وقار وزريه

مســـاء الخير


مصافحة اولى للشاعر فايز بن جبيل


وقـار وزريـة

كثرة وانا ما بين هذي وهـذ يـك=حاولـت اقللها وكـثـرة علـيـه
ليله عوى ذيب وليله عوى د يـك=وكل" نوى عسـر الليالـي بنيـه
هذا تبع مسراك وهـذ ا مسريـك=وهذا ورى دربك يحـث المطيـه
يا شينها لاصـار وقتـك معاديـك=حظـك ردي وليلتـك سرمـديـه
من اول " ضاقت بعينك مساعيـك=لا لـك بهـا روحـات ولا مجيـه
واليوم اشوفك ضايع" في مماشيك=لا الدرب درب ولا الحذيـه حذيـه
والعبره اللي بالحنايـا تنـا ديـك=اسمع رعدها مثـل وسـم برديـه
سحابة" فيهـا جروحـك مباريـك=تبي الظلـوع المعشبـه والنديـه
عيا رعدهـا يـا عيونـي يبكيـك=يالعين ما با قـي وقـار وزريـه
هلي علـى جفـن" تعنـا يناجيـك=لو مـرة" خلـي وقـارك شكيـه
ما عمرنا يالعين شفنـا شكاويـك=ولا شك مانتي من جروحك خليـه
الصبر ماهو دايـم الـدوم بيديـك=واخاف انـه ينفلـت مـن يديـه
معك على موتي موقع على شيـك=نبصم قبل ناطى حيـاض المنيـه
وكانه على قبري تراني مخاويـك=الخـوف ماعقـب قلـوب" قويـه
الموت ماهو جاهل" بـي ومغديـك=الموت لا صـارت حياتـك شقيـه
وياحلم ماني واقف" فـي محاريـك=ويالعين اضناك السهـر والخطيـه
وياقلب ماني شايف" مـن يسليـك=منته خوي اللي سرى عن خويـه
وياجرح ماضن الدوى اليوم يشفيك=لاصـار مقصدنـا دروب" نبـيـه
لابد ماناطـى حفـوف وشرابيـك=هالدرب شايك والخطـاوي حفيـه
الكل سامك من يبيعـك ويشريـك=كنـك بعيـن البينـه والخفـيـه
الحيل طايح وابتـدى ليلهـا فيـك=لا الصبح صبح ولا المسيه مسيـه
طيبك وعيبـك ماتخلـي مباديـك=والناس شحـت بالوجيـه الوفيـه
واليوم شفتك بين هـذي وهذيـك=من وين نبدا يا لـدروب الرديـه

دمتم بخير ...

ياسلااااام

راااائعة راااائعة

تسلم إناملك

ودي

تسلم اياديك اخونا القدير فواز بن جبيل
صح لسان الشاعر فايز بن جبيل مدد بلا عدد
خالص التحايا لسمو شخصك النبيل

صح لسان الشاعر فايز الجبيل
ااااااااااااااالف
ودي لك يسبق ردي

اقتباس المشاركة الأصلية كتبت بواسطة قمرا سماه ياسلااااام راااائعة راااائعة تسلم إناملك ودي

تسلمي اخت قمرا
يسعدني مرورك

اقتباس المشاركة الأصلية كتبت بواسطة المشرف العام تسلم اياديك اخونا القدير فواز بن جبيل صح لسان الشاعر فايز بن جبيل مدد بلا عدد خالص التحايا لسمو شخصك النبيل

صح ابدانك
ويشرفني مرورك تقبل شكري

اقتباس المشاركة الأصلية كتبت بواسطة المهاجر صح لسان الشاعر فايز الجبيل ااااااااااااااالف ودي لك يسبق ردي

سلمك الله ويشرفني مرورك

رائعه من روائع المبدع فايز ابن جبيل شاعر وله بصمه فهو من يقول
-
امسن بنات وصبحن بي عجايز **** اهموم قلبي يابو نادر مشافيح
ذبحتهن وقلت راحن جنايز **** ودفنتهن والصبح جني مراويح
-
صح لسان شاعرنا فايز وكل الشكر لبو سطام على النقل الجميل

اقتباس المشاركة الأصلية كتبت بواسطة سليمان بن جبيل رائعه من روائع المبدع فايز ابن جبيل شاعر وله بصمه فهو من يقول - امسن بنات وصبحن بي عجايز **** اهموم قلبي يابو نادر مشافيح ذبحتهن وقلت راحن جنايز **** ودفنتهن والصبح جني مراويح - صح لسان شاعرنا فايز وكل الشكر لبو سطام على النقل الجميل

تسلم ياتاج رؤسنا