ديوان الشاعر / {بعيدالنظر}

	من العايدين يالنشامى

الأحبه الغالين النشامى الرائعين
السلام عليكم ورحمة الله وبركاته
لكم أنتم اتيت بهذه المعايده
وعساكم من عواده
وكل عام وأنتم بخير
وسامحوا تقصيري

	لاإله إلا أنت وحدك قبل نبـدى بالقصايـد=لاشريك ولا مثيـل ولاشبيـه ولا مشابـه ما عبدنا إلا أنت في وقت الرخا ولاّ الشدايد=نهج سيدنـا محمـد والأئمـه والصحابـه لانحيـد ولا نزيـد ولاتغيّـرنـا العقـايـد=مؤمنين بمن على خير البشر نـزّل كتابـه بعدها جيت استفز الشعر وأرقى كـل نايـد=شاعرٍ مثل البحـر لامـاج سباحـه يهابـه كل مانكتب نزيد وغيرنـا ناقـص وزايـد=عندهم مثل الضباب ولاكتبت أمطر سحابـه عسجديات الحكم والقـول أنظّمهـا قلايـد=وأرتفع عن حنشل التفكير وعيون العصابه قالوا(من العايدين الطيبين)وجيـت أعايـد=للنشامى وأهلها ولكل مـن حرفـه زهابـه بارك الله عيدكم ياكل عضـو وكـل قايـد=كل من شارك ومن هو زار ماينقص حسابه شرع أبواب الفرح حتى لو إن الوضع كايد=وإبتسم وإفرح لو إن الهم تعوي لك ذيابـه في عيون الطفل تلقى العيد بالأفراح سايـد=في عيونه وأجمل ألعابه والأبيض من ثيابه إعتبر نفسك طفل وإنسْ الهموم وروح عايد=وأطلب الله موقنٍ بالخير وإبشـر بالإجابـه