أحلى صدفة

اذا جيت ارسم الفرحة على جدار الزمن بالوان=تبعثر حبر كلماتي وشتت فكرتي حزني
ولكن انتقي من ركن فرحي بصمة الفنان=واصخرها عباره باخر اللوحة عمل فني
بهالدنيا تورينا دواليب الزمن احيان =صدف من فرحنا نعجز نعبر وش لنا تعني
وكم صدفة نمر بها تروح وينسي ماكان=واثرها ينمحي بلحظة مثل فنجان متعني
وانا مدري اشلفاني وصابني من ذلك الانسان=لا هو طبعي ولا طبعة ولا جينا لقصد معني
يا ذاك الزول والقبلة مثل ذيك الصدف شتان=على قولة هل الامثال عرب لّبعض ماتغنيّ
كما يروي رمال الارض من بعض المطر هتان=وسيل يجرف قراها يدمرها ولآيبني
انا من فرحتي كني غريب عاد للاوطان=والا طفل نهار العيد يعد قروشة متهني
عسى طيبك يعذر اللي اندفع يمك وجاء ولهان=ويغفر زلته ويقول لا منك ولا مني

وسلامتكم


بقلمي


أختكم / سراب الكحيلة

الشاعرة القديرة سراب الكحيله

شاعرة من العيار الثقيل ولشعرها قافية غير
صح السانك بحجم السماء شاعرتنا
فاضلتي ننتظر جديد لاعدمناك




تقديري لسمو شخصك الكريم ؛؛؛

الشاعرة القديرة / سراب الكحيلة
صح لسانك إبداع لاهنتِ
لك أطيب تحياتي وفائق إحترامي وتقديري،،،

مشكور مشرفنا القدير

وخوي بو كادي على المرور المميز

لكم تحياتي

اررررحبي ياسراب الكحيله وصح لسانك وعلا شانك ولاعدمنا ذا القصيد الجزل جعلك تبطين حيه
تقبلي مرووري

شكرا حبيبتي ما تهاب

صح بدنك

ما عليك زود فديتك

لك تحياتي

اذا جيت ارسم الفرحة على جدار الزمن بالوان=تبعثر حبر كلماتي وشتت فكرتي حزني
ولكن انتقي من ركن فرحي بصمة الفنان=واصخرها عباره باخر اللوحة عمل فني

الله الله عليك يالشاعرة سراب الكحيلة
ابيات قويه لاهنتي تسلم الايادي وصح السانك الف

تقديري لك

ابيات تحوي على رسالة مشــفره اجادة الشاعرة حبكها بإتقان

صح السنها لاهانت الف

ربما صدفه خير من ميعاد

صح السانك

سراااب الكحيله

صح لسانك الف

ابيااات رااائعة