مدورين (الفقع )

صباح /مساء الخير والربيع والفقع --------

ياخيويني اهل هالديره مايذكرلنا الربيع والفقع بمتسان الارحنا نركض عاضين شلاننا عاد احله جانا صدمه طايره عيونه براس هامته مختلف يقول ماتدرون جينا لنا متسان ماحطته الدنيا ربيع والفقع (الكما)ملي الارض نتخمع به من كثره




ويذكرلنا الديره قلنا عادهذي مايبي له مشاوره مشينا له ياصدمه وناخذ عزبتنا وعلى سياره صدمه من هالسنين يقول الاعليه متفائل به خير





ونتخاوا بريق الماس وعساف وجدته وانا يامحاتسيتكم والدليله صدومي والله ونمشي يما استدارت روسنا وصلنا على خير يوم المتسان يزغت على ذكر صدمه اثاريه صويدز بالعاده مايخلا من الارينبات لوماهوبالحيل بعض الحتسي اللي قاله قرطناه بالطريق المهم خيمنا واستانسنا وجمعنا من الفقع قومه وقعده ونسوي غدانا ونملاها من الفقع وكلينا يما بغينا نهفي لولا سترالله




جاء الليل وسوينا العشاء يوم تعشينا وحنا نجتمع على النويره وقهوه وتعاليل مامثله





وجدة عساف ماخلت سالفه من سواليف الاولين ماقالته لناوانا اسنع له واترجم بعض المفردااات لخويااي تخبرون مايعرفون حتسينا العسفي وبروقه لاوصدمه يعني اني متطورة حميده---
يوم غدى الليل ليلين تقل استاحشنا وذلينا ولامن سبب بين المهم صدمه قال ياويل واحد يذل وانا معكم انا حتى البارود فيده جدي جبته اما والا -------

والله يوم سمعنا طاري البارود وحنا نهجد ونرتاح والاقبل تلاوذ عويناتنا من الخرعه ----
شوي والانسمع عواء اكالذيب اللي تقل زلزل الارض والضلعان من حولنا يادافع البلاء تقل بوسطنا وحنا نتقامز نبي نزبن الخيمة----
>>هذي بريق فك الله رجليه من القهوه زعته من العجله
>>وهذا العسفي تلولس بغدفة جدته بغى يغوله يوم انطلق للخيمة والعجيز بثره تزحف
>>وهذا صدمه برمشه عين الاهو متشابط مع عامودالخيمه وينتفض ---
>>>وانا الله لايوريكم تجشمت النار وتشلوطن رجليي ماراشوا خيره راحت الخشه وطابت مواجعي عقبه –
قعدنا نصيح لابو بارود ياصدمه ياصدمه يوم ماااش ماهو لمنا طايرة عويناته بسقف الخيمة تقل مدخوش
--الوكاد احتسنا وذلينا وبقاعة الخيمة غدينا تقل غنم ممطوره على هالحتسي قعدنا محاري الساعة ولوهي مطوله تسان من صيدامس >>مادرينا الا الروس تويق علينا لاهذا ملاقي وهايدي اثاريهم هم اللي عاملين بنا هالعمله يقولون ليه تخلوننا ماعلمتونا الوكاد جونا يوم حنا مستوين ورايحة عقولنا وصدمه يالله يفكون العمودمن يديه متشنج المهم شافونا يوم ماحنا اخوياهم اللي يخبرون نكسوبنا للديره وحناعين للغراب وعين للتراب يوم ماننفع متقعطلين توجهوبنا لتأهيل الشامل لولا الله ثم ابوطارق فزع لنا ودري ان اللي مقعطلنا الخرعه والاحنا حليلين مابنا بلاء قبل هالسالفة >>>هالحين عاد يوم تشاوينا مانداني طاري الفقع ونبي نااخذ ثأرنا من هالثنين هايدي وملاقي تسيف نقول ياجماعة الخير عادصدمه متوعدهم مادري وش ناوين عليه ماراحسن يستاهلون

>>> اللي يبي يروح يدورالفقع يملا لنا كرتون ويجيبه لشبه حنانسينا كراتيننا هناك ولوتشرطون لنا مانكسنا يوم الله عقلنا

هههههههه
خوووش طلعه ومقلب جامد
اما سيارة صدمه ماشاء الله روعه حتى اللوحه مميزه

الله يعطيك العافية اتعبني

اقتباس المشاركة الأصلية كتبت بواسطة ابو يزيد الشمري هههههههه خوووش طلعه ومقلب جامد اما سيارة صدمه ماشاء الله روعه حتى اللوحه مميزه الله يعطيك العافية اتعبني

ياهلا ومسهلا حي الله ابويزيد الرائع حظورك وبالحيل منوريابعدحيي

اقتباس المشاركة الأصلية كتبت بواسطة محمد الشميلي هلابك أتعبني غلااااك بصراحة أعجبتني القصة وعشت معها جو !!! لكِ التحيات والتقدير الله يســـــعدك وعســــانا مانعدمك.

ياهلاومسهلا ابوطارق منوربالحيل وانا يعجبني حظورك بل يسعدني لاعدمتك

اشهد بالله انتس اسطوره يالنشميه
قصة ولا أروع بس احس صدمه مظلووم دايم البلا بغير صدمه وياليت تكشفون اللغز

حلولاتي يهالصحن

ههههههههههه تستاهلون وحنا نتورض انا وهايدي نضربه من الكماء ويوم ملينا سحيناتنا وحنا نقرط المجنن بالحوض فزعه وعلى التأهيل لاتلومونا صدمه متشنق واتعبني ماترمش تقل مزاقيط عيونه وبريق فاتحت افمه وعساف وجدته ناشبين ببعض ههههه ( اتعبني غلاك اعلا تقييم مبدعه )

ههههههههههههههههههههههههههه
ياحلو سيارة صدمه لا وحتى اللوحه مميزه مو للبيع ههههههه
بالعافية عليكم جميع.
أتعبني غـلاك ماشاء الله عليك تأليف جميل جداً جداً أشكرك جزيل الشكر
على كل حرف كتبتيه يالنشميه.
تحياتي لك،،،

هههههههههه
ياعلّه ما عاده هالطلعه
انا قايلن لتس نجيب الفقع بشبة النشامى
وشولوه طلعة البران
حلقي للحين يوجعن من مفتاح جدتي يوم تلولست بالغدفه بطن مفتاحه
رابطتوه بطرف الغدفه

اقتباس المشاركة الأصلية كتبت بواسطة المشرف العام اشهد بالله انتس اسطوره يالنشميه قصة ولا أروع بس احس صدمه مظلووم دايم البلا بغير صدمه وياليت تكشفون اللغز حلولاتي يهالصحن

>>هلا ومسهلا ابوغازي منوريابعدحيي بالحيل >>اما عن صدمه لامامن ظلايم بس القراده متعوتله بكتوفه نفكرنوديه لشيخ يقراه غديه تهون قرادته بس ماندري متى

اقتباس المشاركة الأصلية كتبت بواسطة هاوي البر ههههههههههه تستاهلون وحنا نتورض انا وهايدي نضربه من الكماء ويوم ملينا سحيناتنا وحنا نقرط المجنن بالحوض فزعه وعلى التأهيل لاتلومونا صدمه متشنق واتعبني ماترمش تقل مزاقيط عيونه وبريق فاتحت افمه وعساف وجدته ناشبين ببعض ههههه ( اتعبني غلاك اعلا تقييم مبدعه )

>>> ياهلا ومسهلا بملاقي نبي نسميك ابو المقالب وربي منوراقوى شي لوانك خرعتنا بس الحمدلله طبنا وغدا الشر>>>> عاد اما يصير لك شي هقوتي صدمه نااااويك >>>غديهم يتماسكون الشوش