منام الولوله

اسعد الله مساكم وصباحكم بكل خير
كثر غيابي وكثرت اعذاري ولكن يعلم الله اني ماغبت عنكم
رغبه بالغياب واني اعشق تواجدي هنا عشق ولكنها ضروف
هالحياه **على كلاً هذه من الارشيف وارجو انها تشفع لي بغيابي

الينك يامنام الولوله ماتريح التعبان=انام وثم اقوم وسم نومي مانكسر باسه
أدور للعلوم دروب ودروب العلوم تبان=مجابد راي واهل الراي بالافكار عساسه
اعرف انك تحملني مشاريه القدر يافلان=واعرف ان لثة حنوك الجمل ماتتقي اضراسه
واعرف ان الله يغفر الذنوب ورحمته غفران=وخلقه ماتناسوهرجةً بالعمر حساسه
واعرف ان الطبيب النفسي الماهر يجي مرضان=خطيراً يدخل الشك المريض ويقتله ياسه
واعرف إن كبوة حصان الاصل ماعيبت شقران=يعقبّ من بنات الريح هجراسه وهجراسه
يقولون البعير بكبر حجمه يشكي القردان=وانا اقول الخطا له مبسماً ياكثر من باسه
واعرف الهوش للمخطي واعرف معاتب الخلان=واعرف ان السكوت ولو يطول براي ودراسه
لعلك تدري انك في حدى الامرين لك مقطان=تعرف انه محلّك يابصدر الذيب يابراسه

مع تقديري ومحبتي للجميع

مرحباً ألف ماتغيب الا عن الشر يابو يوسف صح لسانك ملايين ولاهنت /
تقبَّل مروري :

اقتباس المشاركة الأصلية كتبت بواسطة نايف الشويب مرحباً ألف ماتغيب الا عن الشر يابو يوسف صح لسانك ملايين ولاهنت / تقبَّل مروري :

تسلم من كل شر اخوي نايف والبقا يالغالي وصحت ابدانك ولاهنت
مرورك عطر والف شكر لحضورك المبكر
لاهنت اخوي نايف

شاعرنا القدير سليمان بن جبيل
عساك ماتغيب إلا عن الشر انت ومنهم شرواك يالنشمي
عزيز وغالي ونعذرك وعارفين مشاغلك ونقدر لك ذلك
ابو يوسف
صح السانك مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

منور الدار يالنشمي
صح لسانك بحجم الكون
ودي لك يسبق ردي

اقتباس المشاركة الأصلية كتبت بواسطة سليمان بن جبيل اسعد الله مساكم وصباحكم بكل خير كثر غيابي وكثرت اعذاري ولكن يعلم الله اني ماغبت عنكم رغبه بالغياب واني اعشق تواجدي هنا عشق ولكنها ضروف هالحياه **على كلاً هذه من الارشيف وارجو انها تشفع لي بغيابي يقولون البعير بكبر حجمه يشكي القردان=وانا اقول الخطا له مبسماً ياكثر من باسه واعرف الهوش للمخطي واعرف معاتب الخلان=واعرف ان السكوت ولو يطول براي ودراسه لعلك تدري انك في حدى الامرين لك مقطان=تعرف انه محلّك يابصدر الذيب يابراسه مع تقديري ومحبتي للجميع

لله در من اعطاك راية الشعر لقبيلة بلي

اشهد بالله انك جبل

لك قبله على صلهامتك

اقتباس المشاركة الأصلية كتبت بواسطة المشرف العام شاعرنا القدير سليمان بن جبيل عساك ماتغيب إلا عن الشر انت ومنهم شرواك يالنشمي عزيز وغالي ونعذرك وعارفين مشاغلك ونقدر لك ذلك ابو يوسف صح السانك مدد بلا عدد .. .. . . خالص التحايا لسمو شخصك النبيل ??¯?ـ?ابو غازي?ـ?¯??

تسلم يابو غازي لاعدمتك ولايجيك الشر يالنشمي

الله يعز مقدارك ولايهينك وصحت ابدانك ياغالي

اقتباس المشاركة الأصلية كتبت بواسطة ابو أثير منور الدار يالنشمي صح لسانك بحجم الكون ودي لك يسبق ردي

هلابك ابو اثير ومنور بوجود الطيبين امثالك

وصحت ابدانك ولاهان جنابك الراقي
تحياتي لك

اقتباس المشاركة الأصلية كتبت بواسطة الجرح لله در من اعطاك راية الشعر لقبيلة بلي اشهد بالله انك جبل لك قبله على صلهامتك

هلا هلا بك ابو عبدالعزيز

لاهنت اخوي ولعلني اكون عند حسن ظن من اعطاني راية شعر بلي

وعلى مقدار ماقلدوني ربعي بهذه المفخره

ابو عبد العزيز كل التقدير لجميل الفاضك ولجميل مرورك العطر
لاهنت ياغالي

الشاعر سليمان ابن جبيل
عمي صح لسانك الف
تحياتي لك