ديوان الشاعر / نجم الشعر

حي العمل / بقلمي

	العيد فات وجاك وقت الدوامي=حي العمل واخدم حياتك وموطنك خلك امينٍ للوطن والنظامي=واحذر عدو الدين لايصير يفتنك المملكه ديرتك دار السلامي=في حضنها عن المخاطير تحضنك باحضنها يهناك حلو المنامي=مااحدٍ على نومك يخوفك ويحزنك خير الوطن عليك في كل عامي=واصبحت كنك مالكٍ دايرة بنك حق الوطن على المواطن لزامي=وعملك يحكي للبشر دايماً عنك اما وضع لك فوق صدرك وسامي=والا يلعنك وباقي الناس تلعنك خلك على ماقيل فوق السنامي=لاصرت وافي كل المخاليق تأمنك والمحترم يلزمك بالاحترامي=وكيس البصل لاصار حولك يعفِّنك ومن خالفك بالراي قله سلامي=بس الرجاء لاتجي المخطيه منك ترى البشر فيهم دوينٍ اهلامي=والوجبه السريعه ماهي بتسمنك اقولها وبالناس ناسٍ احشامي=لاصرت منهم هذا من طيب معدنك وتوزيعها حسب الرقم والاسامي=جاك الخبر وانت اعرف ايسرك وايمنك واحذر ترى بعض المواقع ظلامي=ترى المعزه في بلادك ومسكنك انت السعودي ماقفك بالامامي=اضمن نظامك والمعازيب تضمنك

نايف الشويب السليمي

امش وتخطَّى / بقلمي

	الحمد للمعبود ربي ومولاي=اثني عليك الخير يارب واحمدك عطيتني خيرٍ تمنيته بدنياي=لك الثناء والجود يارب واعبدك ومن بعدها يالقاف جهِّز لمعناي=اقصد لمعنايه وانا اقوم واقصدك يازين جوي اليوم ويازين مبداي=يامسعدٍ بالي عسى الرب يسعدك ارضيك بالترحيب يامدور ارضاي=وعلى المحبه هذي ايديني بيدك امش وتخطَّى وانا ابقصر لك اخطاي=وعن حالي انشدني وعن حالك انشدك بعد الغياب اللي على القلب كوَّاي=ياشين هاك الوقت يوم اني افقدك فرقاء ثلاث اسنينٍ اعمتني اعماي=لاعاد يومٍٍ ياهوى البال مبعدك ادري انك ماتحب يازين فرقاي=ادري بحبك ياهوايه وتوددك وهذا الذي جايب لك اقصاي وادناي=وخلا العواذل فيني اليوم تحسدك خل المحبه تحرق اعداك واعداي=خلك على موقفك وفيني تشددك ولك التحيه من سموي وشرواي=دام المحبه مقصدٍ لي ومقصدك

نايف الشويب السليمي

عكَّر مزاجي / بقلمي

	على حساب الدين ماني مجامل=وعلى حساب العرف ماني دويني مااطيع من يقول مش وتجاهل=حلفت انا ماهين سلمي وديني مادام عندي روحٍ والعقل كامل=دنياي بيسرايه وديني بيميني وطبعي مع الجميع حسن التعامل=وقساوتي ماتسبق حلمي وليني قساوتي ياناس دمار شامل=والناس قالوا دون الحلق اليديني ودمارها مع نارها والقنابل=حسب المواقف والفطين الفطيني اهل المثل قالوه تحصيل حاصل=ولد بطني هو اللي يعرف رطيني عندي موضوعٍ مايروم التجاهل=لوكان بعض الناس متجاهليني حتى المطوع صار فيه يتساهل=بالعكس هذا صار شيٍ روتيني عكَّر مزاجي ياهل العرف جاهل=الله على بعض الاوادم يعيني البعض لانادى من الناس عامل=اشوفه باغلاء اسماءنا يستهيني ماعنده في قولت محمد مشاكل=لو العامل بالهندوسيه يديني العلم جاكم ياعموم الأفاضل=اخترت لكم جزلها والثميني اقولها وغيري من الناس عاقل=والناس قبلي قالوا العقل زيني

نايف الشويب السليمي

صدقت / بقلمي

	صدقت يامن قلت تال الزماني=فيه الفتن كاليله المظلماني صلى عليك المعتلي بالمكاني=ارسلك بالإسلام للإنس والجن صلى عليك الله ياخير مخلوق=اعداد مالاحت على الغربي ابروق صدقت فيما قلت ياخير مصدوق=اخبارك الغيبيه ياسيدي جن هذا الزمن كثر به الهرج والمرج=ليتك تشوف امتك في وضعها الحرج ياكثرها مير البلاء افكارها عرج=ربيعها مضيعها وحربها تشن بنحورها وصدورها تصنع الموت=حرب الإباده كنها حرب جالوت كم واحدٍ حطوه في وسط تابوت=واصبح عليه البيض بالدمع يبكن بين العرب بالذات شفنا الاعادي=شفنا الذي عن درب الاسلام غادي هايم على عمياه في كل وادي=في خنجره يقتل ويذبح ويطعن هذي شعوب الدين والسلم والعرب=تقتل بعضها والمكاسيب للغرب الغرب مااعلنها على المنطقه حرب=الا بعد ماشاف ناسٍ مجنن الغرب شاف العرب تقتل بعضها=وتخلفوا حتى بحماية اعرضها لين العدو كل الذخاير عرضها=اما غزانا والا اسلاحه مثمَّن اعراقنا مع شامنا مع يمنَّا=عقب الامان اليوم مااحدٍ تهنَّا والقتل والتشريد فينا ومنَّا=اربع اسنين اعجاف فينا يعجّـن بشَّار كل الشعب برجليه داسه=من شان يجلس فوق كرسي رياسه ومن وقف مع بشَّار بقلبه نجاسه=يلعنك رب الناس والناس تلعن خمستها مع واحدها والاتفاقي=تقاسموا الكعكه خلف الرواقي قبل اليمن والشام وين العراقي=والدور جاي الكل بس يتطمَّن الا انتي يادار الكرم والعروبه=يامنبع الاسلام دونك صعوبه دونك آل السعود ماانتي العوبه=سلمان عزك بالشريعه يقنِّن الشعب واحد والوفاء للحكومه=والكل وقت الضيق تظهر علومه عدونا مهزومٍ باول هجومه=سرب الأباتشي فوق راسه يدكِّن ودبَّابةٍ بالارض ورجلي وخيَّال=حنا الشجاعه لابدا كل عيَّال تطمَّني يالمملكه دونك ارجال=طيبه ومكه لك على طول يبقن وصلاة ربي عد مالطير غرَّد=وعداد ماتمطر وتبرق وترعد صلوا على النبي الأمي محمد=شفيعنا يوم الموازين توزن

نايف الشويب السليمي

لا يابعد احلام / بقلمي

	يامعذِّب الاشواق في حالي ارحم=ارحم رحمك الله في حالتي روف طيفك خلاني بالهوى اخاطب اليم=نقشت اسمك عليه من خمسة احروف حبك بقلبي ياغناتي امتيًم=يامعشر العذال ما اسمع ولا اشوف ياابو جديلٍ فوق متنك تليَّم=اضيع وسطه كل ماهب نفنوف كن البرد بين الشفايف يترجم=وكن الحرس بين الرَّواميش موقوف والخد فيه البرق والمزن غيَّم=وكن القمر بالوجه والنحر مخطوف سبحان من فيك المحاسين قيَّم=الطول لايق والبطن فيك سرجوف لاغبت عني كل اهمومي اتخيِّم=النوم مامن نوم والاكل معزوف والشاهد اللي بالمضامين يعلم=لا يابعد احلام واريام مع نوف خدوجتي عليك نايف يسلِّم=بالخافق اللي صوبك اليوم معطوف

نايف الشويب السليمي

ياعونة الله / بقلمي

	كويتنا ياحر شبه الجزيره=من ساحة البيتين لاحد بغداد ياعونة الله مثل حر السعيره=من شرقها لاغربها الحر معتاد ومهبها لاهب تسمع صفيره=لاقل ماطرها بها العج يزداد ياالله تجعلها على الناس خيره=الجو مايحتاج تقرير الارصاد فاتورةٍ فيها المبالغ كثيره=قبل الرواتب شوفها وسط عداد رحماك ياللي مالنا حول غيره=امرك على كل المخاليق ينقاد يالله هوِّن كل امورٍ عسيره=يارافعاً سبعاً بلا اركان واعماد ومن تحتها سبع الاراضي كبيره=فيها الجبال الراسيه كنها اوتاد طيرٍ على المرقاب عاود مطيره=وطيرٍ على ماقيل شلَّع ولاعاد وكويتنا ياحر شبه الجزيره=من ساحة البيتين لاحد بغداد

نايف الشويب السليمي

قالوا لي شجِّع / بقلمي

	قالوا لي شجِّع قلت ماني امشجِّع=انا مااشجِّع غير ذوقٍي وكيفي قالوا صحيحٍ بس قوم وتمتِّع=متِّع حياتك بالشتاء والمصيفي شاهد اخبار المنتخب وتتبَّع=صوت الملاعب عالين له وحيفي قلت النتايج صفر والحال مفزع=الكاس مامن كاس شيٍ مخيفي ولعب الحواري عنه نفسي ترفَّع=والمنتخب اليوم ماهو حليفي وينك ياماجد نبي اليوم تفزع=ننخاك وننخى العندليب الهريفي وننخى النعيمه للملاعيب يرجع=وننخى دعيع راع الشبَّاك النظيفي ومحيسن الجمعان لامن تهزَّع=سمعنا قلب الخصم يرجف رجيفي من عقبهم والِّلعب ماهو تسنَّع=تبرق وترعد والمطر به خفيفي والشيك من شان البطوله اموقَّع=للمنتخب حيث ان دربه كليفي ياهيه جاك العلم ماهو تمطِّع=هذا الأكيد اللي بالاعيان شيفي ومن شان هذا قلت ماني امشجِّع=مادام هذا لعبنا يالطيفي

نايف الشويب السليمي

طلَّابنا / بقلمي

	طلَّابنا يالشاطرين الحبايب=الدرس جاكم اتركوا عنكم اللعب بعد الاجازه حاضرٍ كل غايب=اللي حضر واللي بعد جاي بالدرب ثلاث اشهورٍ بين كل القرايب=ارض الوطن تسواك ياديرة الغرب ومن راح دار الغرب شاف العجايب=شاف الذي يقود بالسلسله كلب واحدٍ على ماقيل شاف الغرايب=حريمهم وارجالهم جنب في جنب رجَّالهم يشبه جميل الذوايب=تشوفهم سوى على الأكل والشرب لادين يردعهم ولامن رقايب=احوالهم واشكالهم تجلب الرعب احدٍ عقب ماشافهم جاك تايب=وقام يتهجَّّد تالي الليل للرَّب واحدٍ يعوم المومسات الرَّعايب=وبعد الوناسه يشتم النفس ويسب النفس والشيطان هم السبايب=والثالث اللي رفقته كلها نكب دلَّك على الشينات وفعل الخرايب=ان طعتني يااخوك دربه تجنَّب هذي حالة بعض البشر ياعجايب=وقت الاجازه بعض الاحوال تصعب وارض الوطن يازينها ياحبايب=الخير فيها ينعمه كامل الشعب ويازين شوف المقلمه والحقايب=ويازين شوف الفصل والدرس والكتب ومعلِّمٍ لاقام سد النوايب=زودٍ على تعليمنا صدره الرَّحب

نايف الشويب السليمي

بإذن الإله / بقلمي

	يالخاين الغدَّار ملعون ملعون=جريمتك بارض الوطن تقترفها غدرت ناسٍ بالمساجد يصلون=ارواحهم احزام غدرك نسفها يا ارجالنا بالأمن سلام مليون=تحية الإسلام ربي وصفها واخص اللي عليكم الكل محزون=شهادة الإسلام نلتم شرفها في جنَّةٍ يوجد بها الُّلول مكنون=واثمارها شهيدنا يقتطفها لو الاعادي بالمضامين يدرون=عضَّوا على كفَّ النَّدامه حسفها اخزاكم المعبود يااذناب صهيون=يازمرةٍ ابليس قام وحرفها عليكم الَّلعنات من خالق الكون=افكاركم سيل المخازي جرفها كيف الوطن فيه الامانه تخونون=افكاركم دارت عليكم اصدفها بإذن الإله اللي له الناس يسعون=افكاركم ماتاصل فينا هدفها الشعب مع الأمن لكم يصدُّون=انوفكم يالخاينين نعطفها هذا محمد النايف وانتم تعرفون=هو الذي كل الاعادي عسفها هذا الوطن غصباً على اعداه مصيون=والخاين عينه في يدينه طرفها اقولها واهل الامانه يقولون=ومايغتفر جرم الاعادي واسفها

نايف الشويب السليمي

قربك يسعدني / بقلمي

	الا ياتل قلبي من هوى زين الوصايف تل=تل الكابتن للطايره يوم انتهت مدارجها زواها في كبد السماء وطبلونها عداده فل=وعند الهبوط يزويها لا اشدت في تدحرجها عليك ياللي كن القمر نوره في جبينك طل=امواج الموت بعيونك فوقه رست بوارجها لاشافك المطوَّع راح فيها وكبَّر وهلَّل=وضيَّع الهرجه اللي قبل يشوفك كان يهرجها والله اني مالوم اللي لاشافك بالعقل يختل=عطاك ربي زينٍ كل اعقول الناس برمجها وانا رهينك بالمحبه وانت الغاصب المحتل=خيول حبي غصباً علينا بحماك نسرجها دامي اسيرك بالمحبه ياحبيبي عطني حل=وانا ابعطيك اسلوم الحب بس الزمً مناهجها خل الامور تمشي في صالحنا ياحسين الدَّل=ترى وصلك يبعد عن النفس الشقيَّه حرجها ارجوك لاتتركني بين ليت وبين عسى وعل=قربك يسعدني وبعدك صميم النفس يزعجها لاجاك من يعذلك عني لاتسمع اهروجه خل=وتصبَّر مثلي لين الله كل الضيقات يفرجها

نايف الشويب السليمي