19-04-2012 | #1 |
|
حنا البدوا
أخواني صباحكم خير هذه القصيده ونبذه قصيره عن سببها لأن إذا ماعرف سبب القصيده تكون غامضه 0هو حدث نقاش حاد من بعض رعايا أحد الدول المجاورة مضمونه يقول دول الخليج بشكل عام والسعودية بشكل خاص شعوبه قبايل بدويه عندهم تخلّف بالعلم والحضارة وعندما قلت له حضارة الخليج أكبر من عمر دولتك بكثير زعل قلت باكر أرضيك وعندما تجمعنا من باكر بالدوام أعطيته القصيده قلت أقرلو أني على علم ماتفهم بعض معاني كلماته لأن كلماته كلمات قبايل بدويه قال حنا بدوا وأنتم تشوفوننا بالتمثيل على الخيل وببيوت الشعر قلت أشوفك أمس تنقدنا بالبداويه قال لالا أنا بس هاشكل قلت المهم القصيده تره تخصك أنت واللي مثلك فقط من دون الثانين ومن دون دولتك وأنت ماتمثل أحد إلا نفسك لاتمثل شعب ولا دولة فيها أقول
نواف هات البوك وهات المظاريف = يأبو مدى قلبي من الضيق مغمور
يسوقن الخافق لراس المشانيف= روس الطوال اللي زماء دونهن قور قلبي يضكنّه ضلوعاً مهاديف = لو ماأحكمنّه رافق الريح وطيور ينوض نوض منتّف الريش تنتيف= من الحماقه ينتش السبق وسيور يكفخ كمااللي حادياته عواصيف= لكن عن النوهات والمشي محشور ويهوم هومات السلف بكنّة الصّيف= بطلوع نجم يبّس العشب بحرور لياذكرت اللي مضاء صابني حيف= أحس قلبي بين الأضلاع مسمور يسوج سوج مربّطات المعاسيف= خطو العسيف اللي عن الطّرش مقهور حيث أن قلبي يارقيت المشاريف= يرتاح به بالي لو الهم مكثور شوف الصحاري والسهال القفاقيف= وريح النبات اللي من الوسم ممطور قبل الليالي توقف العمر توقيف= مع سلّم يمشي بنا الوقت بحدور ماهي ثقافة مروحين الدّناديف= خباث النّفوس اللي به حقد وغرور حنا البدوا وعاداتنا نكرم الضّيف= والجار معنا دايم الدوم مسرور وحنا هل النّوهات بعاد الأطاريف= وفعولنا يوم الفعايل لها دور تشهد لنا البندق ويشهد لنا السّيف= وتشهد سروج الخيل ويشهد لنا الكور أن صار بطراف الجهامة خواطيف = بيوم عبوس مظلم خوف وشرور كم أبلج من فعلنا طاح ماشيف= تحت الرّمك داسنّه الخيل بحفور بمهنّد حدّه يقص السراجيف= من كف شغموم يقضّه على الزّور ليانتخاء وله زغرتن الغطاريف= وصاح الصياح وردها كل ممرور نسكر سطر لعيون هجفاً مواليف = ومن ضربنا يقفي به الشيخ مذعور ونصبر على جور الزمن والمصاريف =ياشح زاد الوقت ولافيه ميسور ونسكن بيوت كا الهضاب المهاديف= تلقاء بها كيف لو الوقت به جور نهلّي ونضحك والليالي معاجيف = يوماً ولد اللاش يدبر كماء الثور ونرعى نبات القفر بالخوف ونخيف= وقطعاننا ترعى زماليق وزهور عشب المزون اللي بروقه رفاريف= مزناً نباته مقفر ماهو مأثور نمشي بأمان وخير من السيف لسيف= من البحر الأحمر للامارات بسرور في حكم من هم طوعوا نجد بالسّيف= صواعق من ضربه الدّم منثور وصلات ربي عد ماذعذع الهيف = على نبياً سيرته للهدى نور |
|
19-04-2012 | #2 |
|
رد: حنا البدوا
بالعلم والحضاره !!!
بالعلم بلدنا مهبط الوحي والاسلام تاج العلوم الانسانيه والحضارات مازالت اثارها موجوده من العصر الجاهلي ،،، اما الحضاره العصريه ،، الحمد والفضل لله لدينا آخر ماتوصلت اليه الأمم في الطب والتكنولوجيا والنقل والطرق وشتى مجالات الحياة وكل شعوب الارض تعرف اهمية الخليج الاقتصاديه اما البدواه ... فهي فخر واننا شعوب مازلنا متمسكين بشيمنا الاسلاميه العربيه الاصيله وبالذات (نجد) هي المنطقة الوحيده بالعالم اللتي لم تطأها قدم المستعمر والسعوديه عامه اول دوله عربيه مستقله ومن يعيرنا بالقبائل فأن ساس العرب من الجزيره وكل قبيله في الدول العربيه تنحدر اصولها من الجزيره ولكن الحسد والحقد يملأ قلوب من اندثرت اصولهم بسبب الاستعمار الحقائق يابهلول دامغه ومن ينكرها انسان جاهل او حقود لله درك ثم لله درك الجمته حجر ،،، بلغ كفيله يسفره هاض مش كويس |
تفاعلك مع الآخرين يجبرهم على التفاعل معك والعكس بالعكس |
19-04-2012 | #3 |
نائب المشرف العام
صفق الهواء
|
رد: حنا البدوا
الجزل القدير بهلول الزميلي الف صح لسانك وطاب فالك ولاهان راسك ولله درك قصيده شامخه شموخ الجبال بكل ماجاء فيها من اصاله شاعر قدير نقي شهم غيور الله يعلي مقامك عند الواحد الاحد سلمت ودمت عزالله انك لجمته وخيبت سده بهذه الرائعه المحمله بالشموخ دمت شامخ ياشامخ وغفر الله لك ولوالديك |
|
19-04-2012 | #5 |
عــــميد الشــــعراء
|
رد: حنا البدوا
صح لسانك اخوي على هذه الرائعه
وبلدنا هو محل العم واي علم اعم واشمل واجمل من القران الكريم والسنه النبويه المطهره سبحان الله العظيم انقلبة المفاهيم عند بعض ظعاف العقول فاصبح المعروف منكرا والمنكر معروف نسال الله العافيه اخوي شكرالك على هذه القصيده الله يبيض وجهك |
|
19-04-2012 | #8 |
|
رد: حنا البدوا
بهلول الزميلي
لله درك ودر عروبتك يابعد حيي صح السانك حتى ترضى |
محارش يتحرش بشوشتوه حرتس حيل ياكثر حركتوه هالليد هع
|
19-04-2012 | #9 |
|
رد: حنا البدوا
ما قصرت
كفيت ووفيت يالعزوه وقد اصبت الحقيقه ومزّقت كبدها قصيدة فخر واعتزاز وانت من اهل الفخر والنوماس قصيده تعتبر معلّقه في مضمونها وجزالتها صح لسانك ودمت بخير ابو سلطان |
|
19-04-2012 | #10 |
الإدارة
|
رد: حنا البدوا
شاعرنا القدير بهلول الزميلي
كفيت ووفيت يابعد حيي ... وتعليق شاعرنا الكبير عبدالعزيز بن بليهد ... مابعده تعليق بصراحه ابو نواف صح السانك مدد بلا عدد .. .. .. خالص التحايا لسمو شخصك النبيل |
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام