ساهر الشعار اهدى للاخ الغالي عبدالعزيز البليهد

بسم الله الرحمن الرحيم

هذا اخوي عبدالعزيز البليهد يدور الشطحات دايم ولقاء علي شطحه وكتب لي يقول
هل انت متقهوي مع طلاع الزميلي
قلت له ياخوي انت نبي نسميك ساهر الشعار فكتبت هذه الدعابه لاخوي الغالي عبدالعزيز
عسى ان تنال اعجابه واعجابكم جميعا اقول

ودي اكتب شعر كل شوي لكن خايف = خـــــــــايفن من ساهر الشعارلايلقطني
لوبغيت اطوف من عنده فلاني طايف = يلقط اللوحه وثمن بالجــــــزاء يلشطني
لاتظنّه يوم يغضي عنك مــاهو شايف = انتــبه خلك حـــــــــذر تراه نبه وفطني
ايترصد غلطة الشاعرســوات الحايف = لوبغيت اكتب من الجزلات هو لخبطني
خايفه لاينشـــــر الغلطات بالصحايف = وخايف انه للسمك وسط البحر يقرطني

شكرا لك ابو عبد الرحمن

وننتظر ساهر

صح لسانك ياعميد الشعراء ولاهنت

ساهر صار اخيذة ضحى بس كل واحد ياخذله مصلاب ويترصد له بالطريق

سلمت ودمت شاعرنا الفاضل واسمحلي نقلتها لقسم الشبه وننتظر ساهر

تقبل تحياتي

الله يجزاء ابن بليهد
عنا خير الجزاء الحقيقة ياكثر لقطاته الجهنميه ولها ذوق ورونق خاص
بيض الله وجهه اللي اثار حفائظ شعراءنا وخلاهم يونسوننا بشعرهم الجميل الرائع الاأخوي
ابو عبدالرحمن
لاهنت يالعزوة
تقديري لسمو شخصك الكريم ؛؛؛

تسلم أبو عبدالرحمن
وصح لسانك ملايين يالغالي مبدع بكل حالاتك حفظك ربي ورعاك.
تقبل فائق أطيب التحايا والتقدير،،،

الله الله

صح قلبك

جدا رائع

ساهر الشعار لأجلكم ياصحاب الجمشات المحترمين لاتقطعون رزقنا هههههههههه

لكن عقب هذي نبي نسلط عليك الرادار يابو عبدالرحمن

استلم القسيمه :

لك من العقله ليااااااا الهدا بالطايف = انسج الجزلات والغلط مايطني
ويانويت الطعس لاتشمر سايف = الدروب سهال وبعضها كالقطني
رح تراك بحل لك مكانٍ نايف = خايف عقاب القصايد لازعل يزرطني

شكرا لكم جميعا ايها الاوفياء
ماقدر اكثر الحكي خايف من ساهر
الله لايهينكم جميعا

ابيان جميله ولها رونق خاص بدعابتها الحانيه بالحنيه والاخوة
صح السانكم والله يعطيكم العافية
ودي لك يسبق ردي

صح لسانك ابو محمد رد وافي ومشعل مايقول شين اخبره

بس ابو طلال اشوفوه يلقط رضم وشكله يبي يتهوداك لان مابهذله غيرك

سلمت والله ابن بليهد وسلم اخو الدهمان ولاهان ابو طلال وجميع الاخوان

الله يديم المحبه ولايغير علينا