يامنتدى شمرهل المجد والطيب

هذه القصيده للشاعر مقبل الدخيل الشمري

وهي مدح في جميع من على هذي المنتدى الشامخ بدون ذكر الاسماء
واعنوانه:
(منتدى نشامى شمر)
لعل انها تحوز على رضاكم الجميع والمعذره عن القصور وانا اتقبل منكم
النقد والرد على اي اتجاه يعنيه ردكم في كل الاحوال وائليكم القصيده

يامنتدى شمر هل المجد والطيب=اهل الكرم واهل الوفا والحميه
ياطيور شلوى طيبين المواجيب=هالحين وفي ماض السنين الرديه
شمر ليا منه عوى الذيب للذيب=ولجن ضلوعه في مسامر خويه
الكل منكم له مقامن وتوجيب=ياحي والله عزوتن شمريه
اهل السيوف اللي تقص العراقيب=ان ثارعج مدورين المنيه
ان كلشن عصم الشوارب مغاضيب=عدوهم بالويل ماهو هنيه
يردون لحياض المنايا مواكيب=وافعالهم لو قلت ماهي شويه
وابختصر جزل المعاني بترتيب=وابازن المعنى بنفسن رضيه
وهليت باللي يستحق التراحيب=واكرره واقول يارب حيه
من دون ذكر وعد اسماء الاصاحيب=اخاف يبقى للاسامي بقيه
ياطيور شلوى طيبين المكاسيب=اهدي لكم مني سلام وتحيه
بالضيف والزاير وكل المعازيب=وأثني سلام للرجال الزكيه
يامنتدى شمر هل المجد والطيب=فيك النشامى نارهم دوم حيه
ياحلو حضرت طيبين المواهيب=وسوالفن في منتدانا نقيه
ماقيل يلقا فيه بعض العذاريب=بعيد عن كل العلوم الرديه
جميع من معنا عذي المشاريب=صفوة عرب يوجد به الغايريه

ولاتهون يالغالي هذا من لطفك وحسن ذاتك

صح لسانك ولاهنت

صح لسانك أخي مقبل ونعم فيك وفي ربعك قبيلة شمّر العريقة

ولاتهون باقي القبائل

تقديري ,,,,,

الله يحييك ويبقيك

ويرضى عليك ويرحم والديك

وهذا اكبر دليل على حسن ذاتك

وافي يالعزوة .... ونحمد الله ... على هالجمعا ... النقيه ... صح قلبك ... وصح كلك

تقبى وتسلم والنعم بك وبالجميع يالنشمي
صح السانك الف
تحياتي لك

الجزل مقبل الدخيل

الف صح لسانك وطاب فالك ولاهان راسك وعشت ياكحيلان
سلمت ودمت ورفع الله قدرك وعلا شانك ووفقك لكل خير

كل من في المنتدى رجال ونتشرف بجميع منهم من غير شمر
ووجودهم شرف عظيم لنا وفخر وجميع خواتنا اللي معنا من
شمر ومن غيرها لهن كل التقدير والاحترام وهن خوات الجميع

الف شكر لك على مشاعرك النبيله وحسن ذاتك ياطير شلوى
ويستحق هذا النص كل التقدير والاحترام هو وشاعره الفذ

نص مميز حقاً بكل ماجاء فيه من كلمات وجمل رائعه لاهنت

تقبل كل الود

شاعرنا القدير مقبل الدخيل
لاهنت يابو خالد
هذا من طيب قلبك ونبل اخلاقك ومنهم معنا كلهم ولله الحمد مثلك وشرواك ونعتز فيهم ونرفع روسنا بهم ونفتخر
صح السانك مدد بلا عدد
.. .. ..


خالص التحايا لسمو شخصك النبيل

الشاعر / مقبل الدخيل الشمري
صح لسانك وبيض الله وجهك يابعدي وافي لاهنت وابيات تفوق الخيال
وكل الإخوة والأخوات بهذا الصرح الشامخ يرفعون الراس جميعاً
نشكرك جزيل الشكر على كل حرف كتبته حفظك ربي ورعاك ووفقك بكل خير يامبدع.
لك أطيب فائق التحايا والتقدير،،،

عشت وصح السانك ملاييين يالنشمي