بإذن الإله / بقلمي

بإذن الإله / بقلمي

يالخاين الغدَّار ملعون ملعون=جريمتك بارض الوطن تقترفها
غدرت ناسٍ بالمساجد يصلون=ارواحهم احزام غدرك نسفها
يا ارجالنا بالأمن سلام مليون=تحية الإسلام ربي وصفها
واخص اللي عليكم الكل محزون=شهادة الإسلام نلتم شرفها
في جنَّةٍ يوجد بها الُّلول مكنون=واثمارها شهيدنا يقتطفها
لو الاعادي بالمضامين يدرون=عضَّوا على كفَّ النَّدامه حسفها
اخزاكم المعبود يااذناب صهيون=يازمرةٍ ابليس قام وحرفها
عليكم الَّلعنات من خالق الكون=افكاركم سيل المخازي جرفها
كيف الوطن فيه الامانه تخونون=افكاركم دارت عليكم اصدفها
بإذن الإله اللي له الناس يسعون=افكاركم ماتاصل فينا هدفها
الشعب مع الأمن لكم يصدُّون=انوفكم يالخاينين نعطفها
هذا محمد النايف وانتم تعرفون=هو الذي كل الاعادي عسفها
هذا الوطن غصباً على اعداه مصيون=والخاين عينه في يدينه طرفها
اقولها واهل الامانه يقولون=ومايغتفر جرم الاعادي واسفها

نايف الشويب السليمي

الشاعر نايف الشويب


نقول لمن كتب هذه السطور بعطر والورد والبخور وعطرة في أرجائه يجول

كتبت قصيده في قمة الروعـة في سماء الإبداع حلقت ولأجمل ابيات طرحت

ولا تحرمنا من تميزك وإبداعك سلمت أناملك وسلم إبداعك ودمت بحفظ الله