول انها تثمر وهي مابها ثمـــر= تقلب لها لونين سوداء ومبيضـــــه وسلامتكم

....................
اخي الشاعر القدير / عيد بن قيضي البلوي
تقبل هذه المجاراة المتواضعة ايها الشاعر المجيد
..............

الى عيد بن قيضي توجه بها ركضه !!

	على الهون يامبدع قوافيه بالشعري = تريض ووقف لي وخذ تالي النبضه أبكتب مجاراتي على الطرس بالحبري = إلى عيد بن قيضي توجه بها ركضه تنهدت من مابي وفحيت من صدري = مشينا على حاف القدم نرعص الرمضه أجاهد زماني واكظم الغيظ والقهري = وأعزيك ياروحي بالأقدار منفرضه نشينا على اللوعة تغربلت من صغري = يلوح الأمل ويغيب ياعيد في لحظه نداعب هنوف ٍ تسحر الناس بالسحري = تبسم وتغرينا بلمعاتها الومضه هنوف ٍ نغازلها مع الصبح والعصري = تشم الجروح ولعلل سبت النقضه طويلة حبال وتطوي الناس بالغدري = تشارف علينا من وراء السور وتقضه

...............

عامــر القبع ( عطر الحكي )